ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ

ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ - advert banner 728 90 728x90 - ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ

ໂດຍ: ທິດ​ກ່ຳ

ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ - new3 - ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ

ຄູ-ອາຈານປຽບເໝືອນພໍ່ ແມ່ຜູ້ທີສອງຂອງເດັກນັກຮຽນ ຫລື ຖ້າເວົ້າຕາມສາຍານາມອີກແບບໜຶ່ງກໍແມ່ນເປັນ ແມ່ພິມຂອງຊາດນັ້ນເອງ. ອັນສາເຫດກໍຍ້ອນວ່າຄົນເຮົາເກີດມາຍັງບໍ່ທັນໄດ້ຮ່ຳຮຽນຂຽນອ່ານພໍເຖິງອາຍຸກະ ສຽນກໍເລີ່ມເຂົ້າໂຮງຮຽນ, ມີການສຳພັດໄກ້ຊິດຕິດແທດກັບຄູ-ອາຈານກໍມີຄວາມອົບອຸ່ນ, ທັງໄດ້ຮັບການສິດສອນໃຫ້ຄວາມຮູ້ຄວາມຫລັກເລີ່ມແຕ່ລ້ຽງເດັກອານຸບານຈົນໄປຮອດຂັ້ນປະຖົມ, ມັດທະຍົມ, ວິທະຍາໄລ, ມະຫາວິທະຍາໄລຮຽນສູງຂຶ້ນໄປຫລາຍ ເທົ່າໃດລະດັບການສຶກສາ, ຄວາມຮັບຮູ້ດ້ານວັດທະນະທຳ ແລະ ວິຊາການຕ່າງໆ ກໍຍິ່ງສູງຂຶ້ນຫລາຍເທົ່ານັ້ນ.

ສະຫລຸບແລ້ວ, ກວ່າພວກເຮົາຈະມີຄວາມຮູ້, ຄວາມສາມາດ, ສະຫລາດຫລັກແຫມ, ມີວິຊາອາຊີບ ທີ່ແນ່ນອນໝັ້ນຄົງກໍຕ້ອງ ຜ່ານຂະບວນວິວັດການສິດ ສອນຈາກຄູ- ອາຈານດ້ວຍກັນທັງນັ້ນ. ດັ່ງພວກເຮົາຮູ້ ນຳກັນແລ້ວວ່າ, ພາລະກິດ ຂອງຄູ-ອາຈານຄືມີໜ້າທີ່ ສິດສອນ, ຖ່າຍທອດວິຊາຄວາມຮູ້ໃຫ້ແກ່ເດັກນັກຮຽນ,ນັກສຶກສາຕັ້ງແຕ່ຕອນຍັງນ້ອຍຈົນໃຫຍ່, ຈາກບໍ່ທັນຮູ້ກາຍມາເປັນຜູ້ຮູ້,  ສ້າງຄົນໃຫ້ສະຫລາດ, ແມ່ນພັນທະໜ້າທີ່ອັນຍິ່ງໃຫຍ່ ແລະ ໜັກໜ່ວງຂອງຄູ-ອາຈານ.

ເພາະສະນັ້ນ, ເພິ່ນຈຶ່ງສາມາດເວົ້າໄດ້ວ່າຄູ-ອາຈານຄື ພໍ່ແມ່ຜູ້ທີສອງ, ທັງເປັນແມ່ພິມຂອງຊາດ, ພາລະກິດ ຂອງຄູຄືເປັນຜູ້ສ້າງຊັບພະຍາກອນມະນຸດເພື່ອສະໜອງໃຫ້ແກ່ການສ້າງສາພັດທະນາປະເທດຊາດໃຫ້ໄດ້ຕາມຈຸດປະສົງຄາດໝາຍທີ່ພັກ ແລະ ລັດຖະບານໄດ້ວາງອອກໃນແຕ່ລະໄລຍະ.

ເພື່ອບັນລຸເປົ້າໝາຍທີ່ ກ່າວມານັ້ນ, ພາລະກິດຂອງຄູກໍຕ້ອງໄດ້ຜ່ານຜ່າອອກແຮງ ເສຍສະຫລະຮັບໃຊ້ຊາດ, ຮັບໃຊ້ປະຊາຊົນດ້ວຍຄວາມຊື່ສັດ, ຈົ່ງຮັກພັກດີ  ແລະ ເປັນແບບຢ່າງນຳໜ້າໃນການສິດສອນ ແລະ ຮ່ຳຮຽນ.

ອີງຕາມຄວາມຮຽກຮ້ອງຕ້ອງການທີ່ວ່ານີ້, ການສິດສອນ ແລະ ຮ່ຳຮຽນຂອງຄູກໍຕ້ອງອາໄສບັນດາປັດໄຈ ແລະ ສະພາບແວດລ້ອມ ທີ່ເອື້ອອຳນວຍຢ່າງເຕັມທີ່ ເປັນຕົ້ນແມ່ນທຶນຮອນ, ໂຮງຮຽນ ຫລື ສະຖານການສຶກສາ, ວັດຖຸອຸປະກອນຕ່າງໆ ຕະຫລອດຮອດປັດໄຈຄວາມພ້ອມດ້ານນະໂຍບາຍອື່ນໆ ເພື່ອສ້າງເງື່ອນໄຂໃຫ້ພາລະກິດຂອງຄູກໍຄືພາລະກິດ ການສຶກສາກ້າວໄປຢ່າງບໍ່ຢຸດຢັ້ງ.

ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ - lattana 1 - ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ

ອີງຕາມແນວທາງນະ ໂຍບາຍຂອງພັກ ແລະ ລັດຖະບານເຮົາໄດ້ວາງເປົ້າ ໝາຍພັດທະນາການສຶກສານັບແຕ່ນີ້ໄປຫາອະນາຄົດ ຍາວນານໄດ້ຖືເອົາການສ້າງຊັບພະຍາກອນມະນຸດເປັນ ໜຶ່ງໃນເປົ້າໝາຍສະຫະສະວັດ, ເປັນຍຸດທະສາດບຸກ      ທະລຸເພື່ອລົບລ້າງຄວາມທຸກຍາກ ແລະ ດ້ອຍພັດທະນາ ຂອງປະເທດຊາດ. ສະເພາະແຜນຍຸດທະສາດການສຶກສາກໍຕ້ອງສ້າງຄົນໄປຕາມ 5 ຫລັກມູນຄື: ປັນຍາສຶກສາ, ຄຸນສົມບັດສຶກສາ, ສິລະປະສຶກສາ, ພາລະສຶກສາ ແລະ ແຮງ ງານສຶກສາຢ່າງເຄັ່ງຄັດ.

ແນວໃດກໍຕາມ, ດ້ວຍຈຸດປະສົງ ແລະ ຄວາມມຸ້ງຫວັງ ອັນແຮງກ້າພັກ ແລະ ລັດຖະບານເຮົາ ຈຶ່ງຖືເປັນອັນ ສຳຄັນໃນຖັນແຖວການສ້າງຄົນກາຍເປັນບັນຫາຍຸດທະສາດ ເຊິ່ງກ່ອນອື່ນໝົດແມ່ນ ເລັ່ງໃສ່ຄຸນນະພາບ ແລະ ໃຫ້ໄດ້ມາດຕະຖານທຽບເທົ່າກັບພາກພື້ນ ແລະ ສາກົນກາຍເປັນກຳລັງແຮງຢ່າງ ສັງລວມໃຫ້ສັງຄົມ ແລະ ປະເທດຊາດ.

ພາລະກິດຂອງຄູ-ອາຈານ ຈຶ່ງເປັນພາລະກິດທີ່ຍິ່ງໃຫຍ່ໃນເງື່ອນໄຂທີ່ປະ ເທດຊາດ ແລະ ຂອງໂລກພວມມີການພັດທະນາ.

ສະນັ້ນ, ບໍ່ວ່າຍຸກໃດສະໄໝໃດບົດບາດ, ໜ້າທີ່ຂອງ ຄູ- ອາຈານ ຈຶ່ງສູງເດັ່ນທັງຕິດພັນກັບພາລະກຳປະຫວັດສາດຂອງຊາດ ບຸນຄຸນ ແລະ ຄຸນງາມຄວາມດີຂອງຄູລາວຕໍ່ປະເທດຊາດບ້ານເມືອງ ພວກເຮົາທັງຫລາຍຂໍຍ້ອງຍໍຊົມເຊີຍສະແດງຄວາມກະຕັນຍູກະຕະເວທີຢ່າງສຸດ ຊຶ້ງຂໍໃຫ້ພາລະກິດຂອງຄູລາວ ຈົ່ງກ້າວເດີນໄປຕາມເສັ້ນທາງອັນສະຫງ່າງາມແຫ່ງ ຍຸກສະໄໝນ້ຳໃຈວັນທີ 7 ຕຸລາ ໝັ້ນຍືນ!./.

ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ - 43 - ກະຕັນຍູ​ຮູ້​ບຸນຄຸນ​ແມ່ພິມ​ຂອງ​ຊາດ
(ພາບປະກອບ)

error: Content is protected !!