ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ

- 96254429 aabc13f6 d6ac 48bb 9d9f 08e60a5ff9cb - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ
- Untitled design - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ
- 96254429 aabc13f6 d6ac 48bb 9d9f 08e60a5ff9cb - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ
JS Izumo ເປັນກຳປັ່ນບັນທຸກເຮລິກົບແຕລຳໃຫຍ່ທີ່ສຸດທີ່ຍີ່ປຸ່ນສ້າງຂຶ້ນຫລັງສົງຄາມໂລກຄັ້ງທີ II

 

ກຳ​ປັ່ນ​ບັນທຸກ​ເຮ​ລິບ​ກົບ​ແຕ ​ເຈ​ເອສ ອີຊູ​ໂມ (JS Izumo) ​ເຊິ່ງ​ເປັນຄວາມ​ພາກພູມ​ໃຈ​ຂອງ​ກອງ​ກຳລັງ​ປ້ອງ​ກັນ​ຕົນ​ເອງ​ທາງ​ທະ​ເລ​ຂອງ​ຍີ່​ປຸ່ນ ​ເລີ່​ມປະກາດ​ຢູ່​ນ່ານນ້ຳພາກພື້ນອາຊີ​ຫລາຍ​ຂຶ້ນ​ໃນ​ໄລຍະ​ຜ່ານ​ມາ ​ໂດ​ຍ​ເຂົ້າຮ່ວມ​ໃນ​ປະຕິບັດ​ຕ່າງໆ ​ແລະ ຈະ​ອອກ​ລາດຕະ​ເວນ​​ໄປ​ທົ່ວ​ນ່ານນ້ຳຂອງ​ພາກພື້ນ​ໃນ​ໄລຍະ​ສາມ​ເດືອນ​ຕໍ່ໜ້າ.

 

ທ່ານ ອາ​ເລັກ​ຊານ​ເດີ ​ເນລ ສະມາຊິກ​ອາວຸ​ໂສ​ຂອງ​ການ​ເຈລະຈາ​ແຊງ​ກຣີລາ (Shangri-La Dialogue) ​ແລະ ນັກວິ​ໄຈ​ປະຈຳ​ສະ​ຖາ​ບັນ​ສາກົນ​ເພື່ອ​ການ​ສຶກສາ​ຍຸດ​ທະ​ສາດ​ແຫ່ງ​ອາຊີ (IISS-Asia) ​ເບິ່ງ​ການ​ເຄື່ອນ​ໄຫວ​ດັ່ງກ່າວ​ຂອງ​ກຳ​ປັ່ນ​ JS Izumo ວ່າ​ສອດຄ່ອງ​ກັບ​ທ່າ​ອ່ຽງທີ່​ຍີ່ປຸ່ນ​ຕ້ອງການ​ເພີ່ມ​ບົດບາດ​ຂອງ​ກອງ​ກຳລັງ​ປ້ອງ​ກັນ​ຕົນ​ເອງ ​ໂດຍ​ສະ​ເພາະ​ການ​ປ້ອງ​ກັນ​ທາງ​ທະ​ເລ ​ເຊິ່ງປັດຈຸບັນ​ນີ້ ຍີ່ປຸ່ນ​ພວມ​ກັງວົນ​ຕໍ່​ຈີນ​ແຜ່​ຂະຫຍາຍ​ແສນ​ຍານຸພາບ​ໄປ​ທົ່ວ​ນ່ານນ້ຳອ້ອມຮອບ​ຂອງ​ຍີ່ປຸ່ນ ​ແລະ ທະ​ເລ​ຈີ​ນ​ໃຕ້.

 

- 96254430 2ca9f938 1cf8 416d a09c e4b62f429f34 - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ

 

​ກຳ​ປັ່ນ JS Izumo ​ເປັນກ​ຳປັ່ນ​ຂະໜາດ​ໃຫຍ່​ສຸດ​ທີ່​ຍີ່ປຸ່ນ​ສ້າງ​ຂຶ້ນ ພາຍຫລັງ​ສິ້ນສຸດ​ສົງຄາມ​ໂລກ​ຄັ້ງທີ II, ​ເຖິງ​ວ່າ​ມີ​ລັກສະນະ​ຄື​ກຳ​ປັ່ນ​ບັນທຸກ​ເຮືອບິນ, ​ແຕ່​ທາງ​ການ​ຍີ່ປຸ່ນ​ລະບຸ​ວ່າ​ເປັນ​ກຳ​ປັ່ນ​ບັນທຸກ​ເຮ​ລິ​ກົບ​ແຕທີ່​ສາມາດ​ບັນທຸກ​ໄດ້​ສູງ​ສຸດ 20 ກວ່າ​ລຳ ​ເຊິ່ງອາດ​ນຳ​ໄປ​ໃຊ້​ໃນ​ປະຕິບັດ​ການ​ຊ່ວຍ​ເຫລືອ​ທາງ​ມະນຸດສະທຳ​ຕ່າງໆ.

- Wave100S AD to Website 2020 0 - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ

 

ຜູ້​ຊ່ຽວຊານ​ຂອງ​ຈີນ​ຊີ້​ວ່າ: ຖ້າ​ມີ​ການ​ດັດ​ແປງ​ພຽງ​ເລັກ​ໜ້ອຍ, ກຳ​ປັ່ນ JS Izumo ຈະ​ສາມາດ​ກາຍ​ເປັນ​ກຳ​ປັ່ນ​ບັນທຸກ​ເຮືອບິນ​ທີ່​ຮອງ​ຮັບ​ການບິນ​ຂຶ້ນ ​ແລະ ລົງ​ຈອດ​ຂອງ​ເຮືອບິນ​ຮົບ ລວມທັງ​ເຮືອບິນ​ສ​ເຕລ F-35 ​ໄດ້ ​ເຊິ່ງຂໍ້​ສັງ​ເກດ​ນີ້​ສະ​ແດງ​ເຖິງ​ຄວາມ​ກັງວົນ​ຂອງ​ຝ່າຍ​ຈີນ​ທີ່​ມີ​ຢູ່​ເຊັ່ນ​ກັນ.

 

- 96254431 c7b3a9d3 4162 4991 a1fb bdadf121e908 - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ
ຊາວຍີ່ປຸ່ນເດີນຂະບວນໃຈກາງນະຄອນຫລວງໂຕກຽວ ປະທ້ວງການບຸກລຸກນ່ານນ້ຳເກາະເຊັນກາກຸໂດຍເຮືອກວດກາຈີນ

 

ທ່ານ ອາ​ເລັກ​ຊານ​ເດີ ​ເນລ ກ່າວ​ກັບ BBC ວ່າ: ການ​ຂະຫຍາຍ​ປະຕິບັດ​ການ​ທາງ​ທະ​ເລ​ຂອງ​ກອງ​ກຳລັງ​ປ້ອງ​ກັນ​ຕົນ​ເອງ​ຍີ່ປຸ່ນ ຄື​ການ​ຕອບ​ໂຕ້​ຈີນ​ທີ່​ເລັ່ງ​ແຜ່​ຂະຫຍາຍ​ແສນ​ຍານຸພາບ​ທາງ​ທະ​ເລ​ແບບ​ບໍ່​ມີ​ຂອບ​ເຂດ ທັງ​ເປັນ​ການ​ຍົກ​ລະດັບ​ບົດບາດ​ຂອງ​ຍີ່ປຸ່ນ​ໃນ​ການ​ປ້ອງ​ກັນ​ພາກພື້ນ ​ແລະ ​ແບ່ງ​ເບົາ​ພາລະ​ໃຫ້​ປະ​ເທດ​ພັນທະ​ມິດ ​ຄື​ອາ​ເມ​ລິ​ກາ ​ໂດຍ​ມໍ່ໆ​ມາ​ນີ້, ​ກຳ​ປັ່ນ JS Izumo ​ໄດ້​ຊ່ວຍ​ປ້ອງ​ກັນ​ກຳ​ປັ່ນ​ສະບຽງ​ຂອງ​ອາ​ເມ​ລິ​ກາ ​ເຊິ່ງພວມ​ເດີນທາງ​ໄປ​ແຫລມ​ເກົາຫລີ ​ໂດຍ​ເປັນ​ປະຕິບັດ​ການ​ພາຍ​ໃຕ້​ຂອບ​ກົດໝາຍ​ໃໝ່​ທີ່​ອະນຸຍາດ​ໃຫ້​ກອງ​ກຳລັງ​ປ້ອງ​ກັນ​ຕົນ​ເອງ​ເຂົ້າຊ່ວຍ​ເຫລືອ​ປະ​ເທດ​ພັນທະ​ມິດ​ຕໍ່ຕ້ານ​ໄພ​ທີ່​ມີ​ຮ່ວມ​ກັນ​ໄດ້.

 

ສະພາບ​ການ​ແບບ​ນີ້​ຍັງ​ເຮັດ​ໃຫ້​ອຸດສາຫະກຳ​ການ​ທະຫານ​ຂອງ​ຍີ່ປຸ່ນ​ທີ່​ເຄີຍ​ຊຸດ​ໂຊມ​ກັບ​ມີ​ຄວາມ​ຄຶກຄື້ນອີກ ​ໂດຍ​ບໍລິສັດ​ຜູ້​ຄ້າອາວຸດ​ເພື່ອ​ການ​ປ້ອງ​ກັນ​ທາງ​ທະ​ເລ​ຂອງ​ຍີ່ປຸ່ນ​​ເລີ່​ມອອກ​ສະ​ແຫວ​ງຫາ​ຂໍ້​ຕົກລົງ​ທາງ​ທຸລະ​ກິດ​ໃນ​ຕ່າງປະ​ເທດ​ຫລາຍ​ຂຶ້ນ ​ເຊັ່ນ​ບໍລິສັດ​ອຸດສາຫະກຳ​ໜັກ​ມິດ​ຊູ​ບິ​ຊິ​ໄດ້​ເຂົ້າຮ່ວມ​ປະ​ກວດ​ລາຄາ​ຈັດ​ສ້າງ​ເຮືອ​ດຳນ້ຳ​ໃຫ້ລັດຖະບານ​ອົດ​ສະຕຣາລີ​ໃນ​ປີຜ່ານມາ ​ແລະ ມີ​ກາ​ນນຳ​ເອົາ​ເຮືອບິນ​ກວດກາ​ທາງ​ທະ​ເລ​ຮຸ້ນ​ໃໝ່ Kawasaki P-1 ອອກ​ບິນ​ສະ​ແດງ​ຢູ່​ສະຫະ​ລາຊະ​ອານາຈັກ​ໃນ​ສອງ​ປີ​ກ່ອນ.

- WhatsApp Image 2020 05 27 at 5 - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ
- WhatsApp Image 2020 05 27 at 5 - ຍີ່ປຸ່ນເລີ່ມສະແດງແສນຍານຸພາບທາງທະເລແຂ່ງກັບຈີນ
error: Alert: ເນື້ອຫາຂ່າວມີລິຂະສິດ !!