ຍ່າງເພື່ອສຸຂະພາບໃນວັນງົດສູບຢາໂລກ 31 ພຶດສະພາ

- advert banner 728 90 728x90 - ຍ່າງເພື່ອສຸຂະພາບໃນວັນງົດສູບຢາໂລກ 31 ພຶດສະພາ

- Walking anti tobacco - ຍ່າງເພື່ອສຸຂະພາບໃນວັນງົດສູບຢາໂລກ 31 ພຶດສະພາ          ເຊົ້າວັນທີ 27 ພຶດສະພານີ້, ກະຊວງສາທາລະນະສຸກ ຮ່ວມກັບ ອົງການອານະໄມໂລກ, ຈັດກິດຈະກຳຍ່າງເພື່ອສຸຂະພາບ ເນື່ອງໃນໂອກາດສະເຫລີມສະຫລອງວັນງົດສູບຢາໂລກ (World No Tobacco Day) 31 ພຶດສະພາ, ໂດຍການເຂົ້າຮ່ວມຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີຜູ້ຕາງໜ້າຈາກກະຊວງ ແລະ ອົງການຈັດຕັ້ງສາກົນຕາງໜ້າປະຈຳລາວ ພ້ອມດ້ວຍມວນຊົນຊາວນະຄອນຫລວງວຽງຈັນເຂົ້າຮ່ວມຢ່າງຫລວງຫລາຍ.

ທ່ານລັດຖະມົນຕີ ກ່າວວ່າ: ວັນທີ 31 ພຶດສະພາຂອງທຸກໆປີ, ທົ່ວໂລກຈະມີການສະເຫລີມສະຫລອງວັນປະຫວັດສາດສຳຄັນດັ່ງກ່າວ, ໂດຍການຈັດກິດຈະກຳຕ່າງໆ ເພື່ອປະຕິບັດຕາມສົນທິສັນຍາ WHO ກ່ຽວກັບການຄວບຄຸມຢາສູບ ໃຫ້ມີປະສິດທິພາບສູງຂຶ້ນ ແລະ ໃນຜ່ານມາ, ລັດຖະບານລາວໄດ້ນຳໃຊ້ການເຕືອນໄພສຸຂະພາບໃສ່ຊອງຢາສູບ, ໂດຍການຕິດຮູບພາບອັນຕະລາຍເປັນຕົ້ນ ພະຍາດປອດແຫ້ງ, ມະເລັງປາກ ແລະ ອື່ນໆຫຸ້ມຫໍ່ໃສ່ໜ້າຊອງຢາສູບທຸກປະເພດ, ເພື່ອເຮັດໃຫ້ບຸກຄົນນັ້ນໆຢ້ານກົວ ແລະ ເຊົາສູບຢາໄດ້. ຈາກສະຖິຕິໂລກ ເຫັນວ່າໃນແຕ່ລະປີມີຄົນຕາຍຍ້ອນຢາສູບຫຼາຍ ກ່ວາ 72 ລ້ານຄົນ, ໃນປີ 2011 ເປັນຕົ້ນມາການໃຊ້ຢາສູບຂອງໄວຫນຸ່ມ ທີ່ມີອາຍຸ 13-15ປີ ແມ່ນຫຼຸດລົງເລັກນ້ອຍຖືວ່າເປັນສັນຍານທີ່ດີຕໍ່ການເຊົາສູບຢາ.

- 1 1 - ຍ່າງເພື່ອສຸຂະພາບໃນວັນງົດສູບຢາໂລກ 31 ພຶດສະພາ
- lattana 1 - ຍ່າງເພື່ອສຸຂະພາບໃນວັນງົດສູບຢາໂລກ 31 ພຶດສະພາ

ຂ່າວໃຫ້ຮູ້ອີກວ່າ: ໃນວັນທີ 26 ພຶດສະພານີ້, ກະຊວງສາທາລະນະສຸກ ແລະ ອົງການອານາໄມໂລກໄດ້ຈັດພິທີລະນຶກວັນງົດຢາສູບໂລກຄົບຮອບ 29 ປີຂຶ້ນທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີຜູ້ຕາງໜ້າຈາກອົງການອານາໄມໂລກ, ອໍານວຍການສະມາພັນຄວບຄຸມຢາສູບອາຊຽນ ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມ, ພາຍໃຕ້ຄໍາຂວັນ: “ຢາສູບເປັນໄພຂົ່ມຂູ່ຕໍ່ການພັດທະນາ” ທ່ານລັດຖະມົນຕີ ກ່າວວ່າ: ສປປ ລາວ ໄດ້ເຂົ້າເປັນພາຄີສົນທິສັນຍາສາກົນວ່າດ້ວຍການຄວບຄຸມຢາສູບມາໄດ້ 11 ປີແລ້ວ ແລະ ກົດໝາຍວ່າດ້ວຍການຄວບຄຸມຢາສູບໄດ້ປະກາດໃຊ້ຢ່າງເປັນທາງການມາແລ້ວ 8 ປີ, ແຕ່ການຈັດຕັ້ງປະຕິບັດ ແລະ ການບັງຄັບໃຊ້ກົດໝາຍດັ່ງກ່າວຍັງເຮັດບໍ່ໄດ້ດີ ແລະ ຕໍ່ເນື່ອງ, ຍັງເຮັດໄດ້ແຕ່ບາງສະຖານທີ່ ແລະ ບາງໂອກາດເທົ່ານັ້ນດ ໂດຍສະເພາະການປະຕິບັດເຂດປອດຄວັນຢາສູບ ແລະ ການຈັດເກັບເງິນເຂົ້າກອງທຶນຄວບຄຸມຢາສູບ ແລະ ມາດຕະການອື່ນໆ.

error: Content is protected !!