ເຫດລະ​ເບີດຜາ​ຫີນຢູ່​ເມືອງ​ນໍ້າ​ບາກເຮັດ​ໃຫ້​ມີ​ຜູ້​ເສ​ຍຊີວິດ ​​ແລະ ​ຊັບ​ສິນ​ເສຍ​ຫາຍ​ຈໍານວນ​ຫລາຍຍ້ອນ…

ເຫດລະ​ເບີດຜາ​ຫີນຢູ່​ເມືອງ​ນໍ້າ​ບາກເຮັດ​ໃຫ້​ມີ​ຜູ້​ເສ​ຍຊີວິດ ​​ແລະ ​ຊັບ​ສິນ​ເສຍ​ຫາຍ​ຈໍານວນ​ຫລາຍຍ້ອນ… - advert banner 728 90 728x90 - ເຫດລະ​ເບີດຜາ​ຫີນຢູ່​ເມືອງ​ນໍ້າ​ບາກເຮັດ​ໃຫ້​ມີ​ຜູ້​ເສ​ຍຊີວິດ ​​ແລະ ​ຊັບ​ສິນ​ເສຍ​ຫາຍ​ຈໍານວນ​ຫລາຍຍ້ອນ…

ພະ​​ແນ​ກອຸດ​ສາ​ຫະກໍາ ​ແລະ ການ​ຄ້າ ​ແຂວງ​ຫລວງ​ພະ​ບາງ ​ໃຫ້​ຮູ້​ວ່າ: ພາຍຫລັງ​ລົງ​ກວດ​ກາ ​ແລະ ​ເກັບ​ກໍາ​ສະພາບ​ເຫດ​ລະ​ເບີດ​ຜາຫີນຢູ່​ໃກ້​ໂຮ​ງງານ​ຊີມັງ​ທີ່ບ້ານ​ໂພນ​ມະນີ, ​ເມືອງນໍ້າ​ບາກ​ແຂວງ​ຫລວງ​ພະ​ບາງ ​ໄດ້​​ເຮັດ​ໃຫ້​ເກີດ​ຄວາມ​ເສຍ​ຫາຍ​ຕໍ່​ຊີວິດ ​ແລະ ຊັບ​ສິນ​ຂອງ​ປະຊາຊົນຄື: ມີ​ຜູ້ເສ​ຍຊີວິດ 1 ຄົນ, ບາດ​ເຈັບ 23 ຄົນ, ​ເຮືອນ​ເປ່ເພ 81 ຫລັງ ​ແລະ ມີ​ລົດ​ຈັກ-ລົດ​ໃຫຍ່​ຈໍານວນ​ຫລາຍ​ໄດ້​ຮັບ​ຜົນ​ເສຍ​ຫາຍ ​ແລະ ຜ່ານ​ການກວ​ດກາ​ເຫັນ​ວ່າເຫ​ດການບໍ່​ເພິ່ງ​ປາດ​ຖະໜານີ້, ​ເກີດ​ຈາດ​ຄວາມ​ປະໝາດຂອງ​ຜູ້​ຮັບ​ເໝົາ​ລະ​ເບີດ​ທີ່​ບໍ່​ຮັບປະກັນ​ດ້ານ​ເຕັກ​ນິກ ​ແລະ ຄວາມ​ປອດ​ໄພ ​ແລະ ບໍ່​ມີ​ການ​ຮ່ວມ​ມື​ຢ່າງ​ຈິງ​ຈັງ​ລະຫວ່າງ​ເຈົ້າຂອງ​ທາ​ດລະ​ເບີດ ​ແລະ ​ເຈົ້າ​ໜ້າ​ທີ່​ກ່ຽວຂ້ອງຢູ່​ທ້ອງ​ຖິ່ນ ຈຶ່ງ​​ເກີດຄວາມ​ເສຍ​ຫາຍ​ດັ່ງກ່າວ​ຕາມ​ມາ ​ແລະ ປັດ​ຈຸ​ບັນ, ​ເຈົ້າ​ໜ້າ​ທີ່ ​ໄດ້​ກັກ​ຕົວ​ທ້າວລາວ​ເຈົ່າ ຢູ່​ເມືອງ​ນໍ້າ​ບາກ ຜູ້​ວາງ​ລະ​ເບີດ​ຜາ​ຫີນ​ຄັ້ງ​ນີ້​ມາ​ດໍາ​ເນີນ​ຄະດີ​ຕາມ​ລະບຽບ​ກົດໝາຍ​ແລ້ວ.

ເຫດລະ​ເບີດຜາ​ຫີນຢູ່​ເມືອງ​ນໍ້າ​ບາກເຮັດ​ໃຫ້​ມີ​ຜູ້​ເສ​ຍຊີວິດ ​​ແລະ ​ຊັບ​ສິນ​ເສຍ​ຫາຍ​ຈໍານວນ​ຫລາຍຍ້ອນ… - new3 - ເຫດລະ​ເບີດຜາ​ຫີນຢູ່​ເມືອງ​ນໍ້າ​ບາກເຮັດ​ໃຫ້​ມີ​ຜູ້​ເສ​ຍຊີວິດ ​​ແລະ ​ຊັບ​ສິນ​ເສຍ​ຫາຍ​ຈໍານວນ​ຫລາຍຍ້ອນ…

​ຜ່ານ​ການ​ສືບສວນ-ສອບ​ສວນ​ຂອງເຈົ້າ​ໜ້າ​ທີ່ ​ໃຫ້​ຮູ້​ວ່າ:​ ກ່ອນ​ນີ້,​ ທ້າວ ລາວ​ເຈົ່າ ​ເຄີຍ​ເປັນ​ຜູ້​ຮັບ​ເໝົາ​​ໃນ​ການ​ຂຸດ​ຄົ້ນ ​ແລະ ສະໜອງ​ຫີນ​ປູນ​ໃຫ້​ແກ່​ໂຮງງານ​ຊີມັງ​ດັ່ງກ່າວ​ໂດຍ​​ແມ່ນ​ທ່ານ ວິທູ​ນ ຊ່ຽວ​ຈະ​ເລີ​ນ​ ເປັນ​ເຈົ້າ​ຂອງ ​ແລະ ​ໄດ້ໝົດ​ສັນຍາ​​ເມື່ອ​ເດືອນສິງຫາ 2018 ຜ່ານ​ມາ. ຫລັງຈາກ​ນັ້ນ, ບໍລິສັດ ​ເກັດ​ທາວ ລາວ ​ຈໍາກັດ​ຜູ້​ດຽວ ​ໄດ້​ມາ​ຊື້​ກິດຈະການ​ໂຮງງານ​ຊີ​ມັງ​ຕໍ່​ຈາກ ທ່ານ ວິທູ​ນ ຊ່ຽວ​ຈະ​ເລີ​ນ ​ໃນ​ວັນ​ທີ 30 ມັງ​ກອນ 2019. ຈາກ​ນັ້ນ​ທ້າວ ລາວ​ເຈົ່າ ​ຈຶ່ງໄດ້​ມາສະ​ເໜີ​​ກັບ​ເຈົ້າ​ຂອງໂຮງງານຜູ້​ໃໝ່​​ເພື່ອ​ຂໍ​ຕໍ່​ສັນຍາ​ໃນ​ການ​ເປັນ​ຜູ້​ຂຸດ​ຄົ້ນ ​ແລະ ສະ

ໜອງ​ຫີນ​ປູ​ນ​ໃຫ້​ໂຮງງານ, ​ແຕ່ຝ່າຍ​ໂຮງງານ​ໄດ້​ປະຕິ​ເສດ, ​ເນື່ອງ​ຈາກມີ​ແຜນ​​ພັດທະນາ ​ແລະ ຂຸດ​ຄົ້ນ​ບໍ່​ຫີນ​ດັ່ງກ່າວ​ເອງ ​ເພື່ອ​ຫລຸດຜ່ອນ​ຕົ້ນ​ທຶນ​ການ​ຜະລິດ. ພ້ອ​ມທັງ​ຮູ້​​ວ່າ​ທ້າວ ລາວ​ເຈົ່າ ຍັງ​ມີ​ທາດ​ລະ​ເບີດ​ຢູ່​ໃນ​ຄອບ​ຄອງ​ເປັນ​ຈໍານວນ​ຫລາຍ ຈຶ່ງ​ໄດ້​ລາຍ​ງານ​ອໍານາດ​ການ​ປົກຄອງ​ເມືອງ​ເພື່ອ​ກວດກາ, ຈາກ​ນັ້ນອໍ​ານາດ​ການ​ປົກຄອງ​ເມືອງ​ໄດ້​ແຕ່ງ​ຕັ້ງ​ຄະນະ​ກໍາມະການ​ແກ້​ໄຂ​ຂໍ້​ຂັດ​ແຍ່ງລະຫວ່າງ​ສອງ​ຝ່າຍ, ພ້ອມ​ທັງ​ໄດ້​ຢຶດ​ເອົາ​​ທາດລະ​ເບີດ​ຈໍານວນ 14 ກິ​ໂລ ​ໄປ​ເກັບ​ໄວ້​ຢູ່​ສາງ​ຂອງ​ກອງ​ບັນຊາ​ການ​ທະ​ຫານ​ເມືອງ, ພ້ອມ​ທັງ​ໄດ້​ກໍານົດ​ເວລາ​ຈູດ​ທໍາລາຍ​ລະ​ເບີດທີ່​ໄດ້​ບັນ​ຈຸ​ໄວ້​ໃນ​ຜາຫີນ​ກ່ອນແລ້ວ​ 4 ຈຸດລວມມີ​ນໍ້າໜັກ 12 ​ໂຕນຄື​​: ເວລາ​ປະມານ 16-17 ​ໂມງ​ຂອງວັນ​ທີ 5 ຕຸລາ 2019 ​ແລະ ​​ເມື່ອເກີດ​ບັນຫາ​ທຸກ​ຢ່າງ​ແມ່ນ​ມອບ​ໃຫ້​ເຈົ້າ​ຂອງ​ລະ​ເບີດ​ເປັນ​ຜູ້​ຮັບ​ພິຊອບ​ທັງ​ໝົດ. ​ແຕ່​ຜ່ານ​ການລະ​ເບີດ​​ແລ້ວກໍ​ໄດ້​ສ້າງຄວາມ​ເສຍ​ຫາຍຮ້າຍ​ແຮງ​ຄືດັ່ງກ່າວ.

ເຫດລະ​ເບີດຜາ​ຫີນຢູ່​ເມືອງ​ນໍ້າ​ບາກເຮັດ​ໃຫ້​ມີ​ຜູ້​ເສ​ຍຊີວິດ ​​ແລະ ​ຊັບ​ສິນ​ເສຍ​ຫາຍ​ຈໍານວນ​ຫລາຍຍ້ອນ… - lattana 1 - ເຫດລະ​ເບີດຜາ​ຫີນຢູ່​ເມືອງ​ນໍ້າ​ບາກເຮັດ​ໃຫ້​ມີ​ຜູ້​ເສ​ຍຊີວິດ ​​ແລະ ​ຊັບ​ສິນ​ເສຍ​ຫາຍ​ຈໍານວນ​ຫລາຍຍ້ອນ…

ປັດຈຸບັນ, ​ໂຮງງານຊີມັງ​ແຫ່ງ​ນີ້​ໄດ້ຢຸດ​ການ​ຜະລິ​ດຊົ່ວຄາວ, ຍ້ອນ​ເຕົາ​​​ເຜົາ​ຊີມັງ ​ແລະ ອາຄານ​ຫ້ອງການ​ໄດ້​ຮັບ​ຜົນ​ເສຍ​ຫາຍ, ນອກ​ນີ້, ​ເຈົ້າ​ຂອງ​ໂຮງງານ​ໄດ້​ມອບ​ເງິນ​ຊ່ວຍ​ເຫລືອ​ຜູ້​ເຄາ​ຮ້າຍ​ເບື້ອງ​ຕົ້ນ​ຈໍານວນ 10 ລ້ານ​ກີບ.

error: Content is protected !!