ອາທິດນີ້ອາກາດສືບຕໍ່ເຢັນໃນຕອນກາງຄືນ ຫາຕອນເຊົ້າ

  ກົມ​ອຸ​ຕຸ​ນິຍົມ ​ແລະ ອຸ​ທົກ​ກະ​ສາດ ​ໃຫ້​ຮູ້​ວ່າ: ​ໃນ​ໄລ​ຍະ​ອາທິດ​ນີ້,​ ສະພາບ​ອາ​ກາດຢູ່​ປະ​ເທດ​ເຮົາ​ຍັງ​ຈະສືບ​ຕໍ່​​ເຢັນ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ, ພ້​ອມມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​ບາງ​ທ້ອງ​ຖິ່ນ​. ​ເນື່ອງ​ຈາກ​ຄວາມ​ກົດ​ດັນ​ສູງ​ຂອງ​ອາກາດ​ເຢັນ​ທີ່​ປະ​ເທດ​ຈີນ​ມີ​ກໍາລັງ​ອ່ອນ​​ໄດ້​ແຜ່​ລົງ​ມາ​ປົກ​ຄຸມ​ໃນ​ທຸ​ກພາກ​ຂອງ​ປະ​ເທດ​​ເຮົາ, ສົມທົບ​ກັບ​ລົມ​ຕາ​ເວັນ​ອອກ-ຕາເວັນອອກ​ສ່ຽງ​ເໜືອ​ພັດ​ປົກ​ຄຸມ​ເປັນ​ສ່ວນ​ໃຫຍ່.

ອາທິດນີ້ອາກາດສືບຕໍ່ເຢັນໃນຕອນກາງຄືນ ຫາຕອນເຊົ້າ - new3 - ອາທິດນີ້ອາກາດສືບຕໍ່ເຢັນໃນຕອນກາງຄືນ ຫາຕອນເຊົ້າ

  ສໍາລັບ​ສະພາບ​ອາກາດ​ໃນ​ແຕ່​ລະ​ພາກ​ມີຄື​ດັ່ງ​ນີ້: ພາກ​ເໜື​ອດ້ານ​ຕາ​ເວັນ​ອອກ ຜົ້ງ​ສາລີ, ຫົວພັນ ​ແລະ ຊຽງຂວາງ ອາ​ກາດ​ເຢັນ​ໃນ​ຕອນ​ກາງຄືນ​ຫາ​ເຊົ້າ, ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ​ແລະ ຈະ​ມີ​ຝົນຕົກ​ໃນ​ລະດັບ​ຄ່ອຍ ​ແລະ ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ ​ອຸນຫະພູມ​​ແຕ່ 14-28 ອົງສາ. ພາກ​ເໜືອ​ດ້ານ​ຕາ​ເວັນ​ຕົກ ​ແຂວງ​ອຸດົມ​ໄຊ, ຫລວງ​ນໍ້າ​ທາ, ບໍ່​ແກ້ວ, ຫລວງ​ພະ​ບາງ ​ແລະ ​ໄຊ​ຍະ​ບູລີ ອາກາດ​ເຢັນ​ໃນ​ຕອນ​ເຊົ້າ,​ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ​ແລະ ຈະມີ​ຝົນຕົກ​ໃນ​ລະ​ດັບ​ຄ່ອຍ​ຫາ​ປານ​ກາງ​ຢູ່​ບາງ​ທ້ອງ​ຖິ່ນ ອຸນຫະ​ພູມ​ແຕ່ 17-33 ອົງສາ. ພາກ​ກາງ ​ແຂວງ​ວຽງ​ຈັນ,​ ນະຄອນຫລວງວຽງ​ຈັນ, ບໍລິ​ຄໍາ​ໄຊ, ຄໍາ​ມ່ວນ ​ແລະ ສະ

ຫວັນ​ນະ​ເຂດ ມີ​ເຝື້ອ​ປົກ​ຄຸມ​ເປັນ​ບາງ​ສ່ວນ, ອາກາດ​ອ່າວ​ເຢັນ,​ ພ້ອມ​ມີໝອກ​ບາງ​ປົກ​ຫຸ້ມ​ໃນ​ຕອນ​ເຊົ້າ, ​ໂດຍ​ສະ​ເພາະ​ຢູ່​ດ້ານ​ຕາ​ເວັນ​ອອກ​ຂອງ​ພາກ ​ແລະ ຈະ​ມີ​ຝົນຕົກ​ໃນ​ລະດັບ​ຄ່ອຍ, ພ້ອມ​ມີ​ລົມ​ພັດ​ແຮງ​ເປັນບາງ​ໂອກາດ​ ​ອຸນຫະພູມ​ແຕ່ 20-33 ອົງສາ. ພາກ​ໃຕ້ ສາລະ​ວັນ, ຈໍາປາ​ສັກ, ​ເຊ​ກອງ,​ ອັດ​ຕະປື

​ອາກາດ​ຈະ​ຮ້ອນ​ຂຶ້ນ​ໃນ​ຕອນ​ກາງ​ເວັນ ​ແລະ ຈະ​ມີ​ຝົນຕົກ​ກະຈາຍ​ຢູ່​ບາງ​ທ້ອງ​ຖິ່ນ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ ອຸນຫະພູມ​ແຕ່ 23-35 ອົງສາ. ສະ​ເພາະ​ແຂວງ​ໄຊ​ສົມ​ບຸນ, ​ເຂດ​ຫລັກ 20, ​ເມືອງ​ວຽງ​ທອງ ​ແລະ ​ເມືອງ​ນາ​ກາຍ ອາ​ກາ​ດ​ເຢັນ​ຫາ​ໜາວ​ເຢັນ, ພ້ອມ​ມີ​ໝ​ອກບາງ​ປົກ​ຫຸ້ມ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ຈະ​ມີ​ຝົນຕົກ​ໃນ​ລະດັບ​ຄ່ອຍ, ພ້ອມ​ມີ​ລົມ​ພັດ​ແຮງ​ຢູ່​ບາງ​ບໍ​ລິ​ເວນ ອຸນຫະ​ພູມ​ແຕ່ 13-28 ອົງສາ.

error: Content is protected !!