ຈົດ​ຈຳ​ລຳ​ລຶກມູນ​ເຊື້ອ 12 ຕຸລາ

- advert banner 728 90 728x90 - ຈົດ​ຈຳ​ລຳ​ລຶກມູນ​ເຊື້ອ 12 ຕຸລາ

​ໂດຍ: ທິດ​ກ່ຳ

- new3 - ຈົດ​ຈຳ​ລຳ​ລຶກມູນ​ເຊື້ອ 12 ຕຸລາ

ວັນ​ທີ 12 ຕຸລາ​ປີ 1945 ​ເປັນ​ວັນ​ປະກາດ​ເອກະລາດ​ຂອງ​ປະຊາຊົນ​ລາວ​ໂດຍ​ການນຳພາ​ຂອງ​ຂະ​ບວນການ​ແນວ​ລາວ​ອິດສະຫລະ​ອັນ​ມີ​ເຈົ້າ​ເພັດ​ຊະລາ​ດ ​ເປັນ​ປະມຸກ​ໃນ​ສະໄໝ​ນັ້ນ. ​ເມື່ອ​ເອີ່ຍ​ເຖິງ​ມູນ​ເຊື້ອວັນ​ທີ 12 ຕຸລາ 1945 ກໍ​ຕ້ອງ​ໄດ້​ຫວນຄືນ​ມູນ​ເຊື້ອ​ແຫ່ງການ​ຕໍ່ສູ້​ນັບ​ຕັ້ງ​ແຕ່​ສະ​ໄໝ​ເຈົ້າອານຸວົງ ລາມ​ມາ​ຮອດ​ພໍ່​ກະ​ດວກ, ອົງ​ແກ້ວ ກົມມະ​ດຳ, ​ເຈົ້າຟ້າປັດ​ໄຈ​ມາ​ເຖິງ​ຍຸກ​ການ​ນຳພາ​ຂອງ​ພັກ​ປະຊາຊົນ ປະຕິວັດ​ລາວ ຂອງ​ພວກ​ເຮົາ ຈຶ່ງ​ເຫັນ​ໄດ້​ວ່າ ກວ່າ​ຈະ​ມາ​ເປັນ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ມັນ​ບໍ່​ໄດ້​ງ່າຍ​ຄື​ປອກກ້ວຍ.

​        ໃນ​ຍຸກ​ຂອງ​ເຈົ້າອານຸວົງ ​ແມ່ນ​ຂະ​ບວນການ​ຕໍ່ສູ້​ເພື່ອ​ຍາດ​ແຍ່ງ​ເອົາ​ຄວາມ​ເປັນ​ເອກະລາດ​ແຫ່ງ​ຊາດ​ບໍ່​ໃຫ້​ເປັນ​ເມືອງ​ຂຶ້ນຂອງ​ສະຫຍາມ​ທີ່​ຍຶດຄອງ​ແຜ່ນດິນ​ລ້ານ​ຊ້າງ​ມາ​ເປັນ​ເວລາຮ້ອຍ​ກວ່າປີ, ​ແຕ່​ສຸດ​ທ້າຍ​ກໍ​ປະລາ​ໄຊ ຈົນ​ເຈົ້າອານຸວົງ ຕາຍຄາ​ກົງ​ຂັງ​, ກ້າວ​ໄປ​ເຖິງ​ແຜ່ນ ດິນ​ລາວ, ຄົນ​ລາວ​ລ້ານ​ຊ້າງ​ໄດ້​ແຍກ​ອອກ​ເປັນ​ສອງ​ສ່ວນ​ຄື​ຝັ່ງ​ຊ້າຍ​ຕົກ​ເປັນ​ຂອງຝຣັ່ງຄື​ປະ​ເທດ​ລາວ​ໃນ​ປັດຈຸບັນ. ສ່ວນ​ຝັ່ງ​ຂວາ​ຕົກ​ເປັນ​ຂອງ​ສະຫຍາມ​ຈົນ​ມາ​ຮອດ​ທຸກ​ວັນ​ນີ້ ນັ້ນຄື ຊາຕາກຳ​ຂອງ​ຊາດ​ລາວ, ຄົນ​ລາວ​ໃນ​ຍຸກ​ສາມ​ກົກ.

ຂະ​ບວນການ​ຂອງ​ພໍ່​ກະ​ດວດ, ອົງ​ແກ້ວ​ກົມມະ​ດຳ, ​ເຈົ້າຟ້າ​ປັດ​ໄຈ ​ແມ່ນ​ຍຸກ​ຕໍ່ສູ້​ກັບ​ຝຣັ່ງທີ່​ເຂົ້າມາ​ບຸກລຸກ​ຮຸກ​ຮານ​ປະ​ເທດ​ລາວ​ທີ່​ເປັນ​ຝັ່ງ​ຊ້າຍ​ອັນ​ເປັນ​ສ່ວນ​ທີ່​ຍັງ​ເຫລືອ​ເປັນ​ປະ​ເທດ​ລາວ​ປັດຈຸບັນ​ທີ່​ເປັນ​ຫົວ​ເມືອງ​ຂຶ້ນຂອງ​ຝຣັ່ງ​ໃນ​ເຄືອ​ສະຫະພັນ​ອິນດູຈີນ​ຝຣັ່ງ, ໂດຍ​ມີ​ສາມ​ປະ​ເທດ​ຮ່ວມ​ກັນ​ຄື: ລາວ, ຫວຽດນາມ ​ແລະ ກຳປູ​ເຈຍ.

ຂະ​ບວນການ​ຕໍ່ສູ້​ຕ້ານ​ຝຣັ່ງ​​ໄດ້​ແກ່ຍາວ ​ແລະ ຍືດ​ເຍື້ອ​ເປັນ​ເວລາ​ຊາວ​ກວ່າ​ປີ ອາ​ເມ​ລິ​ກາ ກໍ​ເຂົ້າມາ​ສວມ​ອຳ​ນາດບົດບາດ​ຈາກ​ຝຣັ່ງ​ເພື່ອ​ກໍ່​ສົງຄາມ​ໃນ​ອິນດູຈີນ​ເປັນ​ເວລາ​ຊາວ​ກວ່າ​ປີການ​ຕໍ່ສູ້​ປະຕິວັດ​ຂອງ​ພວກ​ເຮົາ​ ຈຶ່ງ​ສາມາດ​ຍາດ​ເອົາ​ໄຊຊະນະ ​ແລະ ປົດ​ປ່ອຍປະ​ເທດຊາດ​ອອກ​ຈາກ​ການ​ເປັນ​ເມືອງ​ຂຶ້ນຈາກ​ພວກ​ລ່າ​ອານາ​ນິຄົມ​ແບບ​ເກົ່າ ​ແລະ ​ແບບ​ໃໝ່​ຂອງ​ຕ່າງ​ຊາດ​ທີ່​ເຂົາ​ມາ​ຮຸກ​ຮານ.

ນີ້​ຄື​ຊາຕາກຳ, ຊາຕາ​ອາພັບ​ຂອງ​ຊາດ​ລາວ​ຄົນ​ລາວ​ທີ່​ເກືອບ​ເສຍ​ຄວາມ​ເປັນ​ຊາດ​ໃນ​ຍຸກ ປະຫວັດສາດ​ທີ່​ບວບ​ຊ້ຳຜ່ານ​ມາ.

​        ເມື່ອ​ຕັ້ງ​ໂຈດ​ກັນ​ວ່າ​ຂະ​ບວນການ​ຕໍ່ສູ້​ໃນ​ຍຸກ​ກ່ອນ​ເປັນ​ຫຍັງ​ຈຶ່ງ​ປະລາ​ໄຊ? ຄຳ​ຕອບ​ໂຈດກໍ​ຄື​ວ່າ​ຍ້ອນ​ບໍ່​ທັນ​ມີ​ພັກ​ນຳພາ. ຂະ​ບວນການ​ຕໍ່ສູ້​ໃນ​ຍຸກ​ກ່ອນ​ເປັນ​ພຽງ​ດ້ວຍ​ຄວາມ​ຄຽດແຄ້ນ, ຄວາມ​ຮັກ​ຊາດ​ຂອງ​ຕົນ​ທີ່​ຖືກ​ກົດ​ຂີ່​ຂູດ​ຮີດ ​ແລະ ຂົ່ມ​​ເຫັງ​ເຕັງ​ເຕັກ​ແລ້ວ​ກໍ​ຊວນ​ກັນ​ເຮັດ​ການ​ຕໍ່ສູ້​ແບບ​ຫົວ​ຊົນ​ຝາ, ນີ້​ລະ​ຄື​ສິ່ງ​ບົ່ງ​ບອກ​ເຖິງ​ຄວາມ​ປະລາ​ໄຊ​ໃນ​ວິນາທີ​ສຸດ​ທ້າຍ​ກໍ​ຖືກ​ປາບ​ປາມ ​ແລະ ສະຫລາຍ​ໄປ​ຕາມ​ການ​ເວລາ.

- lattana 1 - ຈົດ​ຈຳ​ລຳ​ລຶກມູນ​ເຊື້ອ 12 ຕຸລາ

ນອກຈາກ​ນັ້ນ, ກໍ​ຍັງ​ປະກອບ​ໄປ​ດ້ວຍ​ບັນດາ​ປັດ​ໄຈ​ຫລາຍ​ຢ່າງ​ທັງ​ກຳລັງ​ພົນ, ຍຸດທະວິທີ,  ສີ​ລະ​ປະຍຸດ, ອາວຸດ​ຍຸດ ​ໂທ​ປະກອນ, ສິ່ງ​ແວດ​ລ້ອມ ​ແລະ ກາລະ​ໂອກາດ​ທີ່​ເອື້ອອຳນວຍ​ຈຶ່ງ​ສາມາດ​ຕັດສິນ​ໄຊຊະນະ​ໄດ້.

ປີ 1930 ພັກ​ຄອມ​ມູນິດ​ອິນດູຈີນ​ໄດ້​ຮັບ​ການ​ສ້າງຕັ້ງຂຶ້ນ​ໂດຍ​ປະທານ ​ໂຮ່ຈິ​ມິນ ​ເປັນ​ຜູ້ນຳ​ພາ​ຂະ​ບວນການ​ຕໍ່ສູ້​ຂອງ​ປະຊາຊົນ​ສາມ​ຊາດ​ອິນດູຈີນ​ໄດ້​ຂະຫຍາຍຕົວ ​ແລະ ​ແຜ່ ລາມ​ໄປ​ຢ່າງ​ກວ້າງຂວາງ​ໃນ​ສາມ​ປະ​ເທດ; ຈົນ​ມາ​ຮອດ ວັນ​ທີ 22 ​ມີນາ 1955  ພັກ​ປະຊາຊົນ ປະຕິວັດ​ລາວ ຈຶ່ງ​ໄດ້​ຮັບ​ການ​ສ້າງຕັ້ງຂຶ້ນ ​ໂດຍ​ແຍກ​ອອກ​ຈາກ​ພັກກອມ​ມູນິດ​ອິນດູ​ຈີນ.

ຈາກ​ນັ້ນມາ, ຂະບວນການ​ແນວ​ລາວ​ອິດ​ສະຫລະ​ໄດ້​ມີ​ພັກ​ນຳພາ​ກໍ​ຍິ່ງ​ເຕີບ​ໂຕ​ເພີ່ມ​ທະວີ​ກ້າວ​ຂຶ້ນຢ່າງ​ໜັກ​ແໜ້ນ​ໝັ້ນຄົງ​ຈົນ​ມາ​ຮອດ​ປີ 1975 ຈຶ່ງ​ສາມາດ​ປົດ​ປ່ອຍປະ​ເທດ​ຊາດປະກາດ​ລົບ​ລ້າງ​ລະບອບ​ລາຊາທິປະ​ໄຕ ທີ່​ປົກຄອງ​ບ້ານ​ເມືອງ​ມາ​ຫລາຍ​ພັນ​ປີ​ປະ​ເທດ​ຊາດ​ຕົກທຸກ​ໄດ້​ຍາກ​ເສຍ​ຊາດ​ເສຍ​ແຜ່ນດິນ​ແລ້ວ​ສ້າງຕັ້ງປະ​ເທດ​ໃໝ່​ຂຶ້ນ​ແທນ​ເປັນ​ປະ​ເທດ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ມາ​ຮອດ​​ທຸກ​ມື້ນີ້./.

- 48977 - ຈົດ​ຈຳ​ລຳ​ລຶກມູນ​ເຊື້ອ 12 ຕຸລາ

error: Content is protected !!