ໃຜໆກໍຢາກນານເຖົ້າ

- advert banner 728 90 728x90 - ໃຜໆກໍຢາກນານເຖົ້າ

     ຄຳເວົ້າທີ່ວ່າ ອາຍຸເປັນພຽງໂຕເລກ ອາດເປັນຈິງໄດ້ ຖ້າເຮົາມີທັດສະນະຄະຕິທີ່ດີໃນການດຳລົງຊີວິດ ບໍ່ວ່າໂຕເລກຈະເພີ່ມຂຶ້ນຫລາຍປານໃດ ກໍບໍ່ເຮັດໃຫ້ຄວາມເປັນບ່າວເປັນສາວຈາກພາຍໃນຫລຸດລົງໄປໄດ້. ສຳລັບວິທີຄິດເພື່ອຍືດອາຍຸໃຫ້ນານເຖົ້າ ມີດ້ວຍກັນງ່າຍໆ 5 ຂັ້ນຕອນ ດັ່ງນີ້ :

- new3 - ໃຜໆກໍຢາກນານເຖົ້າ

     1. ເຮັດທຸກຢ່າງໃຫ້ເປັນເລື່ອງໜ້າສົນໃຈ, ມ່ວນຊື່ນເຮຮາ ແລະ ສາມາດເວົ້າເລື່ອງທີ່ເປັນບວກໄດ້ຕະຫລອດເວລາ ເຖິງຈະມີເລື່ອງທີ່ເປັນເລື່ອງລົບໆເຂົ້າມາກະທົບ ເຊັ່ນ: ຖ້າຫາກຖືກຕຳໜິກໍໃຫ້ເຫັນເປັນໂອກາດໃນການພະຍາຍາມໃໝ່.

     2. ບໍ່ທໍ້ຖອຍ ຫລື ຖອດໃຈງ່າຍໆ ບໍ່ວ່າຈະເປັນເລື່ອງກ່ຽວກັບວຽກ ຫລື ເລື່ອງທີ່ເປັນສາເຫດໃຫ້ເກີດການປ່ຽນແປງຢ່າງບໍ່ຄາດຝັນ ກໍຢ່າຟ້າວຖອດໃຈກັບບົດທົດສອບອັນໃໝ່ນີ້ ລອງແນມຫາແງ່ດີທີ່ວ່າເຮົາຈະໄດ້ລອງເຮັດສິ່ງໃໝ່ໆ ແລະ ເກັບກ່ຽວປະສົບການຈາກມັນ.

     3. ຝຶກສັງເກດສິ່ງໃໝ່ໆອ້ອມໂຕ ບາງເທື່ອເຮົາອາດໃຊ້ຊີວິດຢ່າງວ່ອງໄວເກີນໄປຈົນບໍ່ທັນສັງເກດເຫັນເລື່ອງອ້ອມໆໂຕທີ່ເກີດຂຶ້ນກໍມີ. ການຮູ້ຈັກສັງເກດສິ່ງໃໝ່ໆຈະເຮັດໃຫ້ເຮົາຄຳນຶງໄດ້ວ່າໂລກນີ້ຍັງມີເລື່ອງລາວຫລວງຫລາຍໃຫ້ຮຽນຮູ້  ແລະ ເມື່ອເປີດກ້ວາງຫລາຍເທົ່າໃດ ເຮົາກໍຈະຮຽນຮູ້ວ່າໂຕເອງນັ້ນນ້ອຍຫລາຍ.

- lattana 1 - ໃຜໆກໍຢາກນານເຖົ້າ

     4. ບໍ່ຕັ້ງຄວາມຫວັງໄວ້ສູງຈົນເກີນໄປ ຄືກັບປະໂຫຍກທີ່ວ່າ ຍິ່ງຄາດຫວັງສູງເທົ່າໃດ ເມື່ອຕົກລົງມາກໍຍິ່ງເຈັບເທົ່ານັ້ນ. ການບໍ່ຄາດຫວັງຫຍັງລ່ວງໜ້າຈະເຮັດໃຫ້ເຮົາບໍ່ປັກໃຈໄປກັບຄຳຕອບໃດໆພຽງຢ່າງດຽວ ແລ້ວຖ້າຄຳຕອບທີ່ໄດ້ບໍ່ແມ່ນສິ່ງທີ່ເຮົາຫວັງໄວ້ ເຮົາກໍຈະກັບມາຄິດຫລາຍເອງລ້າໆ.

     5. ຝຶກໃຫ້ອະໄພ ເພາະເຮົາເປັນຄົນທຳມະດາ ທຸກຄົນຈຶ່ງເຮັດຜິດພາດກັນໄດ້ ຢ່າເຮັດໃຫ້ເລື່ອງນ້ອຍກາຍເປັນເລື່ອງໃຫຍ່ຍ້ອນໂຕເຮົາເອງນັ້ນຖືອັກຄະຕິໄວ້ເຕັມຮ້ອຍ ຫລື ສິ່ງທີ່ຄົນອື່ນເຮັດຜິດພາດໄປນັ້ນເປັນເລື່ອງໃຫຍ່ເທົ່າພູເຂົາ, ແຕ່ຂໍໃຫ້ລອງນຶກເຖິງຄວາມດີທີ່ເຄີຍເຮັດໃຫ້ກັນຜ່ານມາ ກໍອາດຫລຸດຜ່ອນຄວາມໃຈຮ້າຍ ຫລື ຄວາມຄຽດຊັງຂອງເຮົາລົງໄດ້.

error: Content is protected !!