ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ​ເຄື່ອນ​ໄຫ​ວຊຸກຍູ້ວຽກງານເສດຖະກິດຢູ່ແຂວງບໍລິຄຳໄຊ

- advert banner 728 90 728x90 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ​ເຄື່ອນ​ໄຫ​ວຊຸກຍູ້ວຽກງານເສດຖະກິດຢູ່ແຂວງບໍລິຄຳໄຊ

​ແຫ​ລ່ງຂ່າວ ຂປລ ລາຍ​ງານ​ວ່າ: ໃນວັນທີ 4 ຕຸລານີ້, ​ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມຄະນະ, ໄດ້ລົງເຄື່ອນໄຫວຊຸກຍູ້ວຽກງານການພັດທະນາເສດຖະກິດ-ສັງຄົມຢູ່ແຂວງບໍລິຄຳໄຊ, ໂດຍມີທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມຄະນະນຳຂອງແຂວງ ໃຫ້ການຕ້ອນຮັບຢ່າງ​ອົບ​​ອຸ່ນ, ພ້ອມ​ທັງ​ລາຍ​ງານໂດຍ​ຫຍໍ້​ກ່ຽວກັບວຽກງານພົ້ນເດັ່ນໃນການປະຕິບັດແຜນພັດທະນາເສດຖະກິດ-ສັງຄົມ 9 ເດືອນຕົ້ນປີ 2019 ວ່າ: ທົ່ວ​ແຂວງມີ​ສະຖຽນ​ລະ​ພາບ​ທາງດ້ານ​ການ​ເມືອງ​ໜັກ​ແໜ້ນ, ສັງຄົມ​ມີ​ຄວາມ​ເປັນ​ລະບຽບ​ຮຽບຮ້ອຍ, ຊີວິດ​ການ​ເປັນ​ຢູ່​ຂອງ​ປະຊາຊົນ​ບັນດາ​ເຜົ່າໄດ້​ຮັບ​ການ​ປັບປຸງ​ດີ​ຂຶ້ນ, ຄວາມທຸກ​ຍາກ​ຖືກ​ຕີ​ຖອຍ​ລົງ​ເທື່ອ​ລະ​ກ້າວ ​ແລະ ​ເສດຖະກິດຂອງແຂວງມີ​ການ​ຂະຫຍາຍຕົວ​ຢ່າງ​ຕໍ່​ເນື່ອງ. ​ໂດຍປີນີ້, ໄດ້ຮັບອະນຸມັດງົບປະມານລົງທຶນທັງໝົດ 59 ຕື້ກວ່າກີບ ເພື່ອຊໍາລະໃຫ້ 321 ໂຄງການ ​ແລະ ໃນໄລຍະ 9 ເດືອນຜ່ານມາ​​ໄດ້ຊໍາລະສໍາ​ເລັດ​ແລ້ວ 208 ໂຄງການ ລວມມີມູນຄ່າ 45 ຕື້ກວ່າກີບ, ອອກອະນຸຍາດໃຫ້ນັກລົງທຶນພາຍໃນ ແລະ ຕ່າງປະເທດເຂົ້າມາລົງທຶນໃນກິດຈະການຕ່າງໆ ທັງໝົດ 61 ໂຄງການ, ມີມູນຄ່າ 1.345 ຕື້ກີບ. ຄຽງຄູ່ກັນນັ້ນ, ວຽກງານກະສິກໍາ ກໍ​ມີຜົນສຳເລັດຫລາຍດ້ານ ເປັນຕົ້ນ: ເນື້ອທີ່ຜະລິດເຂົ້ານາແຊງປະຕິບັດໄດ້ 1.357 ເຮັກຕາ, ພ້ອມທັງເອົາໃຈໃສ່ຄຸ້ມຄອງລາຄາສິນຄ້າຢ່າງເປັນປົກກະຕິ, ສິນຄ້ານໍາເຂົ້າມີ​ມູນ​ຄ່າ 156 ລ້ານໂດລາສະຫະລັດ ຫລຸດລົງ 31%, ສິນຄ້າຜ່ານແດນປະຕິບັດ​ໄດ້ 4,22 ລ້ານໂດລາສະຫະລັດ ຫລຸດລົງ 65% ​ແລະ ສະພາບ​ການຂາດດຸນການຄ້າມີ 127,12 ລ້ານໂດລາສະຫະ​ລັດ.

- new3 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ​ເຄື່ອນ​ໄຫ​ວຊຸກຍູ້ວຽກງານເສດຖະກິດຢູ່ແຂວງບໍລິຄຳໄຊ

   ໃນໂອກາດນີ້, ທ່ານຮອງນາຍົກລັດຖະມົນຕີ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສໍາເລັດທີ່ແຂວງບໍລິຄຳໄຊສາມາດຍາດມາໄດ້ໃນຫລາຍດ້ານ. ພ້ອມທັງເນັ້ນໃຫ້ຄະນະພັກ, ຄະນະນຳຂອງແຂວງສືບຕໍ່ເອົາໃຈໃສ່ສືບຕໍ່ຍູ້ແຮງການລົງທຶນພາຍໃນ ແລະ ຕ່າງປະເທດໃຫ້ຫລາຍຂຶ້ນ, ສູ້ຊົນເກັບລາຍຮັບເຂົ້າງົບປະມານໃຫ້ບັນລຸຕາມແຜນການ ແລະ ຊຸກຍູ້ການຜະລິດກະສິກຳຕາມທ່າແຮງຂອງທ້ອງຖິ່ນ, ສຸມໃສ່ປະຕິບັດບັນດາຄຳສັ່ງ-ຄຳ​ແນະນຳຂອງລັດຖະບານ ເປັນຕົ້ນແມ່ນ 8 ມາດຕະການຊຸກຍູ້ເສດຖະກິດ, ຄຸ້ມຄອງການລົງທຶນຂອງພາກລັດ ແລະ ພາກເອກະຊົນ ທັງພາຍໃນ ແລະ ຕ່າງປະເທດໃຫ້ເຂັ້ມງວດ, ປັບ​ປຸງລະບຽບການ ແລະ ກົນໄກການປະສານງານລະບົບປະຕູດຽວ ເພື່ອຮັບປະກັນຄວາມໂປ່ງໃສ ແລະ ວ່ອງໄວ. ຄຽງຄູ່ກັນນັ້ນໃຫ້ສືບຕໍ່ເອົາໃຈໃສ່ເຮັດວຽກປ້ອງກັນຊາດ-ປ້ອງກັນຄວາມສະຫງົບຢ່າງແຂງແຮງ, ຍົກສູງຄຸນນະພາບການສຶກສາ, ການບໍລິການດ້ານສາທາລະນະສຸກໃຫ້ມີຄຸນນະພາບ ແລະ ທັນສະໄໝຂຶ້ນກວ່າເກົ່າ, ສືບຕໍ່ພັດທະນາຊົນນະບົດ, ແກ້ໄຂຄວາມທຸກຍາກຂອງປະຊາຊົນໂດຍຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາໃຫ້ເປັນຂະບວນການກວ້າງຂວາງ ແລະ ອື່ນໆ.

- lattana 1 - ຮອງນາຍົກລັດຖະມົນຕີ ສອນ​ໄຊ ສີ​ພັນ​ດອນ ​ເຄື່ອນ​ໄຫ​ວຊຸກຍູ້ວຽກງານເສດຖະກິດຢູ່ແຂວງບໍລິຄຳໄຊ

   ໂອກາດນີ້, ທ່ານຮອງ​ນາຍົກລັດຖະມົນ​ຕີ ຍັງໄດ້ມອບເງິນຈຳນວນ 100 ລ້ານກີບ ໃຫ້ການນຳແຂວງບໍລິຄຳໄຊ ເພື່ອນຳໄປໝູນໃຊ້ເຂົ້າໃນວຽກງານຕ້ານ ແລະ ຄວບຄຸມໄພພິບັດໃຫ້ມີ​ປະສິດທິຜົນ.

error: Content is protected !!