ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76%

ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76% - advert banner 728 90 728x90 - ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76%

ທ່ານ ແທ່ນຄຳ ທອງບົນ ຮັກສາການຫົວໜ້າຄະນະຄຸ້ມຄອງໂຄງການທາງລົດໄຟ ລາວ – ຈີນ ໄດ້ໃຫ້ສຳພາດວ່າ: ມາຮອດປັດຈຸບັນ ທ້າຍເດືອນສິງຫາຜ່ານມານີ້ ໂຄງການກໍ່ສ້າງທາງລົດໄຟ ລາວ – ຈີນ ມີຄວາມຄືບໜ້າຫລາຍກວ່າ 76% ໃນນີ້ຍັງບໍ່ລວມວຽກລະບົບລາງ, ລະບົບໄຟຟ້າ ແລະ ລະບົບຄວບ ຄຸມຕ່າງໆ ຊຶ່ງຖືວ່າປະຕິບັດໄດ້ລື່ນແຜນການກຳນົດໄວ້.

ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76% - new3 - ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76%

ສ່ວນການມອບພື້ນທີ່ໃຫ້ໂຄງການແມ່ນສຳເລັດແລ້ວ98 % ຈາກພື້ນທີ່ທັງໝົດຂອງແລວລົດໄຟ ແລະ ພື້ນທີ່ສະຖານີ 3.000 ເຮັກຕາ ໃນນີ້ເນື້ອທີ່ສ້າງສະຖານີທັງໝົດ 10 ແຫ່ງ ລວມມີເນື້ອທີ່ 812,7 ເຮັກຕາ.
ສຳລັບການຈ່າຍຊົດເຊີຍແມ່ນສຳເລັດແລ້ວ 20% ເປັນເງິນ 369 ຕື້ກີບ ແລະ ໃນສະເພາະປີ 2019 ນີ້ ຈະຈ່າຍຊົດເຊີຍໃນມູນຄ່າ 450 ຕື້ກີບ ໃນນັ້ນເປັນງົບປະມານຂອງລັດຖະບານ 250 ຕື້ກີບ ຊຶ່ງປັດຈຸບັນໄດ້ຈ່າຍໃຫ້ບັນດາແຂວງທີ່ນອນໃນໂຄງການແລ້ວ 134 ຕື້ກີບ, ສ່ວນທີ່ຍັງເຫຼືອກໍາລັງດໍາເນີນເອກະສານຂໍເບີກຈ່າຍ, ນອກນີ້ ຍັງມີງົບຂອງບໍລິສັດລົດໄຟລາວ-ຈີນ ຈຳນວນ 200 ຕື້ກີບທີ່ໃຊ້ເຂົ້າໃນການຈ່າຍຊົດເຊີຍໃນສົກປີນີ້, ນອກນີ້ຍັງມີອີກ 317 ຕື້ ເປັນເງິນຊ່ວຍເຫຼືອຂອງລັດຖະບານຈີນ ທີ່ຈ່າຍຊົດເຊີຍໃນຮູບແບບສ້າງບ້ານຈັດສັນໃຫ້ 4 ຈຸດ.

ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76% - 57485720 2081781201870433 3836733447028604928 o 1024x683 - ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76%

ທ່ານ ຮັກສາການຄະນະດັ່ງກ່າວໃຫ້ຮູ້ວ່າ: ຈຳນວນທີ່ໄດ້ຈ່າຍໄປແລ້ວ ບວກກັບໂຕເລກໃນສົກປີ 2019 ນີ້ ລວມມີ 1.136 ຕື້ກີບ ຈາກງົບປະມານທີ່ຕ້ອງການເພື່ອມາຊົດເຊີຍທັງໝົດ 2.492 ຕື້ກີບ, ໝາຍວ່າ ຍັງຕ້ອງການງົບອີກ 1.356 ຕື້ກີບ ເພື່ອໃຊ້ໃນວຽກງານດັ່ງກ່າວ ຊຶ່ງລັດຖະບານໄດ້ມີແຈ້ງການອອກມາແລ້ວ ໂດຍໄດ້ເອົາເຂົ້າງົບປະມານໃນສົກປີ 2020 ຈຳນວນ 400 ຕື້ ສ່ວນທີ່ເຫຼືອແມ່ນມອບໃຫ້ທະນາຄານແຫ່ງ ສປປ ລາວ ຂາຍເປັນພັນທະບັດ ເພື່ອມາຈ່າຍຄ່າຊົດເຊີຍ.

ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76% - safe image 1 - ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76%

ໂຄງການກໍ່ສ້າງທາງລົດໄຟ ລາວ – ຈີນ ມີມູນຄ່າການລົງທຶນ ປະມານ 5.956 ລ້ານໂດລາສະຫະລັດ ໂດຍລັດວິສາຫະກິດລົດໄຟແຫ່ງຊາດລາວຖືຫຸ້ນ 30% ແລະ 70% ຂອງ 3 ວິສາຫະກິດຈີນ ຄື: ບໍລິສັດທາງລົດໄຟບໍ່ເຕ່ນ – ວຽງຈັນ ຖືຫຸ້ນ 40%, ບໍລິສັດລົງທຶນປັກກິ່ງຢູ່ຄຸນ 20% ແລະ ບໍລິສັດລົງທຶນຫຸ້ນສ່ວນ ແຂວງຢຸນໜານ ຈຳ ກັດ ຖືຫຸ້ນ 10%.

ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76% - lattana 1 - ໂຄງການກໍ່ສ້າງທາງລົດໄຟ ລາວ-ຈີນມີຄວາມຄືບໜ້າ 76%

 ໂຄງການດັ່ງກ່າວ ເລີ່ມແຕ່ຊາຍແດນລາວ – ຈີນ ຫາ ນະຄອນຫຼວງວຽງຈັນມີຄວາມຍາວ 414ກ ວ່າກິໂລແມັດ ລວມມີ 10 ສະຖານີ ໃນນີ້ມີສະຖານີໃຫຍ່ 3 ສະຖານີ ຄື: ສະຖານີຫຼວງພະບາງ, ສະ ຖານີວັງວຽງ ແລະ ສະຖານີນະຄອນຫຼວງວຽງຈັນ. ໂດຍລວມແລ້ວ, ການກໍ່ສ້າງທາງລົດໄຟ ໄດ້ເຈາະອຸໂມທັງໝົດ 75 ແຫ່ງ ລວມຄວາມຍາວ 197 ກວ່າກິໂລແມັດ; ກໍ່ສ້າງຂົວທັງໝົດ 163 ແຫ່ງ ລວມຄວາມຍາວ 61 ກວ່າກິໂລແມັດ ແລະ ທີ່ເຫຼືອແມ່ນກໍ່ສ້າງທາງລຽບໜ້າດິນ. ໂຄງການນີ້ຈະເຮັດໃຫ້ ສປປ ລາວ ມີພື້ນຖານໂຄງລ່າງທາງດ້ານເສດຖະກິດທີ່ໝັ້ນຄົງ ຕອບສະໜອງຍຸດທະສາດ “ຫັນປະເທດຈາກປະເທດທີ່ບໍ່ມີຊາຍແດນຕິດກັບທະເລ ມາເປັນປະເທດເຊື່ອມຈອດກັບບັນດາພາກພື້ນ ແລະ ສາກົນ” ຊຶ່ງຈະເປັນການບັນລຸຍຸດທະສາດການຮ່ວມມື ແລະ ການເຊື່ອມຈອດລະຫວ່າງ ສປປ ລາວ ກັບປະເທດ ອາຊຽນ ແລະ ສປ ຈີນ ຊຶ່ງພາຍຫຼັງສຳເລັດໂຄງການ ເບື້ອງຕົ້ນຈະມີລົດໄຟແລ່ນ 18 ຂະບວນ/ມື້ ໂດຍໄດ້ແຍກເປັນຂະບວນໂດຍສານ 4 ຂະບວນ ແລະ ຂົນສົ່ງສິນຄ້າ 14 ຂະບວນ.

ສະເພາະຂະບວນໂດຍ ສານ 1 ຂະບວນມີ 7 ຕູ້ ແຕ່ລະຕູ້ສາມາດບັນຈຸຜູ້ໂດຍສານໄດ້ 96 ຄົນ, ລວມການຂົນສົ່ງຜູ້ໂດຍສານຂອງລົດໄຟ 1 ຂະບວນ ມີ 672 ຄົນ ໂດຍມີອັດຕາຄ່າຂົນສົ່ງໂດຍສານ 0,3 ຢວນ/ຄົນ/ກິໂລແມັດ ຫຼືປະມານ 350 ກີບ/ຄົນ/ກິໂລແມັດ, ຄ່າໂດຍສານແຕ່ວຽງຈັນ – ບໍ່ເຕ່ນ ປະມານ 140.000 ກີບ/ຄົນ ແລະ ໃຊ້ເວລາພຽງແຕ່ 4 ຊົ່ວໂມງເທົ່ານັ້ນ. ສ່ວນອັດຕາຄ່າຂົນສົ່ງສິນຄ້າ 0,5 ຢວນ/ໂຕນ/ກິໂລແມັດ ຫຼືປະມານ 600 ກີບ/ໂຕນ/ກິໂລແມັດ.

error: Content is protected !!