ມີນິຕິກຳຍັງບໍ່ພໍ ຂໍໃຫ້ປະຕິບັດ

ມີນິຕິກຳຍັງບໍ່ພໍ ຂໍໃຫ້ປະຕິບັດ - advert banner 728 90 728x90 - ມີນິຕິກຳຍັງບໍ່ພໍ ຂໍໃຫ້ປະຕິບັດ

ໂດຍ: ມຶກບໍ່ແຫ້ງ

ມີນິຕິກຳຍັງບໍ່ພໍ ຂໍໃຫ້ປະຕິບັດ - new3 - ມີນິຕິກຳຍັງບໍ່ພໍ ຂໍໃຫ້ປະຕິບັດ

ການສ້າງນິຕິກຳເພື່ອເປັນເຄື່ອງມື ຕໍ່ການຈັດປະຕິບັດວຽກງານ, ຄຸ້ມຄອງ ບັນດາຂະແໜງການຕ່າງໆນັ້ນ ແມ່ນມີຄວາມສຳຄັນ ແຕ່ບັນດານິຕິກຳຈະ ມີຄວາມໝາຍ ກໍຕໍ່ເມື່ອໄດ້ຮັບການຈັດຕັ້ງປະຕິບັດຢ່າງເຄັ່ງຄັດ.

ທ່ານ ສະເຫຼີມໄຊ ກົມມະສິດ, ລັດຖະມົນຕີ ວ່າການກະຊວງການຕ່າງ ປະເທດແຫ່ງສປປລາວ ໄດ້ກ່າວໃນກອງປະຊຸມ ສະມັດຊາໃຫຍ່ຄັ້ງທີ 74 ອົງການສະຫະປະຊາຊາດ ທີ່ນະຄອນ ນິວຢອກ, ສະຫະລັດ ອາເມລິກາ ເມື່ອອາທິດຜ່ານມາວ່າ “ມີນິຕິກຳທີ່ດີນັ້ນ ຍັງບໍ່ພໍ ຕ້ອງໄດ້ຮັບການຈັດຕັ້ງ ປະຕິບັດ” ຈຶ່ງຈະເຮັດໃຫ້ ບັນດານິຕິກຳເຫຼົ່ານັ້ນມີຄວາມໝາຍ.

ໃນໂອກາດ ການກ່າວປາໄສເທິງເວທີອັນມີກຽດທີ່ຕາງໜ້າປະຊາຊົນ ລາວນັ້ນ ທ່ານລັດຖະມົນຕີໄດ້ໃຊ້ເວລາເກືອບ 15​ ນາທີໃນການກ່າວ ເຖິງບັນຫາຕ່າງໆ ທີ່ກ່ຽວພັນກັບການພັດທະນາ, ບັນຫາຂອງໂລກ ໃນຂົງ ເຂດຕ່າງໆໃນນັ້ນ ເພິ່ນໄດ້ໃຊ້ເວລາເກືອບ 5 ນາທີ ໃນຕອນຕົ້ນຂອງບົດກ່າວ ປາໄສ ກ່ຽວກັບ ໄພພິບັດທຳມະຊາດ, ການປ່ຽນແປງດິນຟ້າອາກາດ.

ທ່ານໄດ້ຊີ້ໃຫ້ເຫັນວ່າ ໃນປັດຈຸບັນນີ້ໂລກພວກເຮົາໄດ້ພົບພໍ້ກັບສິ່ງທ້າທາຍ ຫຼາຍປະການເນື່ອງຈາກ ໄພພິບັດທຳມະຊາດ ເປັນຕົ້ນຄື້ນຄວາມຮ້ອນ ໃນທະວີບເອີຣົບ, ໄພແຫ້ງແລ້ງ ແລະ ໄພນໍ້າຖ້ວມ ໂດຍສະເພາະຢູ່ ພາກໃຕ້ຂອງລາວໃນປີນີ້ ເຊິ່ງໄດ້ສ້າງຄວາມເສຍຫາຍຢ່າງໃຫຍ່ຫຼວງ.

ມີນິຕິກຳຍັງບໍ່ພໍ ຂໍໃຫ້ປະຕິບັດ - 71184353 1118419005028545 4375538253952974848 n - ມີນິຕິກຳຍັງບໍ່ພໍ ຂໍໃຫ້ປະຕິບັດ

ບັນດາໄພພິບັດທຳມະຊາດເຫຼົ່ານັ້ນ ແມ່ນຜົນພວງມາຈາກ ການປ່ຽນແປງ ດິນຟ້າອາກາດ ເຊິ່ງໄດ້ກາຍເປັນໄພຂົ່ມຂູ່ຂອງທຸກປະເທດ ໂດຍສະເພາະ ບັນດາປະເທດ ທີ່ກຳລັງພັດທະນາ ຄືພວກເຮົາ ຍິ່ງມີຄວາມສ່ຽງສູງ ຍ້ອນຍັງບໍ່ທັນມີຄວາມເຂັ້ມແຂງພຽງພໍ.

ແຕ່ແນວໃດກໍຕາມ ສປປລາວ ໄດ້ສ້າງບັນດາ ນິຕິກຳຕ່າງໆ ບໍ່ວ່າຈະເປັນ ກົດໝາຍ, ຍຸດທະສາດ, ນະໂຍບາຍ ຕ່າງໆ ທີ່ກ່ຽວພັນກັບ ການປ່ຽນ ແປງດິນຟ້າອາກາດ, ການປ້ອງກັນ ແລະ ຄວບຄຸມໄພພິບັດ ເປັນຕົ້ນກົດ ໝາຍວ່າ ດ້ວຍການຄຸ້ມຄອງໄພພິບັດທີ່ຫາກໍໄດ້ຜ່ານສະພາແຫ່ງຊາດ ເມື່ອເດືອນມິຖຸນາ 2019​ ທີ່ຜ່ານມາ.

ມີນິຕິກຳຍັງບໍ່ພໍ ຂໍໃຫ້ປະຕິບັດ - lattana 1 - ມີນິຕິກຳຍັງບໍ່ພໍ ຂໍໃຫ້ປະຕິບັດ

ເຖິງຢ່າງໃດກໍຕາມ, ທ່ານ ສະເຫຼີມໄຊ ກົມມະສິດ ກ່າວວ່າ “ການທີ່ມີ ບັນດານິຕິກຳນັ້ນ ຍັງບໍ່ພຽງພໍ ຕ້ອງໄດ້ຈັດຕັ້ງປະຕິບັດຈຶ່ງຈະມີຄວາມ ໝາຍ” ເພື່ອຮັບປະກັນໃຫ້ ປະຊາຊົນຫຼຸດຜ່ອນຄວາມສ່ຽງ, ສູນເສຍ ຊີວິດ ແລະ ຊັບສິນຈາກໄພພິບັດ.

ເຊິ່ງບັນຫານີ້ ກໍຄ້າຍຄືກັນກັບບັນດາຂະແໜງການອື່ນໆ ທີ່ມີກົດໝາຍ, ກົດລະບຽບແລ້ວ ແຕ່ບໍ່ສາມາດ ປະຕິບັດໄດ້ຢ່າງເຕັມສ່ວນ ເຊິ່ງເປັນບັນຫາ ທີ່ມີມາຊ້ານານ ເຊິ່ງຕ້ອງໄດ້ເພີ່ມຄວາມພະຍາຍາມໃນການຈັດຕັ້ງປະຕິບັດ ບັນດານິຕິກຳທີ່ໄດ້ວາງອອກດັ່ງກ່າວ.

ມາຮອດປັດຈຸບັນ ສປປລາວ ມີຫຼາຍກວ່າ 100 ກົດໝາຍ ແລະ ເມື່ອເດືອນ ກັນຍາ 2019​ ຜ່ານມາກະຊວງ ຍຸຕິທຳ ກໍຫາ ປະກາດ ນໍາປຶ້ມປະມວນກົດໝາຍສະບັບທຳອິດຂອງ ສປປລາວ ແຕ່ຄວາມເປັນຫ່ວງ ໃນວົງກວ້າງ ກໍຄືພວກເຮົາຈະສາມາດນຳໃຊ້ບັນດາເຄື່ອງມືດັ່ງກ່າວຢ່າງ ແທດເໝາະແນວໃດ, ຈະເຮັດໃຫ້ ມີຜົນສັກສິດຫຼາຍສໍ່າໃດ.

ຮັບຮູ້ວ່າ ລັດຖະບານພວກເຮົາ ໄດ້ພະຍາຍາມສ້າງ “ລັດແຫ່ງກົດໝາຍ” ໃຫ້ເປັນຈິງ ເຊິ່ງຄວາມພະຍາຍາມ ຮຽກຮ້ອງໃຫ້ມີສ່ວນຮ່ວມຢ່າງກວ້າງ ຂວາງທົ່ວປວງຊົນ ຈຶ່ງຈະສາມາດບັນລຸເປົ້າໝາຍ “ສ້າງໄດ້ ຕ້ອງປະຕິບັດ ໃຫ້ໄດ້”.

error: Content is protected !!