ຮອງນາຍົກສອນໄຊ ສີພັນດອນ ເນັ້ນໃຫ້ແຂວງສະຫວັນນະເຂດ ເລັ່ງສະໜອງປັດໄຈການຜະລິດແກ່ປະຊາຊົນປະສົບໄພນ້ຳຖ້ວມ

- advert banner 728 90 728x90 - ຮອງນາຍົກສອນໄຊ ສີພັນດອນ ເນັ້ນໃຫ້ແຂວງສະຫວັນນະເຂດ ເລັ່ງສະໜອງປັດໄຈການຜະລິດແກ່ປະຊາຊົນປະສົບໄພນ້ຳຖ້ວມ

ຂປລ.ໃນວັນທີ 3 ຕຸລານີ້,ທ່ານ ສອນໄຊ ສີພັນດອນຮອງນາຍົກລັດຖະມົນຕີ ພ້ອມຄະນະ ໄດ້ລົງເຄື່ອນໄຫວເຮັດວຽກຢູ່ ແຂວງສະຫວັນນະເຂດ,ໂດຍໄດ້ເນັ້ນໃຫ້ອົງການປົກຄອງແຂວງ ເອົາໃຈໃສ່ໃນຫລາຍບັນຫາ ເປັນຕົ້ນການນຳເຂົ້າ-ສົ່ງອອກ ແລະ ການຄຸ້ມຄອງລາຄາສິນຄ້າ, ການບໍລິການຜ່ານປະຕູດຽວ, ການແກ້ໄຂບັນຫາປະກົດການຫຍໍ້ທໍ້ຕ່າງໆ, ການປັບປຸງພື້ນຖານໂຄງລ່າງ;ສ່ວນການລົງທຶນຂອງພາກລັດ ແລະ ພາກເອກະຊົນ ທັງພາຍໃນ ແລະ ຕ່າງປະເທດ ໃຫ້ສືບຕໍ່ເຂັ້ມງວດປະຕິບັດ ບັນດາໂຄງການຕາມທີ່ສະພາອະນຸມັດ ແລະ ໃຫ້ກວດກາຄືນບັນດາໂຄງການນອກແຜນທີ່ໄດ້ປະຕິບັດຜ່ານມາ ໃຫ້ສຳເລັດ;ປັບ​ປຸງລະບຽບການແລະກົນໄກການປະສານງານລະບົບປະຕູດຽວ ເພື່ອຮັບປະກັນຄວາມໂປ່ງໃສ ແລະ ວ່ອງໄວ.

- new3 - ຮອງນາຍົກສອນໄຊ ສີພັນດອນ ເນັ້ນໃຫ້ແຂວງສະຫວັນນະເຂດ ເລັ່ງສະໜອງປັດໄຈການຜະລິດແກ່ປະຊາຊົນປະສົບໄພນ້ຳຖ້ວມ
- 71178751 1130446187159160 5688025352748662784 n - ຮອງນາຍົກສອນໄຊ ສີພັນດອນ ເນັ້ນໃຫ້ແຂວງສະຫວັນນະເຂດ ເລັ່ງສະໜອງປັດໄຈການຜະລິດແກ່ປະຊາຊົນປະສົບໄພນ້ຳຖ້ວມ

    ຄຽງຄູ່ກັນນັ້ນ, ແມ່ນໃຫ້ສຸມໃສ່​ວຽກງານຟື້ນຟູໄພພິບັດ ໂດຍເນັ້ນໃສ່ຂະແໜງກະສິກຳເປັນຫລັກ ໃຫ້ສະໜອງແນວພັນເຂົ້າ, ແນວພັນພືດ, ແນວພັນສັດ ແລະ ເຂົ້າກິນ ໃຫ້ປະຊາຊົນຜູ້ປະສົບໄພພິບັດນ້ຳຖ້ວມ ຢ່າງຮີບດ່ວນ ແລະ ໃຫ້ສືບຕໍ່ປັບປຸງພື້ນຖານໂຄງລ່າງເປັນຕົ້ນເສັ້ນທາງ, ຂົວ, ໂຮງຮຽນແລະສຸກສາລາຕ່າງໆ ທີ່ໄດ້ຮັບຜົນກະທົບ ເພື່ອໃຫ້ກັບຄືນສູ່ສະພາບປົກກະຕິໂດຍໄວ.

- lattana 1 - ຮອງນາຍົກສອນໄຊ ສີພັນດອນ ເນັ້ນໃຫ້ແຂວງສະຫວັນນະເຂດ ເລັ່ງສະໜອງປັດໄຈການຜະລິດແກ່ປະຊາຊົນປະສົບໄພນ້ຳຖ້ວມ

ໃນໂອກາດນີ້, ທ່ານ ສອນໄຊ ສີພັນດອນໄດ້ຮັບຟັງລາຍງານສະພາບການພັດທະນາເສດຖະກິດ-ສັງຄົມ ຂອງແຂວງໂດຍຫຍໍ້ຈາກທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດວ່າ: ໃນ 9 ເດືອນຕົ້ນປີນີ້ເສດຖະກິດຂະຫຍາຍຕົວໃນລະດັບ 8% (ແຜນ 9,5%) ມີມູນ​ຄ່າ12.148ຕື້ກວ່າ​ກີບ,ເທົ່າ​ກັບ 63,98% ຂອງ​ແຜນ​ການ(ແຜນ​ 18.987,7 ​ຕື້ກີບ).ໃນນັ້ນ,ກະສິກໍາເພີ່ມຂຶ້ນ 9,86% ກວມ17,61%, ອຸດສະຫະກຳເພີ່ມຂຶ້ນ 7,88% ກວມ 45,12%,ຂະແໜງບໍລິການເພີ່ມຂຶ້ນ 7,31% ກວມ 37,27%, ສະເລ່ຍໃສ່ຫົວຄົນໄດ້ 1.362 ໂດລາສະຫະລັດ. ໂດຍລວມແລ້ວການພັດທະນາເສດຖະກິດ-ສັງຄົມຂອງແຂວງຍັງໄປຕາມທິດການຫັນເປັນອຸດສາຫະກຳແລະທັນສະໄໝເທື່ອລະກ້າວເຊິ່ງຂະແໜງອຸດສາຫະກຳປຸງແຕ່ງເປັນຕົວຊຸກຍູ້ເສດຖະກິດເປັນຕົ້ນໂລຫະທອງແດງ, ເຫຍື່ອເຈ້ຍ, ຢາສູບ ແລະອຸປະກອນພາບດີຈີຕອນ.

error: Content is protected !!