ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ

ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ - advert banner 728 90 728x90 - ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ

ໃນວັນທີ 9 ຕຸລານີ້, ທີ່ນະຄອນຫລວງວຽງຈັນ, ກົມແຜນການ ແລະ ການຮ່ວມມືກະຊວງອຸດສາຫະກຳ ແລະ ການຄ້າ ໄດ້ເປັນເຈົ້າພາບຈັດກອງປະຊຸມກອບການຮ່ວມມືດ້ານເສດຖະກິດຂ້າມແດນໃນກອບອະນຸພາກພື້ນແມ່ນ້ຳຂອງ-ແມ່ນ້ຳລ້ານຊ້າງ, ໂດຍມີປະ ເທດ ກຳປູເຈຍ, ຈີນ, ລາວ, ໄທ, ມຽນມາ ແລະ ຫວຽດນາມ ​ເຂົ້າ​ຮ່ວມເພື່ອປຶກສາຫາລືແຜນການ 5 ປີ ຂອງບັນດາໜ່ວຍງານຕ່າງໆ, ເຊິ່ງກວມເອົາຫລາຍຂົງເຂດເສດຖະກິດ, ໂດຍສະເພາະການຂົນສົ່ງ, ພະລັງງານໄຟຟ້າ, ການຄ້າທາງເອເລັກໂທຣນິກ, ກະສິກຳ, ອຸດສາຫະກຳ ແລະ ການຝຶກອົບຮົມໃຫ້ແກ່ພະນັກງານຕ່າງໆ ທີ່ກ່ຽວຂ້ອງ.

ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ - new3 - ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ

   ທ່ານ ພູວຽງ ພົງສາ ວ່າການຫົວໜ້າກົມດັ່ງກ່າວ​ມີ​ຄໍາ​​ເຫັນວ່າ: ກອງປະຊຸມກອບການຮ່ວມມືດ້ານເສດຖະກິດຂ້າມແດນ ໃນກອບອະນຸພາກພື້ນແມ່ນ້ຳຂອງ-ແມ່ນ້ຳລ້ານຊ້າງຄັ້ງ​ນີ້ເປັນຄັ້ງທີ 3, ເຊິ່ງຄັ້ງທໍາອິດ​ໄດ້ຈັດຢູ່ ສປ ຈີນ, ຄັ້ງທີສອງ ຈັດຢູ່ກໍາປູເຈຍ. ສ່ວນຄັ້ງທີ 4 ຈະຈັດຢູ່ປະເທດມຽນມາ ໂດຍຈະໄດ້ປຶກສາຫາລືບັນຫາຕ່າງໆ ກ່ຽວກັບເສດຖະກິດຂ້າມແດນ ໃນ 6 ປະເທດລຸ່ມແມ່ນໍ້າຂອງ-ແມ່ນ້ຳລ້ານຊ້າງ. ສຳລັບກອງປະ ຊຸມຄັ້ງນີ້, ສປປ ລາວ ຈະໄດ້ສະເໜີກ່ຽວກັບນະໂຍບາຍ ໃນການສ້າງເຂດເສດຖະກິດພິເສດ ວ່າເຮົາຈະມີນະໂຍບາຍຫຍັງແດ່ໃນການດຶງດູດນັກລົງທຶນຈາກ ສປຈີນ ​ແລະ ບັນດາປະເທດລຸ່ມແມ່ນ້ຳຂອງໃຫ້ຫລາຍ​ຂຶ້ນ.

ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ - lattana 1 - ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ
ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ - 72486501 1136558999881212 3917991788727500800 o - ປະເທດລຸ່ມແມ່ນ້ຳຂອງ-ແມ່ນ້ຳລ້ານຊ້າງ ຫາລືບັນຫາເສດຖະກິດຂ້າມແດນ

  ທ່ານ ພູວຽງ ພົງສາ ກ່າວຕື່ມວ່າ: ໃນອະນາຄົດ ຈະໃຫ້ມີການຮ່ວມມືຢູ່ກອບແມ່ນ້ຳຂອງ-ແມ່ນ້ຳລ້ານຊ້າງນີ້ຫລາຍ​ຂຶ້ນ, ເຊິ່ງຝ່າຍຈີນແມ່ນໄດ້ເລືອກເອົາເຂດພັດທະນາເສດຖະກິດກວມລວມໄຊເສດຖາທີ່​ນະຄອນຫລວງ​ວຽງ​ຈັນ​ເປັນ​ຈຸດ​​ເລີ່​ມຕົ້ນ.

error: Content is protected !!