ລາວຫາລືກ່ຽວກັບການກຳນົດແຮງງານຂັ້ນຕ່ຳ

ລາວຫາລືກ່ຽວກັບການກຳນົດແຮງງານຂັ້ນຕ່ຳ - advert banner 728 90 728x90 - ລາວຫາລືກ່ຽວກັບການກຳນົດແຮງງານຂັ້ນຕ່ຳ

ໃນວັນທີ 3 ຕຸລານີ້, ຢູ່ນະຄອນຫລວງວຽງຈັນ ໄດ້ມີກອງປະຊຸມສາມຝ່າຍຄື: ກະຊວງແຮງງານ ແລະ ສະຫວັດດີການສັງຄົມ, ອົງການແຮງງານສາກົນແລະ ສະພາການຄ້າ ແລະ ອຸດສາຫະກຳແຫ່ງຊາດລາວ, ກ່ຽວກັບການກຳນົດແຮງງານຂັ້ນຕ່ຳ, ໂດຍການເປັນປະທານຂອງທ່ານ ນາງ ໃບຄຳ ຂັດຕິຍະ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.

ລາວຫາລືກ່ຽວກັບການກຳນົດແຮງງານຂັ້ນຕ່ຳ - new3 - ລາວຫາລືກ່ຽວກັບການກຳນົດແຮງງານຂັ້ນຕ່ຳ

    ທ່ານ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ຍົກໃຫ້ເຫັນວ່າ: ໃນຫລາຍປີຜ່ານມາ, ເສດຖະກິດໂດຍລວມຂອງປະເທດເຮົາມີການຂະຫຍາຍຢ່າງຕໍ່ເນື່ອງ, ແຕ່ເຖິງຢ່າງໃດກໍຕາມ, ການປ່ຽນແປງທາງດ້ານເສດຖະກິດທັງຢູ່ພາຍໃນປະເທດ, ພາກພຶ້ນ ແລະ ສາກົນຍັງສົ່ງຜົນກະທົບຕໍ່ການດຳລົງຊີວິດຂັ້ນພື້ນຖານຂອງຊາວຜູ້ອອກແຮງງານ, ໂດຍສະເພາະກຸ່ມຜູ້ອອກແຮງງານທີ່ມີລະດັບສີມືຕ່ຳ ລວມທັງແຮງງານເຄື່ອນຍ້້າຍຈາກຊົນນະບົດ ເຂົ້າມາເຮັດວຽກໃນຕົວເມືອງ ແລະ ຄ່າແຮງງານທີ່ຕ່ຳເປັນສາເຫດໜຶ່ງພາໃຫ້ມີການຂາດແຄນແຮງງານຢູ່ບັນດາຫົວໜ່ວຍແຮງງານ, ສັງເກດໄດ້ຈາກອັດຕາການເຂົ້າ-ອອກວຽກທີ່ຍັງມີສູງ, ພ້ອມດຽວກັນນັ້ນ ແຮງງານລາວຈຳນວນຫລາຍໄດ້ເຄື່ອນຍ້າຍໄປເຮັດວຽກຢູ່ປະເທດໃກ້ຄຽງທີ່ມີຄ່າແຮງງານສູງກ່ວາ ເຮັດໃຫ້ເກີດຜົນກະທົບຕໍ່ລະບົບເສດຖະກິດໂດຍລວມຂອງປະເທດ.

    ທ່ານຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ໃນໄລຍະຜ່ານມາ ສປປ ລາວ ໄດ້ມີການປັບປຸງລະດັບຄ່າແຮງງານຂັ້ນຕ່ຳມາແລ້ວ 8 ຄັ້ງ, ຊຶ່ງເລີ່ມແຕ່ປີ 1991 ເປັນຕົ້ນມາ, ໃນໄລຍະນັ້ນ ກຳນົດ 26.000 ກີບ/ຄົນ/ຕໍ່ເດືອນ ແລະ ຄັ້ງຫລ້າສຸດແມ່ນປີ 2018 ກຳນົດ 1.100,000 ກີບ/ຄົນ/ເດືອນ ຜ່ານການຈັດຕັ້ງປະຕິບັດຄ່າແຮງງານຂັ້ນຕໍ່າ ດັ່ງກ່າວໃນໄລຍະ 1 ປີຜ່ານມາເຫັນໄດ້ວ່າ ຫົວໜ່ວຍແຮງງານສ່ວນຫລາຍສາມາດປະຕິບັດໄດ້. ຕາມການປະເມີນຂອງກົມຄຸ້ມຄອງແຮງງານ ຢູ່ຫົວໜ່ວຍແຮງງານຂະໜາດກາງ ລະ ໃຫຍ່ ການຈ່າຍຄ່າແຮງງານຢູ່ປະເທດເຮົາ ແບ່ງຕາມຂະແຫນງເສດຖະກິດ ເຫັນວ່າ: ຂະແຫນງກະສິກຳ ປະມານ 2,3 ລ້ານກີບ/ເດືອນ, ອຸດສາຫະກຳ ຈ່າຍປະມານ 3,4 ລ້ານກີບ/ເດືອນ ແລະ ຂະແຫນງ ບໍລິການປະມານ 2,4 ລ້ານກີບ/ເດືອນ, ແຕ່ເຖິງຢ່າໃດກໍຕາມ, ຍັງມີຫລາຍຫົວໜ່ວຍແຮງງານໂດຍສະເພາະໃນຂະແຫນງ SME ແລະ ຫົວໜ່ວຍແຮງງານໃນເຂດຊົນນະບົດ ຍັງບໍ່ສາມາດປະຕິບັດຄ່າແຮງງານໃຫ້ສອດຄ່ອງກັບຄ່າແຮງງານຂັ້ນຕ່ຳທີ່ລັດຖະບານວາງອອກໄດ້, ຊຶ່ງຈະຕ້ອງໄດ້ມີການປັບປຸງລະບຽບ ແລະ ນິຕິກຳໃຫ້ສອດຄ່ອງ ແລະ ເຂັ້ມງວດກ່າວເກົ່າ.

ລາວຫາລືກ່ຽວກັບການກຳນົດແຮງງານຂັ້ນຕ່ຳ - lattana 1 - ລາວຫາລືກ່ຽວກັບການກຳນົດແຮງງານຂັ້ນຕ່ຳ
error: Content is protected !!