ຫາລືສະໜັບສະໜູນການປົກປ້ອງສິດທິເດັກ

ຫາລືສະໜັບສະໜູນການປົກປ້ອງສິດທິເດັກ - advert banner 728 90 728x90 - ຫາລືສະໜັບສະໜູນການປົກປ້ອງສິດທິເດັກ

ຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ເດັກ (ຄຊກມດ) ຮ່ວມກັບອົງການອຸຍນີເຊບປະຈໍາລາວ ໄດ້ຈັດກອງປະຊຸມປຶກສາຫາລືຮ່ວມກັບພາກທຸລະກິດເອກະຊົນໃນໂອກາດວັນຄົບຮອບ 30 ປີ ສົນທິສັນຍາວ່າດ້ວຍສິດທິເດັກຂຶ້ນໃນວັນທີ 10 ຕຸລານີ້ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ອາລຸນແກ້ວ ກິດຕິຄຸນ ລັດຖະມົນຕີ ປະຈໍາສໍານັກງານນາຍົກລັດຖະມົນຕີ, ທັງເປັນຮອງປະທານຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ເດັກ, ມີຜູ້ຕາງໜ້າຈາກອົງການອຸຍນີເຊບປະຈໍາລາວ ແລະ ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດ ເຂົ້າຮ່ວມນໍາດ້ວຍ.

ຫາລືສະໜັບສະໜູນການປົກປ້ອງສິດທິເດັກ - new3 - ຫາລືສະໜັບສະໜູນການປົກປ້ອງສິດທິເດັກ

ທ່ານ ຮອງປະທານຄະນະກຳມາທິການດັ່ງກ່າວ ກ່າວໃນກອງປະຊຸມວ່າ: ເພື່ອເປັນການສະເຫລີມສະຫລອງວັນຄົບຮອບ 30 ປີ ຂອງການຮັບຮອງເອົາສົນທິສັນຍາວ່າດ້ວຍສິດທິເດັກ (CRC30), ສົນທິສັນຍາວ່າດ້ວຍສິດທິມະນູດທີ່ໄດ້ຮັບການຮອງຮັບເອົາຢ່າງກ້ວາງຂວາງທີ່ສຸດໃນໂລກ ແລະ ເພື່ອກໍານົດຂອບເຂດສໍາຄັນດ້ານການດໍາເນີນທຸລະກິດໃນການປະເມີນຜົນກະທົບດ້ານດີຕໍ່ເດັກ ແລະ ຮ່ວມກັນຊອກຫາວິທີທາງໃນການເຄົາລົບແລະສະໜັບສະໜູນສິດທິຂອງເດັກໃຫ້ໄດ້ຮັບຜົນດີກວ່າເກົ່າ. ສະນັ້ນ, “ທຸລະກິດເອກະຊົນ ຫລື ບໍລິສັດຕ່າງໆ ມີການພົວພັນກັບເດັກເປັນປະຈໍາທຸກວັນ, ເຖິງແມ່ນວ່າບໍລິສັດສ່ວນໃຫຍ່ອາດຈະບໍ່ໄດ້ພົວພັນໂດຍກົງ ຫລື ທາງອ້ອມ, ແຕ່ເດັກກໍຍັງເປັນຜູ້ອອກແຮງງານ, ເປັນຜູ້ບໍລິໂພກ, ເປັນຄອບຄົວຂອງຜູ້ອອກແຮງງານ ແລະ ເປັນສະມາຊິກທີ່ຢູ່ໃນຊຸມຊົນທີ່ບໍລິສັດຕັ້ງຢູ່. ການພົວພັນນີ້ສາມາດເປັນທາງບວກໃຫ້ແກ່ເດັກ ແລະ ບໍລິສັດເອກະຊົນ, ຖ້າວ່າສິດທິເດັກໄດ້ຮັບການພິຈາລະນາຢ່າງພຽງພໍໃນໄລຍະທີ່່ບໍລິສັດດໍາເນີນງານ ແລະ ຕັ້ງຢູ່ບ່ອນນັ້ນ”.

ໃນໂອກາດນີ້, ທ່ານ ອ໋ອກຕາວຽນ ບີໂວນ ຜູ້ຕາງໜ້າອົງການອຸຍນີເຊບປະຈໍາລາວ ໄດ້ມີຄໍາເຫັນວ່າ: ຢູ່ໃນໂລກເດັກບໍ່ຄ່ອຍຖືກພິຈາລະນາວ່າເປັນຜູ້ມີສ່ວນຮ່ວມໃນທຸລະກິດ ເພື່ອໃຫ້ບັນລຸເປົ້າໝາຍການພັດທະນາແບບຍືນຍົງ, ພາກທຸລະກິດຕ້ອງສ້າງຄວາມເໝາະສົມກັບເດັກ ແລະ ເຊື່ອວ່າການມີສ່ວນຮ່ວມຈາກພາກທຸລະກິດເອກະຊົນຈະສາມາດຊ່ວຍສ້າງຜົນໄດ້ຮັບທີ່ດີກວ່າສໍາລັບເດັກໃນຕໍ່ໜ້າ.

ຫາລືສະໜັບສະໜູນການປົກປ້ອງສິດທິເດັກ - lattana 1 - ຫາລືສະໜັບສະໜູນການປົກປ້ອງສິດທິເດັກ
error: Content is protected !!