ສານອວຍພອນຂອງທ່ານລັດຖະມົນຕີກະຊວງສຶກສາທິການ ແລະ ກິລາ

- advert banner 728 90 728x90 - ສານອວຍພອນຂອງທ່ານລັດຖະມົນຕີກະຊວງສຶກສາທິການ ແລະ ກິລາ

ເນື່ອງໃນວັນຄູແຫ່ງຊາດ ວັນທີ 7 ຕຸລາ ຄົບຮອບ 25 ປີ

- new3 - ສານອວຍພອນຂອງທ່ານລັດຖະມົນຕີກະຊວງສຶກສາທິການ ແລະ ກິລາ

ວັນຄູແຫ່ງຊາດວັນທີ 7 ຕຸລາ ຊຶ່ງເປັນວັນປະຫວັດສາດທີ່ສໍາຄັນໜຶ່ງຂອງຊາດລາວເຮົາ ໄດ້ໝູນວຽນມາບັນຈົບຄົບຮອບ 25 ປີ, ຂ້າພະເຈົ້າ ຕາງໜ້າໃຫ້ຄະນະພັກ, ຄະນະນໍາກະຊວງສຶກສາທິການ ແລະ ກິລາ ຂໍສະແດງຄວາມຢື້ຢາມຖາມຂ່າວ, ຄວາມສາມັກຄີຮັກແພງອັນອົບອຸ່ນ ມາຍັງເພື່ອນໆຄູ – ອາຈານທຸກຊັ້ນ, ທຸກສາຍ ທຸກລະດັບ ທຸກຂົງເຂດໃນຂອບເຂດທົ່ວປະເທດ ຕະຫລອດຮອດຜູ້ບໍລິຫານການສຶກສາ ແລະ ກິລາ ທຸກຂັ້ນຢ່າງທຸກຖ້ວນໜ້າ.

ພັກ ແລະ ລັດຖະບານ ເວລາໃດກໍໃຫ້ຄວາມສໍາຄັນ ແລະ ເອົາໃຈໃສ່ຕໍ່ວຽກງານການສຶກສາຄູ ແລະ ຖືເອົາຄູສອນເປັນກົກໃນການຍົກສູງຄຸນນະພາບຂອງການສຶກສາ ກໍ່ຄືການພັດທະນາຊັບພະຍາກອນມະນຸດ ເພາະຄູມີບົດບາດສໍາຄັນໃນການສ້າງອະນາຄົດໃຫ້ຄົນແຕ່ລະລຸ້ນ ແລະ ໃນພາລະກິດສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ. ເມື່ອເວົ້່າເຖິງບົດບາດຂອງຄູແລ້ວ ກໍ່ມີຫຼາຍນັກການເມືອງ, ນັກສຶກສາສາດ ແລະ ສັງຄົມໄດ້ຂະໜານນາມຄູວ່າ: ຄູແມ່ນຄົນຂອງພັກ, ຄູແມ່ນວິສາວະກອນແຫ່ງດວງວິນຍານ, ຄູແມ່ນແມ່ພິມຂອງຊາດ, ຄູແມ່ນພໍ່ແມ່ຜູ້ທີ່ສອງຂອງເດັກ, ຄູແມ່ນຜູ້ທີ່ມີຄວາມຮູ້ ແລະ ປະສົບການ ທີ່ສາມາດຖ່າຍທອດໃຫ້ແກ່ຜູ້ອື່ນ, ຄູຄືຜູ້ນໍາພາການປ່ຽນແປງໃໝ່ແລະ ອື່ນໆ. ເມື່ອທົບທວນເບິ່ງແລ້ວຈະເຫັນວ່າພາລະໜ້າທີ່ຂອງຄູແມ່ນມີຄວາມສໍາຄັນ, ໜັກໜ່ວງ ແລະ ມີຂອບເຂດກວ້າງຂວາງຫຼາຍໃນການດໍາເນີນພາລະກິດການສຶກສາຂອງພັກ ແລະ ລັດຖະບານ ກໍຄືການຈັດຕັ້ງຜັນຂະຫຍາຍແຜນພັດທະນາການສຶກສາ ແລະ ກິລາ ໂດຍສະເພາະແມ່ນການຮັບປະກັນການສະໜອງການສຶກສາໃຫ້ມີຄຸນນະພາບແລະ ເປັນທີ່ເພິ່ງພໍໃຈແກ່ປະຊາຊົນ.

 ໃນໄລຍະ 25 ປີທີ່ຜ່ານມາເຖິງວ່າ ສະພາບເສດຖະກິດ ຂອງປະເທດເຮົາ ໄດ້ພົບກັບຄວາມຫຍຸ້ງຍາກ ແຕ່ດ້ວຍຄວາມເຊື້ອໝັ້ນ ຕໍ່ອຸດົມການຂອງພັກ, ຄູ, ອາຈານ ແລະ ຜູ້ບໍລິຫານການສຶກສາ ໄດ້ອຸທິດສະຕິປັນຍາເຫືອແຮງດ້ວຍຄວາມພາກພຽນ ແລະ ມານະອົດທົນຕໍ່ການປະຕິບັດໜ້າທີ່ການສອນຂອງຕົນ ຄືອັນໄດ້ເຮັດໃຫ້ວຽກງານພັດທະນາການສຶກສາໄດ້ຂະຫຍາຍຕົວນັບແຕ່ສູນກາງຮອດທ້ອງຖິ່ນ ໂດຍສະເພາະເຂດຫ່າງໄກສອນຫລິກທຸກແຫ່ງລ້ວນແຕ່ມີການຮຽນການສອນ ທັງໄດ້ປະກອບສ່ວນຢ່າງໃຫຍ່ຫຼວງເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ ໂດຍສະເພາະແມ່ນການປະກອບສ່ວນດ້ວຍຄວາມຮັບຜິດຊອບທີ່ເປັນເຈົ້າການໃນການກໍ່ສ້າງ ແລະ ພັດທະນາຊັບພະຍາກອນມະນຸດ/ພັດທະນາຄົນ. ຄູ – ອາຈານຫຼາຍໆຄົນກາຍເປັນຄູສອນດີ – ສອນເກັ່ງ, ກາຍເປັນຄູຊ່ຽວຊານ, ຄູປະສົບການ, ຄູຊໍານານງານ ທັງມີສະຖານະພາບ ແລະ ມີບົດບາດສູງຂຶ້ນໃນສັງຄົມ. ຕາງໜ້າໃຫ້ການນໍາຂອງພັກ ແລະ ລັດຖະບານ ຂ້າພະເຈົ້າ ຂໍສະແດງຄວາມກະຕັນຍູ, ຮູ້ບຸນຄຸນ ແລະ ຍ້ອງຍໍຊົມເຊີຍຕໍ່ຄຸນງາມຄວາມດີຂອງຄູອາຈານ. ພ້ອມກັນນີ້ ກໍ່ຂໍສະແດງຄວາມຂອບໃຈມາຍັງທຸກພາກສ່ວນໃນທົ່ວສັງຄົມ ທີ່ໄດ້ມີສ່ວນຮ່ວມ ແລະ ໃຫ້ການຊ່ວຍເຫຼືອຄູ – ອາຈານ ແລະ ຜູ້ບໍລິຫານການສຶກສາຢູ່ໃນເຂດຫ່າງໄກສອກຫລີກ ໃນການປະຕິບັດໜ້າທີ່ໃຫ້ມີຄຸນນະພາບດີຂຶ້ນເປັນກ້າວໆ. ພັກ ແລະ ລັດຖະບານຕີລາຄາສູງຕໍ່ຜົນງານການປະກອບ ສ່ວນຂອງຄູ – ອາຈານ ເຂົ້າໃນການພັດທະນາເສດຖະກິດ – ສັງຄົມຂອງປະເທດ ໂດຍສະເພາະແມ່ນກໍ່ສ້າງ ແລະ ການພັດທະນາຊັບພະຍາກອນມະນຸດ/ພັດທະນາຄົນ ນັບແຕ່ຊັ້ນເດັກກ່ອນໄວຮຽນ ຈົນຮອດມະຫາວິທະຍາໄລ ໃຫ້ນັບມື້ນັບມີຄຸນນະພາບທີ່ສູງຂຶ້ນ.

     ສໍາລັບການສະເຫລີມຫລອງວັນຄູແຫ່ງຊາດ ຄົບຮອບ 25 ປີ ໃນປີນີ້, ກະຊວງສຶກສາທິການ ແລະ ກິລາ ໄດ້ຈັດພິທີຂື້ນໃນວັນທີ 4 ຕຸລາ 2019 ທີ່ມະຫາວິທະຍາໄລແຫ່ງຊາດ ໂດຍໄດ້ຮັບກຽດເຂົ້້າຮ່ວມ ແລະ ໃຫ້ການໂອ້ລົມ ຂອງພະນະທ່ານ ນາຍົກລັດຖະມົນຕີ ແຫ່ງ ສປປ ລາວ .

- lattana 1 - ສານອວຍພອນຂອງທ່ານລັດຖະມົນຕີກະຊວງສຶກສາທິການ ແລະ ກິລາ
  • ບັນດາຄູ – ອາຈານ ແລະ ຜູ້ບໍລິຫານການສຶກສາທີ່ຮັກແພງທັງຫລາຍ

     ການສະເຫລີມສະຫລອງວັນຄູ ແຫ່ງຊາດ ຢູ່ສະຖາບັນການສຶກສາ ແລະ ກິລາ ກໍຄືຢູ່ຂັ້ນແຂວງ ແລະ ຂັ້ນເມືອງຂໍໃຫ້ເຊີນການນໍາ ຂອງແຂວງ, ຂອງເມືອງເຂົ້າຮ່ວມໂອ້ລົມ ແລະ ຈັດໃຫ້ມີການຍ້ອງຍໍ ຕາມຄວາມເໝາະສົມບົນພື້ນຖານການປະຢັດມັດທະຍັດ.

ໃນໂອກາດນີ້, ຂ້າພະເຈົ້າ ຂໍສະແດງຄວາມເສຍໃຈຕໍ່ໄພພິບັດທີ່ເກີດຂື້ນເຮັດໃຫ້ໂຮງຮຽນຫລາຍແຫ່ງບໍ່ສາມາດເປີດການຮຽນ-ການສອນໄດ້ຕາມມື້ໄຂສົກຮຽນ. ປັດຈຸບັນກະຊວງສຶກສາທິການ ແລະ ກິລາ ກໍຄືລັດຖະບານກໍາລັງປະເມີນຜົນເສຍຫາຍ ແລ້ວຈະມີວິທີການແກ້ໄຂສະເພາະໜ້າ ແລະ ຍາວນານ.

ສຸດທ້າຍນີ້, ຂ້າພະເຈົ້າ ຂໍອວຍພອນໄຊອັນປະເສີດມາຍັງບັນດາເພື່ອນໆຄູ – ອາຈານສອນ, ຜູ້ບໍລິຫານການສຶກສາ, ຜູ້ປະກອບການ, ຕະຫຼອດຮອດປະຊາຊົນລາວບັນດາເຜົ້່າຈົ່ງມີສຸຂະພາບເຂັ້ມແຂງ, ມີພາລະນາໄມສົມບູນ, ມີຄວາມສຸກຄວາມຈະເລີນ ແລະ ປະສົບຜົນສໍາເລັດໃນການປະຕິບັດໜ້າທີ່ວຽກງານຂອງຕົນ.

                                    ນໍ້າໃຈວັນຄູແຫ່ງຊາດ 7 ຕຸລາ ໝັ້ນຍືນ

error: Content is protected !!