ຄູ​ເປັນ​ຜູ້​ໃຫ້

ຄູ​ເປັນ​ຜູ້​ໃຫ້ - 4367 - ຄູ​ເປັນ​ຜູ້​ໃຫ້
ຄູ​ເປັນ​ຜູ້​ໃຫ້ - Untitled design - ຄູ​ເປັນ​ຜູ້​ໃຫ້

ໂດຍ: ທິດ​ກ່ຳ

ມື້ນີ້ ເປັນວັນຈັນ ກົງກັບ ວັນທີ 7 ຕຸລາ ພໍດີຕົງເປະກັບວັນຄູແຫ່ງຊາດຄົບຮອບ 25 ປີເຕັມ (7 ຕຸລາ 1994-7 ຕຸລາ 2019). ວັນຄູແຫ່ງຊາດ, ຖືເປັນວັນສໍາຄັນທາງປະຫວັດສາດວັນໜຶ່ງຂອງຊາດລາວເຮົາ.

ສາເຫດທີ່ພັກ ແລະ ລັດຖະບານເຮົາໄດ້ສະຖາປະນາໃຫ້ມີວັນຄູແຫ່ງຊາດກໍຍ້ອນ ວ່າເພື່ອໃຫ້ມີການຈົດຈຳລຳລຶກ, ໃຫ້ຄົນໃນສັງຄົມຍຸກໃໝ່ເຫັນໄດ້ຄວາມໝາຍ ຄວາມສຳຄັນ ແລະ ເຫັນໄດ້ ຄຸນງາມຄວາມດີ, ທັງພ້ອມກັນຮູ້ບຸນຄຸນຂອງຄູທີ່ເປັນຜູ້ ສິດສອນໃຫ້ຄວາມຮູ້ຄວາມຫລັກແກ່ຄົນລາວບັນດາເຜົ່າທັງປວງ.

ນອກນັ້ນ, ກໍຍັງເຫັນວ່າ ພາລະກິດຂອງຄູ-ອາຈານ ເປັນພາລະກິດໜຶ່ງທີ່ສຳຄັນຍິ່ງໃຫຍ່ ແລະ ໜັກໜ່ວງໃນການສ້າງສາຊັບພະຍາກອນມະນຸດ, ທັງຕິດພັນກັບພາລະກຳປະຫວັດສາດຂອງຊາດຢ່າງສະໜິດແໜ້ນ, ປະເທດຊາດບ້ານ ເມືອງເຮົາຈະມີຄວາມຈະເລີນຮຸ່ງເຮືອງ, ມີການສ້າງສາພັດທະນາ ທີ່ກ້າວໄກທັນສະໄໝກໍຍ້ອນ ວ່າມີນັກຮຽນຮູ້, ມີຄົນເກັ່ງ, ມີຄວາມສະຫລາດຫລັກແຫລມ, ມີຄຸນສົມບັດ, ຈັນຍາບັນ, ຈັນຍາທຳສິ່ງເຫລົ່ານີ້ລ້ວນແລ້ວແຕ່ມາຈາກຄູ- ອາຈານເປັນຜູ້ສິດສອນ,   ຮ່ຳຮຽນ, ຖ່າຍທອດດ້ວຍຄວາມມານະອົດທົນເປັນເວລາຍາວນານ, ຜ່ານຜ່າອຸ ປະສັກນາໆປະການພວກເຮົາ ຈຶ່ງສາມາດຫລຸດພົ້ນອອກຈາກຄຳວ່າ: “ເປັນຄົນກືກໜັງສື”.

ອາຊີບຂອງຄູ, ໜ້າທີ່ຂອງຄູ ແລະ ນ້ຳໃຈຂອງຄູລ້ວນແລ້ວແຕ່ເປັນຜູ້ໃຫ້, ຄົນເຮົາເກີດມາປຽບເໝືອນແຜ່ນ ເຈ້ຍຂາວທີ່ຍັງບໍ່ທັນມີຮອຍສໍ ແລະ ປາກກາ ມາວາດແຕ້ມໃດໆ, ແຕ່ເມື່ອໄດ້ເຂົ້າສຶກສາຮ່ຳຮຽນເລີ່ມແຕ່ຍັງເປັນເດັກຈົນເຕີບໃຫຍ່ຂຶ້ນ ສູງເທົ່າໃດ ຄວາມຮູ້ຄວາມສາມາດຄວາມສະຫລາດຫລັກ ແຫລມດ້ານວິຊາສະເພາະ, ວິຊາການມັນກໍສູງຂຶ້ນເທົ່ານັ້ນ.

 ບັນດາປັດໄຈຕ່າງໆ ເຫລົ່ານີ້ລະໄດ້ສ້າງເງື່ອນໄຂ ໃຫ້ການດຳລົງຊີວິດຂອງຄົນ ເຮົາມີລັກສະນະທີ່ແຕກຕ່າງ ກັນໄປ ຜູ້ຮູ້ໜ້ອຍຮູ້ຫລາຍ, ຮຽນໜ້ອຍຮຽນຫລາຍ,  ສະຫລາດໜ້ອຍ, ສະຫລາດຫລາຍ, ມີຜູ້ທຸກຜູ້ຮັ່ງກໍລ້ວນ ແລ້ວແຕ່ຜ່ານການສຶກສາ ຮ່ຳຮຽນຈາກຄູ-ອາຈານທັງນັ້ນ.

ຄູ-ອາຈານເກືອບ ທຸກ ຄົນໃນເວລາສິດສອນ ເຫັນນັກຮຽນຂອງຕົນບາງຄົນ ຮຽນອ່ອນເປັນຄົນປຶກທຶກໜາກໍອົດສາພະຍາຍາມສີດ ສອນເວົ້າວ່າຈົນປາກປຽກ, ເຫັນນັກຮຽນເສັງຕົກຫລາຍ ກໍຕ່ຳຄ້ອຍນ້ອຍໃຈຢ້ານຖືກຕົກງານ, ຢ້ານຖືກສຳຫລວດ ກວດກາ.

ຄູ​ເປັນ​ຜູ້​ໃຫ້ - Wave100S AD to Website 2020 0 - ຄູ​ເປັນ​ຜູ້​ໃຫ້

 ຄູ-ອາຈານ ທີ່ເຮັດໜ້າທີ່ ຢູ່ຊົນນະບົດຫ່າງໄກສອກ ຫລີກຍາມໂມງການກໍໄປເຮັດໜ້າທີ່ສິດສອນ, ໂມງເລິກ ວຽກກໍໄປ ເກັບຜັກຫັກໜໍ່, ໄປຕຶກກະດຸ້ງ, ຫວ່ານແຫ ຫລື ບໍ່ກໍ່ສ້າງເສດຖະກິດຄອບຄົວລ້ຽງເປັດ, ລ້ຽງໄກ່, ລ້ຽງງົວ, ລ້ຽງຄວາຍ, ກ່ຽວເຂົ້າ ດຳນາໃນວັນເສົາ, ວັນອາທິດ. ຄູ- ອາຈານທີ່ສິດສອນ ຢູ່ຕາມຕົວເມືອງໃຫຍ່ໆ ກໍຫາໂອກາດໄປສິດສອນເພີ່ມເພື່ອ ມີລາຍໄດ້ຕື່ມແຖມກັບເງິນ ເດືອນກຸ້ມປາກກຸ້ມທ້ອງ.

ສະເພາະຄູອາສາ ສະໝັກ ຍິ່ງບໍ່ມີເງິນເດືອນອາໄສກິນ ນຳພໍ່ແມ່, ເພິ່ງຕົນເອງກຸ້ມຕົນເອງ ຫລື ອາໄສກິນນຳພໍ່ແມ່ປະຊາຊົນ ເປັນຜູ້ອຸປະຖຳຄ້ຳຊູ ສູ້ດ້ວຍນ້ຳໃຈຄວາມມັກຮັກ.ນີ້ລະຄືຊີວິດຈິງຂອງຄູໃນສັງຄົມລາວເຮົາໃນຍຸກຜ່ານມາ ກໍຄືໃນສະພາບປັດຈຸບັນ.

ເຖິງຢ່າງໃດກໍດີ, ຕາມທິດກ່ຳວ່າ: ອາຊີບຂອງການ ເປັນຄູກໍເປັນອາຊີບໜຶ່ງທີ່ ມີກຽດສະຫງ່າ, ປະກອບສ່ວນໃຫ້ສັງຄົມ, ປະເທດຊາດບ້ານເມືອງ, ມີພາລະ ບົດບາດ ແລະ ໜ້າທີ່ສ້າງຊັບພະຍາກອນມະນຸດຄົນເຮົາເຖິງຈະມີຄວາມທຸກ, ຄວາມສຸກ, ມີຜູ້ຮູ້ໜ້ອຍຮູ້ ຫລາຍ, ສະຫລາດໜ້ອຍ, ສະຫລາດຫລາຍ, ບ້ານເມືອງ ຈະມີຄວາມຈະເລີນຮັ່ງມີ ກ້າວໜ້າພັດທະນາໄປພຽງ ໃດ ກໍແມ່ນຄູ-ອາຈານເປັນຜູ້ສິດສອນວິຊາຄວາມຮູ້ໃຫ້ ດ້ວຍກັນທັງນັ້ນ.

ຄູ​ເປັນ​ຜູ້​ໃຫ້ - 4367 - ຄູ​ເປັນ​ຜູ້​ໃຫ້
(ພາບປະກອບ)

ຄູ​ເປັນ​ຜູ້​ໃຫ້ - WhatsApp Image 2020 05 27 at 5 - ຄູ​ເປັນ​ຜູ້​ໃຫ້
ຄູ​ເປັນ​ຜູ້​ໃຫ້ - WhatsApp Image 2020 05 27 at 5 - ຄູ​ເປັນ​ຜູ້​ໃຫ້
error: Alert: ເນື້ອຫາຂ່າວມີລິຂະສິດ !!