ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​

ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​ - advert banner 728 90 728x90 - ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​

​ໂດຍ: ທ່ຽງ​ທຳ

ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​ - new3 - ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​

ສະບາຍດີ, ເພື່ອນຜູ້ອ່ານທີ່ຮັກແພງ, ຫລາຍຄົນກໍຈະຮູ້ຂ່າວທີ່ແສນໂສກເສົ້າເສຍດາຍຈາກເຫດລະເບີດຫີນຢູ່ໃກ້ໂຮງງານຊີມັງ, ທີ່ບ້ານ ໂພນມະນີ, ເມືອງນ້ຳບາກ ແຂວງຫລວງພະບາງໄດ້ຂ້າຊີວິດ  ແລະ ຊັບສິນເຮືອນຊານຂອງປະຊາຊົນຜູ້ບໍ່ມີໂທດ ກຳຫຍັງໄປຢ່າງໜ້າສັງເວດ, ເຊິ່ງເນື່ອງຈາກຄວາມໝິ່ນປະໝາດ ແລະ ຖືເບົາຕໍ່ການຈູດລະເບີດດັ່ງກ່າວ, ໂດຍແມ່ນປະຊາຊົນສາມັນທຳ ມະດາຄົນໜຶ່ງແຕ່ມີທາດລະເບີດໄວ້ຄອບຄອງເປັນຈຳນວນຫລວງຫລາຍເຖິງ 10 ກວ່າໂຕນ.

ຈຸດນີ້ສ່ອງແສງໃຫ້ພວກເຮົາເຫັນວ່າ: ຜ່ານມາອຳນາດການປົກຄອງເຮົາຍັງຖືເບົາຕໍ່ການຄຸ້ມຄອງອາວຸດເສິກ ແລະ ທາດລະເບີດ, ຖ້າປະປ່ອຍແບບນີ້, ຍິ່ງຈະມີຄວາມອັນຕະລາຍຫລາຍຕໍ່ຄວາມສະຫງົບຂອງບ້ານ ເມືອງ.

ຕົວຢ່າງຈຳນວນທາດລະເບີດດັ່ງກ່າວໄປຕົກຢູ່ໃນ ກຳມືຜູ້ບໍ່ຫວັງດີແລ້ວບາງທີ່ກໍຈະເປັນເຫດອັນຕະລາຍຮ້າຍແຮງກວ່ານີ້ກໍເປັນໄດ້.

ຕໍ່ສະພາບດັ່ງກ່າວທ່ຽງທຳຂໍມີຄຳເຫັນວ່າ: ອົງການປົກຄອງ ແລະ ຂະແໜງການກ່ຽວຂ້ອງຈະຕ້ອງໄດ້ເພີ່ມທະວີການກວດກາ ແລະ ຄຸ້ມ ຄອງອາວຸດໃຫ້ດີ, ຜູ້ໃດຄວນມີໄວ້ໃນຄອບຄອງ ແລະ ຜູ້ໃດຈະໄດ້ນຳໃຊ້ອາວຸດ ແລະ ທາດລະເບີດຈຳນວນຫລາຍ ແບບນີ້ເຂົ້າໃນການປະກອບອາຊີບ ຫລື ເຮັດທຸລະກິດຕ່າງໆ ກັບມັນ, ເພາະຜ່ານມາສິ່ງດັ່ງກ່າວກໍຢູ່ໃນການ ຄຸ້ມຄອງຢ່າງເຂັ້ມງວດ, ຂອງກຳລັງ ປກຊ-ປກສ ເຮົາ, ແຕ່ເປັນຫຍັງຈຶ່ງປະປ່ອຍໃຫ້ບຸກຄົນມີການຄອບຄອງທາດລະ ເບີດຈຳນວນຫລາຍນີ້ເພື່ອລະເບີດຫີນປ້ອນໂຮງງານທີ່ເປັນທຸລະກິດຢ່າງເປີດເຜີຍ, ຄືປະເທດອື່ນການນຳ ໃຊ້ທາດລະເບີດຕ່າງໆ ຕ້ອງແມ່ນກຳລັງປະກອບອາວຸດ ຜູ້ມີບົດຮຽນເທົ່ານັ້ນເປັນຜູ້ປະຕິບັດ, ໂດຍເດັດຂາດຈະ ບໍ່ໃຫ້ສ່ວນບຸກຄົນ ຫລື ເອກະຊົນໃດໆເຂົ້າມາມີສ່ວນຮ່ວມ.

ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​ - lattana 1 - ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​

ດັ່ງນັ້ນບົດຮຽນນີ້ຂະແໜງການກ່ຽວຂ້ອງຄວນ ຄິດຖີ່ຖ້ວນ./.

ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​ - 4174 1 549x1024 - ໜ້າ​ເປັນ​ຫວ່ງຕໍ່​ການ​ຄຸ້ມ​ຄອງ​ອາວຸດ ​ແລະ ທາດ​ລະ​ເບີດ​
(ພາບປະກອບ)

error: Content is protected !!