ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ

ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ - 66 1 - ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ
ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ - AGL banner - ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ

ງານມອບລາງວັນທຸລະກິດອາຊຽນດີເດັ່ນ ຂອງ ສປປ ລາວ ປະຈໍາປີ 2019 (ASEAN Business Award Lao – ABA Lao 2019) ໄດ້ຈັດຂຶ້ນໃນຕອນແລງວັນທີ 4 ຕຸລານີ້ທີ່ນະຄອນຫລວງວຽງຈັນ ໂດຍໃຫ້ກຽດເຂົ້າຮ່ວມ ຂອງ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ ມີ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຸດສາຫະກຳ ແລະ ການຄ້າ, ທ່ານ ເອກອັກຄະລັດຖະ ສະຫະພັນເຢຍລະມັນ ປະຈໍາລາວ, ທ່ານ ທະນົງສິນ ກັນລະຍາ ຮອງປະທານ ສຄອ ແຫ່ງຊາດລາວ.  ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມ ເພື່ອຍ້ອງຍໍຊົມເຊີຍບັນດາຜູ້ປະກອບການ ຫລື ຫົວໜ່ວຍທຸລະກິດທີ່ດີເດັ່ນ ຈາກການສະໝັກຄັດເລືອກໃນຂົງເຂດພາຍໃນປະເທດ ໂດຍໃນປີນີ້້ ມີຫລາກຫລາຍຜູ້ປະກອບການທັງພາຍໃນນະຄອນຫລວງວຽງຈັນ ແລະ ທ້ອງຖິ່ນສະໝັກເຂົ້າຮ່ວມຄັດເລືອກຕາມຂະແໜງການຕ່າງໆ. 

ງານລ້ຽງ ມອບລາງວັນທຸລະກິດອາຊຽນດີເດັ່ນ ຂອງ ສປປ ລາວ ແມ່ນງານສໍາຄັນອັນໜຶ່ງຂອງພາກທຸລະກິດເຊິ່ງສະພາການຄ້າ ແລະ ອຸດສາຫະກໍາແຫ່ງຊາດ ພ້ອມຄູ່ຮ່ວມພັດທະນາ ແລະ ຜູ້ໃຫ້ການສະໜັບສະໜູນ ໄດ້ຮວ່ມກັນຈັດຂຶ້ນມາແຕ່ປີ 2016 ທີ່ລາວເປັນເຈົ້າພາບອາຊຽນ ເພື່ອແນ່ໃສ່ຊົມເຊີຍບັນດາຫົວໜ່ວຍທຸລະກິດທີ່ມີຜົນງານອັນໂດດເດັ່ນ ຂອງ ສປປ ລາວ ແລະ ໃຫ້ຜູ້ທີ່ຊະນະລາງວັນເປັນຕົວແບບເຜີຍແຜ່ຄວາມຮູ້ ເຄັດລັບຂອງການເຮັດທຸລະກິດ ເພື່ອຊ່ວຍສົ່ງເສີມຊຸກຍູ້ ການເຮັດທຸລະກິດໃນລາວເຮົາ ກໍຄື ໃນພາກພື້ນປະຊາຄົມເສດຖະກິດອາຊຽນ ໃຫ້ມີຜົນສຳເລັດດີຂຶ້ນເລື້ອຍໆ. ເປັນການສ້າງແຮງບັນດານໃຈໃຫ້ແກ່ຫົວໜ່ວຍທຸລະກິດລາວທຸ່ມເທເຫື່ອແຮງ ສະຕິປັນຍາ ແລະດ້ານອື່ນໆ ຕະຫລອດຫລາຍປີຜ່ານມາ. ນອກນັ້ນຍັງເປັນການເຕົ້າໂຮມ ຫົວໜ່ວຍທຸລະກິດໃນລາວ ເພື່ອປະກອບສ່ວນເຂົ້າໃນຂະບວນສ້າງສາພັດທະນາ ການເຊື່ອມໂຍງເສດຖະກິດກັບອາຊຽນ ແລະ ເປັນບາດກ້າວສໍາຄັນໃນການເຂົ້າສູ່ຕະຫລາດເພື່ອນບ້ານ ຕະຫລາດອາຊຽນ ແລະ ຕະຫລາດໂລກອີກດ້ວຍ. 

ພ້ອມດຽວກັນນັ້ນ, ຍັງເປັນການເປີດໂອກາດໃຫ້ແກ່ຫົວໜ່ວຍທຸລະກິດລາວ ທີ່ຊະນະລາງວັນທຸລະກິດພາຍໃນປະເທດສາມາດສະໝັກເຂົ້າຮ່ວມຊີງລາງວັນໃນລະດັບພາກພື້ນ ກໍຄືລາງວັນນັກທຸລະກິດດີເດັ່ນອາຊຽນ ທີ່ຈະຈັດຂຶ້ນ ແລະ ເປັນເຈົ້າພາບໂດຍ ສະພາທີປືກສາທຸລະກິດອາຊຽນ ແຫ່ງລາຊອານາຈັກໄທ ໃນວາລະຂອງກອງປະຊຸມສຸດຍອດອາຊຽນ ໃນຕົ້ນເດືອນ ພະຈິກ 2019 ທີ່ຈະມາເຖິງນີ້.

ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ - Wave100S AD to Website 2020 0 - ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ

ການພັດທະນາ ແລະ ການສົ່ງເສີມຄວາມອາດສາມາດຂອງທຸລະກິດ ຖືເປັນຫົວຈັກຂັບເຄື່ອນທີ່ສຳຄັນ ໃນການພັດທະນາເສດຖະກິດເຮົາ, ດັ່ງນັ້ນ ສະພາການຄ້າ ແລະ ອຸດສາຫະກຳແຫ່ງຊາດເຮົາ ຈະພະຍາຍາມສືບຕໍ່ ໃນການຈັດຕັ້ງປະຕິບັດການ ມອບລາງວັນທຸລະກິດອາຊຽນດີເດັ່ນ ຂອງ ສປປ ລາວ ໃຫ້ເປັນເວທີການສົ່ງເສີມການພັດທະນາຜູ້ປະກອບການ ຫລື ຫົວໜ່ວຍທຸລະກິດລາວ ໃນການສ້າງຄວາມເຂັ້ມແຂ່ງໃຫ້ແກ່ຜູ້ປະກອບການໃນຂະແຫນງການຕ່າງໆ ໃນແຕ່ລະເຂດແຂວງ ເພື່ອໃຫ້ສາມາດສ້າງ ຊີວິດການເປັນຢູ່ ຊ່ວຍສ້າງເສດຖະກິດ ພາຍໃນ ໃຫ້ດີ ຂຶ້ນ ແລະກ້າວໄປຢ່າງບໍ່ຢຸດຢັ້ງ ສາມາດ ເຊື່ອມໂຍງກັບບັນດາປະເທດອອ້ມຂ້າງ ກໍຄື ໃນອາຊຽນ ແລະ ໃນໂລກ.

ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ - WhatsApp Image 2020 05 27 at 5 - ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ
ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ - WhatsApp Image 2020 05 27 at 5 - ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ
ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ - WhatsApp Image 2020 05 27 at 5 - ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ
ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ - WhatsApp Image 2020 05 27 at 5 - ລາວມອບລາງວັນທຸລະກິດອາຊຽນດີເດັ່ນປະຈຳປີ 2019 ໃຫ້ຜູ້ປະກອບການ
error: Alert: Content is protected !!