ຮອງ​ລັດຖະມົນຕີ ​ປກສ ​ເນັ້ນ ນະຄອນຫລວງ​ວຽງຈັນ ສຸມ​ໃສ່​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງໆໃຫ້​ຫລຸດ​ລົງ

- advert banner 728 90 728x90 - ຮອງ​ລັດຖະມົນຕີ ​ປກສ ​ເນັ້ນ ນະຄອນຫລວງ​ວຽງຈັນ ສຸມ​ໃສ່​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງໆໃຫ້​ຫລຸດ​ລົງ

​ເມື່ອ​ທ້າຍ​ອາທິດ​ຜ່ານ​ມານີ້, ຢູ່​ກອງບັນ​ຊາ​ການ ປກສ ນະຄອນຫລວງ​ ​ໄດ້​ມີກອງປະຊຸມສະຫຼຸບການຈັດຕັ້ງປະຕິບັດວຽກງານກໍ່ສ້າງຮາກຖານການເມືອງ ຕິດພັນກັບການຈັດສັນຄວາມບໍ່ເປັນລະບຽບຮຽບຮ້ອຍ ຢູ່ ນະຄອນ​ຫລວງ​ວຽງຈັນ ໃນໄລຍະ 3 ເດືອນຄື: ກໍລະກົດ, ສິງຫາ ​ແລະ ກັນຍາ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ພົນ​ຕີ ກົງ​ທອງ ພົງ​ພິຈິດ ຮອງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ.

- new3 - ຮອງ​ລັດຖະມົນຕີ ​ປກສ ​ເນັ້ນ ນະຄອນຫລວງ​ວຽງຈັນ ສຸມ​ໃສ່​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງໆໃຫ້​ຫລຸດ​ລົງ

ທ່ານ ພັນ​ໂທ ສຸກພະຈັນ ບຸດດາຄໍາ ຮອງຫົວໜ້າກອງບັນຊາການ ປກສ ນະຄ​ອນຫລວງ​ວຽງຈັນ ​ໃຫ້​ຮູ້​ວ່າ: ໃນໄລຍະ 3 ​ເດືອນ​ຜ່ານ​ມາ ຢູ່ ນະຄອນ​ຫລວງວຽງຈັນ ມີປະກົດການຫຍໍ້ທໍ້ເກີດຂຶ້ນທັງໝົດ 569 ເລື່ອງ, ຖ້າທຽບໃສ່ 3 ເດືອນກ່ອນໜ້າເພີ່ມຂຶ້ນ 57 ເລື່ອງ, ໃນນີ້ຄະດີລັກຊັບມີ 342 ເລື່ອງ, ຢາເສບຕິດ 81 ເລື່ອງ, ຊື້-ຂາຍຊັບຜິດກົດໝາຍ 16 ເລື່ອງ; ມີອຸປະຕິເຫດເກີດຂຶ້ນທັງໝົດ 115 ເລື່ອງ; ອັກຄີໄພເກີດຂຶ້ນ 4 ຄັ້ງ, ໄດ້ຂຶ້ນສໍາມະໂນຄົວແບບໃໝ່ໄດ້ 1.425 ຫົວ, ມີ 14.898 ຄົນ, (ຍິງ 7.245 ຄົນ), ອອກບັດປະຈໍາຕົວໃໝ່ໄດ້ 11.061 ຄົນ, (ຍິງ 6.154 ຄົນ), ການຄຸ້ມ​ຄອງພົນລະເມືອງໃນນີ້ມີຄົນເພີ່ມ 1.008 ຄົນ, ຄົນຫຼຸດ 584 ຄົນ, ຄົນພັກເຊົາຊົ່ວຄາວ 1.397 ຄົນ; ໃນນີ້ມີຄົນຕ່າງປະເທດ 68 ຄົນ, (ຍິງ 38 ຄົນ) ແລະ ໄດ້ດໍາເນີນລະບຽບການຕ່າງໆຕໍ່ຄົນຕ່າງປະເທດ ທີ່ເຂົ້າມາເຄື່ອນໄຫວເຮັດທຸລະກິດຢູ່ລາວ ແລ້ວລະເມີດຕໍ່ກົດລະບຽບຂອງ ສປປ ລາວມີທັງໝົດ 771 ຄົນ, ຍິງ 283 ຄົນມີ 6 ສັນຊາດຄື: ຫວຽດນາມ, ຈີນ, ໄທ, ຝຣັ່ງ, ອາເມລິກາ, ສະວິດ ແລະ ໄດ້ອອກກວດກາລາດຕະເວນຕາມສະຖານທີສໍາຄັນຕ່າງໆ ກວດພົບກຸ່ມແກ້ງກວນເມືອງ ແລະ ດັດແປງສະພາບລົດ; ໃນນີ້, ສາມາດກັກລົດຈັກໄດ້ 201 ຄັນ, ລົດໃຫຍ່ 1 ຄັນ ແລະ ໄດ້ສຶກສາອົບຮົມໄປແລ້ວ 148 ຄົນ.

- lattana 1 - ຮອງ​ລັດຖະມົນຕີ ​ປກສ ​ເນັ້ນ ນະຄອນຫລວງ​ວຽງຈັນ ສຸມ​ໃສ່​ແກ້​ໄຂ​ປະກົດ​ການ​ຫຍໍ້​ທໍ້​ຕ່າງໆໃຫ້​ຫລຸດ​ລົງ

​ໃນ​ໂອກາດ ນີ້, ທ່ານ ຮອງ​ລັດຖະມົນ​ກະຊວງ ປ້ອງ​ກັນ​ຄວາມ​ສະຫງົບ​ໄດ້​ເນັ້ນ​ໃຫ້​ພະນັກງານ ປກສທົ່ວ​ນະຄອນຫລວງ​ວຽງຈັນ​ສຸມ​ໃສ່​ແກ້​ໄຂ​ບັນຫາ​ຫຍໍ້​ທໍ້​ຕ່າງໆຄື: ສະພາບ​ລັກ​ຊັບ, ປຸ້ນ​ຈີ້-ຊີງ​ຊັບ, ຄ້າຂາຍ​ຢາ​ເສບ​ຕິດ ​ແລະ ອື່ນໆ, ພະນັກງານທີ່ລົງກໍ່ສ້າງຮາກຖານການເມືອງ ໃນແຕ່ລະກອງຮ້ອຍ ຕ້ອງກໍໍາແໜ້ນບັນຫາ, ສະພາບການເຄື່ອນໄຫວຂອງສັງຄົມ ແລະ ເຫດການທີ່ເກີດຂຶ້ນ ຢູ່ພາຍໃນນະຄອນຫຼວງວຽງຈັນ ແລະ ພ້ອມກັນແກ້ໄຂໃຫ້ຖືກຕ້ອງຕາມລະບຽບ ກົດໝາຍ ​ແລະ ທັນ​ການ ​ເພື່ອ​ເຮັດ​ໃຫ້​ທົ່ວ​ນະຄອນຫລວງ​ວຽງຈັນ​ມີ​ຄວາມ​ສະຫງົບ ​ແລະ ປອດ​ໄພ.

error: Content is protected !!