ຫວຽດນາມປະຕິເສດການຟອກເງິນ

ຫວຽດນາມປະຕິເສດການຟອກເງິນ - 21497 - ຫວຽດນາມປະຕິເສດການຟອກເງິນ
ຫວຽດນາມປະຕິເສດການຟອກເງິນ - Untitled design - ຫວຽດນາມປະຕິເສດການຟອກເງິນ

ຮຽບຮຽງໂດຍ: ລູກເມືອງພວນ

ໂຄສົກກະຊວງການ ຕ່າງປະເທດຫວຽດນາມ ອອກມາປະຕິເສດຄຳກ່າວຫາຂອງອົງການຈັດຕັ້ງຕ້ານການຟອກເງິນໂລກ (Global Financial Integrity) ທີ່ມີສຳນັກງານຕັ້ງຢູ່ ວໍຊິງຕັນທີ່ກ່າວວ່າ: “ຫວຽດນາມເປັນປະເທດຟອກເງິນອັນດັບຕົ້ນໆ ຂອງໂລກ” ນັ້ນແມ່ນບໍ່ມີມູນ ຄວາມຈິງ.

ຫຼາຍປີທີ່ຜ່ານມາ ຫວຽດນາມໄດ້ມີຄວາມພະຍາຍາມຈັດຕັ້ງຜັນຂະຫຍາຍດ້ວຍຫຼາຍວິທີການ, ນັບທັງການສ້າງລະບົບກົດໝາຍ ຄົບຊຸດຈັດຕັ້ງປະຕິບັດທຸກ ຄຳໝັ້ນສັນຍາໃນການຕ້ານ ແລະ ສະກັດກັ້ນການຟອກເງິນຕາມລະບຽບການ ຂອງ ສາກົນຕະຫຼອດມາ. ລັດຖະບານຫວຽດນາມຮັບຮູ້ດີຜົນຮ້າຍຂອງມັນຕໍ່ກັບເສດຖະກິດ-ສັງຄົມຂອງປະເທດ ແລະ ສາກົນ, ທ່ານ ນາງ ເລຖິຮັ່ງ ໂຄສົກກະຊວງການ ຕ່າງປະເທດຫວຽດນາມກ່າວໃນວັນທີ 4 ຕຸລານີ້.

ໂຄສົກກ່າວວ່າ: ຫວຽດນາມມີລະບົບກົດໝາຍຄົບ ຊຸດຕໍ່ກັບບັນຫາຟອກເງິນ. ພຶດຕິກຳແບບນີ້ເປັນພຶດຕິ ກຳທີ່ຂັດກັບກົດໝາຍ ແລະ ຈະປະຕິບັດຕາມກົດໝາຍ ອາຍາຢ່າງເຂັ້ມງວດ. ປີ 2012, ສະພາແຫ່ງຊາດ ຫວຽດນາມໄດ້ຮັບຮອງ ເອົາກົດໝາຍວ່າດ້ວຍການຕ້ານ ແລະ ສະກັດກັ້ນການ ຟອກເງິນ, ລັດຖະບານໄດ້ ແຕ່ງຕັ້ງຄະນະສະເພາະກິດໜຶ່ງຂຶ້ນເພື່ອຊີ້ນຳການ ຕ້ານ, ສະກັດກັ້ນ ແລະ ເຜີຍແຜ່ກົດໝາຍ, ລວມທັງຄຳສັ່ງແນະນຳເລກທີ 116 ແລະ 96 ເຊິ່ງແນະນຳກ່ຽວ ກັບກົດໝາຍຕ້ານ, ສະກັດ ກັ້ນການຟອກເງິນ ແລະ ການລົງໂທດຕໍ່ພຶດຕິກຳຟອກເງິນ.

ເດືອນພຶດສະພາ 2019, ລັດຖະບານຫວຽດນາມໄດ້ ອອກມາດຕະການ ແກ້ໄຂການຟອກເງິນ ແລະ ການຕ້ານການສະໜັບສະ ໜູນການກໍ່ການຮ້າຍໃນປີ 2019-2020 ອາດຈະເກີດຂຶ້ນ, ແນໃສ່ເພື່ອຕ້ານ ແລະ ສະກັດກັ້ນການຟອກເງິນ, ນຳໃຊ້ກົດໝາຍຕາມມາດຖານສາກົນໃນຂົງ ເຂດດັ່ງກ່າວຢ່າງເຄັ່ງຂັດ.

ຫວຽດນາມກຳລັງຍູ້ແຮງການສ້າງລະບົບ, ກົນໄກດ້ານການເງິນ-ທະນາ ຄານ ໃຫ້ທັນສະໄໝ, ນຳໃຊ້ເທັກໂນໂລຢີ ຍົກສູງຄວາມອາດສາມາດໃນການຄຸ້ມຄອງເພື່ອຕ້ານການຟອກ ເງິນໃຫ້ໄດ້ຮັບຜົນດີ.

ຫວຽດນາມປະຕິເສດການຟອກເງິນ - Wave100S AD to Website 2020 0 - ຫວຽດນາມປະຕິເສດການຟອກເງິນ

ໂຄສົກກະຊວງການ ຕ່າງປະເມດຫວຽດນາມກ່າວຢໍ້າອີກວ່າ: ຫວຽດນາມຖືສຳຄັນການຮ່ວມມືສາກົນເພື່ອປະກອບສ່ວນ ເຂົ້າໃນການຕ້ານພວກຟອກເງິນ ແລະ ຕ້ານການ ອຸປະຖຳພວກກໍ່ການຮ້າຍ (APG) ທັງເປັນສະມາ ຊິກສັງເກດການຂອງ ໜ່ວຍ ຂ່າວກອງການເງິນໃນກຸ່ມ Egmont ອີກດ້ວຍ.

ຫວຽດນາມປະຕິເສດການຟອກເງິນ - 21497 - ຫວຽດນາມປະຕິເສດການຟອກເງິນ
ຫວຽດນາມປະຕິເສດການຟອກເງິນ - WhatsApp Image 2020 05 27 at 5 - ຫວຽດນາມປະຕິເສດການຟອກເງິນ
ຫວຽດນາມປະຕິເສດການຟອກເງິນ - WhatsApp Image 2020 05 27 at 5 - ຫວຽດນາມປະຕິເສດການຟອກເງິນ
error: Alert: ເນື້ອຫາຂ່າວມີລິຂະສິດ !!