ລາວໂທລະຄົມເປີດທົດລອງນໍາໃຊ້ລະບົບ 5G ທໍາອິດໃນລາວ

- advert banner 728 90 728x90 - ລາວໂທລະຄົມເປີດທົດລອງນໍາໃຊ້ລະບົບ 5G ທໍາອິດໃນລາວ

ບໍລິສັດລັດວິສາຫະກິດ ລາວໂທລະຄົມ ມະຫາຊົນ ໄດ້ເປີດທົດລອງນໍາໃຊ້ລະບົບ 5G ເປັນຄັ້ງທໍາອິດໃນລາວເຮົາ ຂຶ້ນໃນວັນທີ 8 ຕຸລານີ້ ທີ່ບໍລິສັດດັ່ງກ່າວໃນນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ສຸພົນ ຈັນທະວີໄຊ ຮອງອໍານວຍການໃຫຍ່ບໍລິສັດ, ມີຜູ້ຕາງໜ້າຈາກກະຊວງໄປສະນີ ໂທລະຄົມມະນາຄົມ ແລະ ການສື່ສານ, ຄະນະຜູ້ບໍລິຫານ ພ້ອມດ້ວຍລູກຄ້າ ແລະ ມວນຊົນເຂົ້າຮ່ວມເປັນຈໍານວນຫລາຍ.

- new3 - ລາວໂທລະຄົມເປີດທົດລອງນໍາໃຊ້ລະບົບ 5G ທໍາອິດໃນລາວ

    ທ່ານ ສຸພົນ ຈັນທະວີໄຊ ກ່າວວ່າ: ລາວໂທລະຄົມ ເປັນໜຶ່ງໃນຜູ້ໃຫ້ບໍລິການດ້ານສື່ສານໂທລະຄົມມະນາຄົມຍາມໃດກໍບໍ່ໄດ້ລົດລະໃນການພັດທະນາຕົນເອງ ເພື່ອນໍາເອົາເຕັກໂຮໂລຊີໃໝ່ທີ່ທັນສະໄໝ ແລະ ກ້າວໜ້າມາໃຫ້ບໍລິການແກ່ສັງຄົມລາວຕະຫລອດມາ, ການທົດລອງນໍາໃຊ້ລະບົບ 5G ຄັ້ງນີ້,ເປັນຂີດໝາຍສໍາຄັນຂອງວຽກງານການສື່ສານ ໂທລະຄົມມະນາຄົມຂອງລາວ ແລະ ຜູ້ຊົມໃຊ້ໃນລາວຈະໄດ້ສໍາພັດກັບປະສົບການໃໝ່ທາງດ້ານການສື່ສານລະດັບໂລກ ແລະ ເຊື່ອໝັ້ນວ່າອີກບໍ່ດົນ ລາວໂທລະຄົມຈະໄດ້ເປີດໃຫ້ບໍລິການລະບົບ 5G ຢ່າງເຕັມຮູບແບບ.ເຕັກໂນໂລຊີ 5G ຖືກພັດທະນາຂຶ້ນໃຫ້ມີປະສິດທິພາບສູງກວ່າ 4G, ມີຄວາມໄວໃນການຮັບ-ສົ່ງຂໍ້ມູນທີ່ໄວກວ່າ 4G ເຖິງ 20 ເທົ່າຄື: ເມື່ອດາວໂຫລດວີດີໂອທີ່ມີຄວາມຍາວ 2 ຊົ່ວໂມງ 4Gລະບົບຈະໃຊ້ເວລາປະມານ 6-7 ນາທີ, ໃນຂະນະທີ່ 5G ຈະໃຊ້ເວລາພຽງ 3-4 ນາທີ ແລະ ໃນການເບິ່ງຈະມີຄວາມລະອຽດສູງລະດັບ HD 4K, ຈໍານວນການເຊື່ອມຕໍ່ທີ່ສາມາດຮອງຮັບອຸປະກອນໄດ້ຫລາຍກວ່າ 4G ເປັນ 10 ເທົ່າ ແລະ ເວລາການຕອບສະໜອງຈະສັ້ນລົງເຖິງ 1 ມິນລີວິນາທີ ດ້ວຍຄຸນນະສົມບັດດັ່ງກ່າວ.

- lattana 1 - ລາວໂທລະຄົມເປີດທົດລອງນໍາໃຊ້ລະບົບ 5G ທໍາອິດໃນລາວ

ເພື່ອເປັນການຜັນຂະຫຍາຍແນວທາງຂອງພັກ-ລັດກ່ຽວກັບການຫັນບັນດາທຸລະກິດທີ່ມີທ່າແຮງເປັນທັນສະໄໝ ແລະ ສອດຄ້ອງກັບແຜນຍຸດທະສາດ 5 ປີ (2016-2020) ຂອງກະຊວງໄປສະນີ ໂທລະຄົມມະນາຄົມ ແລະ ການສື່ສານ (ປທສ) ຄື: ພັດທະນາອຸດສາຫະກໍາ ໄອຊີທີ ຂອງກະຊວງ ປທສ, ກາຍເປັນເຄື່ອງມືທີ່ສໍາຄັນໃນການຂັບເຄື່ອນການພັດທະນາເສດຖະກິດ-ສັງຄົມຂອງປະເທດໃຫ້ເຂັ້ມແຂງຍືນຍົງ ແລະ ເປັນຈຸດເຊື່ອມໂຍງ ກັບພາກພື້ນສາກົນເທື່ອລະກ້າວ. ດັ່ງນັ້ນ, ລາວໂທລະຄົມຈຶ່ງໄດ້ເອົາໃຈໃສ່ພັດທະນາວຽກງານ ແລະ ທຸລະກິດຂອງຕົນໃຫ້ດີທີ່ສຸດຕະຫລອດມາ, ໂດຍສະເພາະການເປີດທົດລອງນໍາໃຊ້ລະບົບ5G ໃນຄັ້ງນີ້ຖືເປັນ ອີກບາດກ້າວໜຶ່ງໃນຄວາມພະຍາຍາມຂອງລາວໂທລະຄົມໃນການນໍາເອົາວິທະຍາສາດ ເຕັກໂນໂລຊີໃໝ່ທີ່ກ້າວໜ້າ ແລະ ທັນສະໄໝໄດ້ມາດຕະຖານທຽບເທົ່າກັບສາກົນມາຕອບສະໜອງຄວາມຕ້ອງການຂອງສັງຄົມ, ເຮັດໃຫ້ສັງຄົມລາວກ້າວໄປສູ່ສັງຄົມແຫ່ງຍຸກDigital Life ເທື່ອລະກ້າວ.ພ້ອມທັງເປັນການສົ່ງເສີມການພັດທະນາທຸລະກິດ ໂທລະຄົມມະນາຄົມ ໃຫ້ທຽບທັນ ແລະ ສາມາດເຊື່ອມໂຍງກັບບັນດາປະເທດໃນຂົງເຂດພາກພື້ນສາກົນເທື່ອລະກ້າວ.

error: Content is protected !!