ລາວ ສົ່ງ​ເສີມການລົງທຶນໃສ່ເດັກ-ໄວໜຸ່ມ

- advert banner 728 90 728x90 - ລາວ ສົ່ງ​ເສີມການລົງທຶນໃສ່ເດັກ-ໄວໜຸ່ມ

ໃນວັນທີ 7 ຕຸລາ ນີ້, ທີ່ແຂວງສະຫວັນນະເຂດ, ບັນດາທ່ານຮອງເຈົ້າແຂວງ ແລະ ຕົວແທນຈາກ ຄະນະກຳມາທິການເພື່ອຄວາມກ້າວຫນ້າ ຂອງແມ່ຍິງ, ແມ່ ແລະ ເດັກ ໃນທົ່ວປະເທດ ໄດ້ເຂົ້າຮ່ວມ ກອງປະຊຸມລະດັບຮອງເຈົ້າແຂວງໃນທົ່ວປະເທດ ໃນໂອກາດຄົບຮອບ 30 ປີ ສົນທິສັນຍາວ່າດ້ວຍສິດທິເດັກ ເພື່ອນຳໃຊ້ທ່າແຮງບົ່ມຊ້ອນໄວໜຸ່ມລາວ ຮອດປີ 2030 ແລະ ເປົ້າໝາຍການພັດທະນາແບບຍືນຍົງ, ພ້ອມທັງປະເມີນຄວາມຄືບຫນ້າ ແລະ ສິ່ງທ້າທາຍ ໃນການປະຕິບັດ ສົນທິສັນຍາວ່າດ້ວຍສິດທິເດັກ ແລະ ຍັງຈະໄດ້ ປຶກສາຫາລື ກ່ຽວກັບ ບົດບາດຂອງແຂວງ ໃນການເລັ່ງລັດ ການປະຕິບັດບັດສິດທິຂອງເດັກທຸກຄົນ.

- new3 - ລາວ ສົ່ງ​ເສີມການລົງທຶນໃສ່ເດັກ-ໄວໜຸ່ມ

ເພື່ອແລກປ່ຽນຄວາມຄິດເຫັນ ກ່ຽວກັບ ຂະບວນການຕ່າງໆໃນໂອກາດວັນຄົບຮອບ 30 ປີ ສົນທິສັນຍາ ດັ່ງກ່າວ ແລະ ຮັບຮອງເອົາ ຄວາມໝາຍຫມັ້ນຂອງບັນດາຮອງເຈົ້າແຂວງທົ່ວປະເທດ ເພຶ່ອໄປກ່າວລາຍງານ ຕໍ່ກອງປະຊຸມລະດັບສູງໃນໂອກາດວັນຄົບຮອບ 30 ປີ ສົນທິສັນຍາ ວ່າດ້ວຍ ສິດທິເດັກ ທີ່ ນະຄອນຫລວງວຽງຈັນ ໃນຕົ້ນເດືອນພະຈິກ 2019.

    ທ່ານ ສັນ ຕິພາບ ພົມວິຫານ ເຈົ້າແຂວງສະຫວັນນະເຂດ ໄດ້ກ່າວວ່າ: ພວກເຮົາມີຄວາມມຸ່ງຫມັ້ນ ທີ່ຈະລົງທຶນໃສ່ເດັກ, ໄວລຸ້ນ ແລະ ໄວຫນຸ່ມທີ່ເປັນເສົາຫລັກ ຂອງການພັດທະນາເສດຖະກິດ-ສັງຄົມຂອງແຂວງ ແລະ ເມືອງ ໂດຍປະສານສົມທົບກັບຂະແໜງການກ່ຽວຂ້ອງ່າງໆ ໃນການສ້າງຄວາມເຂັ້ມແຂງໃຫ້ແກ່ລະບົບປົກປ້ອງເດັກ ແລະ ການຈັດຕັ້ງປະຕິບັດບັນດາຂໍ້ສະເຫນີແນະຂອງ ສະຫະປະຊາຊາດ. ​ເພື່ອປະກອບສ່ວນ ໃນການພັດທະນາ ການລົງທຶນໃສ່ຊັບພະຍາກອນມະນຸດ ເຮັດໃຫ້ຄວາມທຸກຍາກຂອງເດັກ​ໃຫ້​ໄດ້ 30% ຢູ່ແຕ່ລະແຂວງ ກ່ອນປີ 2030.

ທ່ານ ອາລຸນແກ້ວ ກິດຕິຄຸນ ລັດຖະມົນຕີ ປະຈໍາສໍານັກງານນາຍົກລັດຖະມົນຕີ, ຮອງປະທານຄະນະກໍາມາທິການ ເພື່ອຄວາມກ້າວຫນ້າຂອງແມ່ຍິງ ແລະ ແມ່-ເດັກ ກ່າວວ່າ: ເດັກໃນວັນນີ້ ຄືຜູ້ນໍາໃນວັນຫນ້າ ດັ່ງນັ້ນພວກເຮົາຕ້ອງເຮັດວຽກຮ່ວມກັນ ເພື່ອໃຫ້ເດັກທຸກຄົນ ໄດ້ຮັບສິດ ທີ່ເຂົາຄວນໄດ້ຮັບ. ໃນຂະນະທີ່ທ່ານ ອົກຕາວຽນ ບີໂວນ, ຜູ້ຕາງຫນ້າອົງການອຸຍນີເຊັບ ປະຈໍາລາວ ໄດ້ກ່າວວ່າ: ການເຂົ້າໃຈບັນຫາເຖິງການດ້ອຍໂອກາດຂອງເດັກ ແມ່ນສໍາຄັນຫລາຍ ເພື່ອຮັບປະກັນອະນາຄົດທີ່ດີກວ່າ ສຳລັບຄົນລຸ້ນໃຫມ່ ທີ່ຈະນຳພາການພັດທະນາປະເທດຊາດ  ພາຍຫລັງທີ່ ປະເທດໄດ້ຫລຸດພົ້ນຈາກການເປັນປະເທດດ້ອຍພັດທະນາ. ອີງຕາມການລາຍງານ ປະມານ 71% ຂອງເດັກອາຍຸຕໍ່າກວ່າ 18 ປີ ຖືກປະລະ ຢ່າງໜ້ອຍ 2 ດ້ານ ໃນຂົງເຂດໂພຊະນາການ, ສຸຂະພາບ, ການສຶກສາ, ການພັດທະນາເດັກກ່ອນໄວຮຽນ, ການປົກປ້ອງເດັກ, ນໍ້າສະອາດ, ສຸຂາພິບານ, ບ່ອນຢູ່ອາໄສ ແລະ ຂໍ້ມູນຂ່າວສານ.

- lattana 1 - ລາວ ສົ່ງ​ເສີມການລົງທຶນໃສ່ເດັກ-ໄວໜຸ່ມ

ວັນທີ 20 ພະຈິກ 2019 ຈະໄດ້ມີການສະເຫລີມສະຫລອງ 30 ປີ ຂອງການຮັບຮອງເອົາ ສົນທິສັນຍາ ວ່າດ້ວຍສິດທິເດັກ ຢູ່ໃນເວທີລະດັບໂລກ ເຊິ່ງເປັນຫນຶ່ງ ໃນສົນທິສັນຍາ ທີ່ສຳຄັນຂອງການປົກປ້ອງສິດທິມະນຸດ ເຊິ່ງສປປ ລາວ ໄດ້ໃຫ້ສັດຕະຍາບັນ ຫລື ຮັບຮອງເອົາ ສົນທິສັນຍາ ວ່າດ້ວຍສິດທິເດັກ ໃນວັນທີ 8 ພຶດສະພາ 1991. ໃນໄລຍະຕົ້ນປິນີ້ ຄະນະກຳມາທິການແຫ່ງຊາດ ເພື່ອຄວາມກ້າວ ຫນ້າຂອງແມ່ຍິງ ແລະ ແມ່-ເດັກ ກະຊວງການຕ່າງປະເທດ, ກະຊວງແຜນການ ແລະ ການລົງທຶນ ແລະ ກະຊວງກ່ຽວຂ້ອງອື່ນໆ ລວມທັງພາກເອກະຊົນ, ອົງການຈັດຕັ້ງບໍ່ສັງກັດລັດຖະບານ ແລະ ອົງການຈັດຕັ້ງທາງສັງຄົມ, ໂດຍການສະຫນັບສະຫນູນ ຈາກອົງການອຸຍນີເຊັບ ໄດ້ຈັດກິດຈະກຳຕ່າງໆ ເພື່ອເສີມຂະຫຍາຍຄວາມຮູ້ຄວາມເຂົ້າໃຈກ່ຽວກັບສິດທິເດັກ, ສະຫນັບສະຫນູນ ການຈັດຕັ້ງປະ ຕິບັດສົນທິສັນຍາ ວ່າດ້ວຍສິດທິເດັກ ແລະ ເປົ້າຫມາຍການພັດທະນາແບບຍືນຍົງ.

error: Content is protected !!