ລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ເນັ້ນໃຫ້ເອົາໃຈໃສ່ພັດທະນາເຕັກໂນໂລຊີກ້າວສູ່ຍຸກ 4.0

- advert banner 728 90 728x90 - ລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ເນັ້ນໃຫ້ເອົາໃຈໃສ່ພັດທະນາເຕັກໂນໂລຊີກ້າວສູ່ຍຸກ 4.0

ເນື່ອງໃນໂອກາດສະເຫລີມສະຫລອງ ວັນວິທະຍາສາດແຫ່ງຊາດ 12 ຕຸລານີ້, ທ່ານ ບໍ່ວຽງຄໍາ ວົງດາລາ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ໄດ້ຖະແຫລງຂ່າວຕໍ່ສື່ມວນຊົນວ່າ: ເພື່ອສະແດງຄວາມຮູ້ບຸນຄຸນຢ່າງເລິກເຊິ່ງມາຍັງບັນດາທ່ານຜູ້ນໍາພັກ-ລັດ, ນັກປະຕິວັດອາວຸໂສທີ່ຍາມໃດກໍໄດ້ເອົາໃຈໃສ່ຊີ້ນໍາ-ນໍາພາ ແລະ ຊຸກຍູ້ສົ່ງເສີມການຄົ້ນຄວ້າ-ພັດທະ ນາ ແລະ ການນໍາໃຊ້ວິທະຍາສາດ ແລະ ເຕັກໂນໂລຊີ ເພື່ອພັດທະນາປະເທດເຮົາໃຫ້ມີການຂະຫຍາຍຕົວຢ່າງຕໍ່ເນື່ອງຕະຫລອດມາ. ພ້ອມທັງຮຽກຮ້ອງມາຍັງບັນດານັກວິທະຍາສາດ, ນັກຄົ້ນຄວ້າ, ນັກຮຽນຮູ້, ປັນຍາຊົນ ຈົ່ງສືບຕໍ່ເສີມຂະຫຍາຍມູນເຊື້ອການຄົ້ນຄວ້າປະດິດສ້າງຂອງຕົນ ເພື່ອສູ້ຊົນປະຕິບັດໜ້າທີ່ ແລະ ຍົກລະດັບຄວາມຮູ້ຄວາມສາມາດຂອງຕົນໃຫ້ສູງຂຶ້ນ ເພື່ອປະກອບສ່ວນຢ່າງສົມກຽດເຂົ້າໃນພາລະກິດພັດທະນາວິທະຍາສາດ ແລະ ເຕັກໂນໂລຊີ ຂອງປະເທດເຮົາ, ໂດຍສຸມໃສ່ການຄົ້ນຄວ້າວິທະຍາ ສາດທີ່ເປັນຂົງເຂດບຸລິມະສິດ, ພັດທະນາເຕັກໂນໂລຊີ ທີ່ສອດຄ່ອງ ແລະ ສ້າງເປັນຜະລິດຕະພັນນະວັດຕະກຳທີ່ມີຄຸນນະພາບ, ປະກອບສ່ວນເຂົ້າໃນການຫັນເປັນອຸດສາຫະກໍາ ແລະ ທັນສະໄໝຂອງປະເທດເຮົາ ບົນຈິດໃຈບຸກທະລຸຕາມມະຕິຂອງກອງປະຊຸມໃຫຍ່ ຄັ້ງທີ X ຂອງພັກວາງອອກ, ພ້ອມກັນສືບຕໍ່ສ້າງຜົນງານວິທະຍາສາດ ໃນຂະບວນການແຂ່ງຂັນ “ຮັກຊາດ ແລະ ພັດທະນາ” ແລະ ອອກແຮງຄົ້ນຄວ້າ-ພັດທະນາ ນໍາໃຊ້ວິທະຍາສາດ, ເຕັກໂນໂລຊີ ແລະ ນະວັດຕະກໍາ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດທີ່ແສນຮັກຂອງພວກເຮົາໃຫ້ມີຄວາມກ້າວໜ້າ ແລະ ຈະເລີນຮຸ່ງເຮືອງ ແລະ ກ້າວເດີນຕາມກະແສຟອງແຫ່ງການປະຕິວັດອຸດສະຫະກຳ ຄັ້ງທີ່ 4 ຂອງໂລກເພື່ອສ້າງປະເທດລາວມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມມັກຄີປອງດອງ, ປະຊາທິປະໄຕ, ຍຸດຕິທຳ ແລະ ສີວິໄລ.

- new3 - ລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ເນັ້ນໃຫ້ເອົາໃຈໃສ່ພັດທະນາເຕັກໂນໂລຊີກ້າວສູ່ຍຸກ 4.0

ກະຊວງວິທະຍາສາດ ແລະ ເຕັກໂນໂລຊີ ໄດ້ຄົ້ນຄວ້າສ້າງ ແລະ ປັບປຸງກົດໝາຍ 8 ສະບັບ ແລະ ນິຕິກໍາລຸ່ມກົດໝາຍ ອີກຈໍານວນໜຶ່ງ, ໄດ້ດໍາເນີນກອງປະຊຸມນັກວິທະຍາສາດທໍາມະຊາດ ທົ່ວປະເທດຄັ້ງທີ l  ເຊິ່ງເປັນຄັ້ງປະຫວັດສາດ ຂອງປະເທດເຮົາ ສຳເລັດຜົນຢ່າງສະຫງ່າງາມ, ໄດ້ດໍາເນີນກອງປະຊຸມວຽກງານວິທະຍາສາດ ແລະ ເຕັກໂນໂລຊີ ສໍາເລັດແລ້ວ 2 ຄັ້ງ ແລະ ໄດ້ສ້າງແຜນຍຸດທະສາດການພັດທະນາວິທະຍາສາດ ແລະ ເຕັກໂນໂລຊີ ເຖິງປີ 2030 ເຊິ່ງເປັນແຜນຍຸດທະສາດການພັດທະນາ ທີ່ເຊື່ອມສານກັບການພັດທະນາຂອງບັນດາກະຊວງ, ຂະແໜງການ ກໍຄືພາກພື້ນ ແລະ ສາກົນ ໃນໄລຍະໃໝ່ແຫ່ງຍຸກອຸດສະຫະກຳ 4.0 ນີ້. ສໍາລັບການພັດທະນາພື້ນຖານໂຄງລ່າງກໍໄດ້ສໍາເລັດການກໍ່ສ້າງບັນດາຫ້ອງທົດລອງທີ່ທັນສະໄໝ​ເພື່ອຮັບໃຊ້ການຄົ້ນຄວ້າດ້ານຊີວະວິທະຍາ, ເຕັກໂນໂລຊີຊີວະພາບ, ພະລັງງານທົດແທນ ແລະ ວັດສະດຸໃໝ່ ແລະ ປັດຕະພີວິທະຍາ, ສຳເລັດການສ້າງສູນຂໍ້ມູນເອເລັກໂຕຣນິກຂະໜາດໃຫຍ່ເຖິງ 400 TB ເຊິ່ງເປັນສູນຂໍ້ມູນເອເລັກໂຕຣນິກແບບປະຢັດພະລັງງານ ແລະ ທັນສະໄໝທີ່ສຸດ ຢູ່ໃນປະເທດເຮົາ ກໍຄືໃນພາກພື້ນອາຊີອາຄະເນ, ເຊິ່ງເປັນພື້ນຖານໃຫ້ແກ່ການຄົ້ນຄວ້ານຳໃຊ້ລະບົບຖານຂໍ້ມູນມະຫາສານ (Big data) ແລະ ເຕັກໂນໂລຊີດີຈີຕ໋ອນຢູ່ປະເທດເຮົາ. ​ໄດ້ສ້າງ​ຕັ້ງສະ​ຖາ​ບັນການ​ຄຸ້ມ​ຄອງວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ ເຊິ່ງເປັນບ່ອນຍົກລະດັບ, ບໍາລຸງສ້າງ ບຸກຄະລາກອນດ້ານວິທະຍາສາດ ແລະ ເຕັກໂນໂລຊີ ຢູ່ພາຍໃນປະເທດ ຕິດພັນກັບການ ຄົ້ນຄວ້າ-ພັດທະນາ, ການຖ່າຍທອດ ແລະ ດັດປັບນໍາໃຊ້ວິທະຍາສາດ ແລະ ເຕັກໂນໂລຊີ, ສົ່ງເສີມຫົວຄິດປະດິດສ້າງ, ສ້າງບຸກຄະລາກອນທີ່ເປັນມືອາຊີບທາງດ້ານວິຊາການ ເພື່ອສາມາດຄຸ້ມຄອງ ແລະ ຄົ້ນຄວ້າ-ພັດທະນາ ວິທະຍາສາດ ແລະ ເຕັກໂນໂລຊີ ໃນໄລຍະໃໝ່. ພ້ອມກັນນັ້ນ, ຍັງໄດ້ເພີ່ມທະວີ ວຽກງານໂຄສະນາເຜີຍແຜ່ແນວທາງນະໂຍບາຍຂອງພັກ ແລະ ລັດ ກ່ຽວກັບວຽກງານວິທະຍາສາດ ແລະ ເຕັກໂນໂລຊີ ດ້ວຍຫຼາຍຮູບການ​ເຊັ່ນ: ຈັດງານວາງສະແດງ ແລະ ສ້າງກິດຈະກໍາຕ່າງໆ ໃນໂອກາດສະເຫລີມສະຫລອງວັນລະນຶກທີ່ສໍາຄັນແຫ່ງຊາດ, ປັບປຸງຍົກລະດັບເວັບໄຊທ໌ຂອງກະຊວງ, ໃຫ້ການບໍລິການຫ້ອງສະໝຸດວິທະຍາສາດ ແລະ ເຕັກໂນໂລຊີ, ໜັງສືພິມວິທະຍາສາດ ແລະ ການພັດທະນາ, ວາລະສານເຄື່ອງໝາຍການຄ້າ​ເພື່ອຮັບໃຊ້ມວນຊົນຢ່າງຕໍ່ເນື່ອງ; ຈັດປະຊຸມສໍາມະນາ-ວິຊາການ ແລະ ການປາຖະກະຖາກ່ຽວກັບວິທະຍາສາດ, ເຕັກໂນໂລຊີ ແລະ ນະວັດຕະກໍາ ເພື່ອຖ່າຍທອດ ຄວາມຮູ້ ແລະ ເຕັກໂນໂລຊີ ທັນສະໄໝໃຫ້ແກ່ນັກວິຊາການ, ນັກຮຽນຮູ້ ປັນຍາຊົນ, ບັນດາຜູ້ປະກອບການ ແລະ ທົ່ວສັງຄົມ ອີກດ້ວຍ.

- lattana 1 - ລັດຖະມົນຕີ ກະຊວງ ວິທະຍາສາດ ແລະ ເຕັກໂນໂລຊີ ເນັ້ນໃຫ້ເອົາໃຈໃສ່ພັດທະນາເຕັກໂນໂລຊີກ້າວສູ່ຍຸກ 4.0
error: Content is protected !!