ໃຫ້​ຄົນ​ອື່ນ​ຍົກ​​ໃຫ້​ດີກ​ວ່າ ຍໍ​ຕົນ​ເອງ

- advert banner 728 90 728x90 - ໃຫ້​ຄົນ​ອື່ນ​ຍົກ​​ໃຫ້​ດີກ​ວ່າ ຍໍ​ຕົນ​ເອງ

​​ໂດຍ: ຈານ​ແຫຍ່

- new3 - ໃຫ້​ຄົນ​ອື່ນ​ຍົກ​​ໃຫ້​ດີກ​ວ່າ ຍໍ​ຕົນ​ເອງ

ໃນຍຸກໂລກາພິວັດນີ້, ໂລກຂອງເຮົາແຄບເຂົ້າ (ໂດຍທຽບຖານ) ມີອີ່ຫຍັງຕໍ່ມີຫຍັງເກີດຂຶ້ນຢູ່ຂອກແຄແຈ ຮົ້ວຂອງໂລກກໍຮູ້ກັນພາຍໃນບໍ່ພໍເທົ່າໃດນາທີ ໂດຍຜ່ານເຄືອຂ່າຍຂ່າວສານຄົມມະນາຄົມທີ່ລ້ຳຍຸກສຸດຂົ້ວ.

ໂດຍອາໄສຄວາມກ້າວໜ້າດັ່ງກ່າວ, ຖ້າບຸກຄົນ, ອົງການ ຫລື ແມ່ນແຕ່ ປະເທດໃດໜຶ່ງຕ້ອງການໂຄສະນາຕົນເອງ ກໍບໍ່ຈຳເປັນຕ້ອງໄດ້ ແບກສັງຂານເຫາະເຫີນເດີນທາງໄກໄປເປີດຕົນເອງໃຫ້ ເສຍເວລາອີກຄືເກົ່າ, ເຮົາພຽງໃຊ້ເຄື່ອງມືທີ່ສຸດ Smart ກໍພຽງພໍ ຫລື ອາດຢູ່ເສີຍໆ ກໍຄົງມີຄົນເຂົາບິນມາເອົາ ເລື່ອງໄປເຜີຍແຜ່ເອງ.

ຈານແຫຍ່ດີໃຈທີ່ໄດ້ຮັບຂ່າວວ່າການໂຄສະນາກ່ຽວກັບປະເທດລາວພວກເຮົາໃຫ້ໂລກຮູ້ນີ້ໄດ້ເລີ່ມນຳໃຊ້ພາຫະນະສື່ທີ່ລ້ຳຍຸກໜຶ່ງ ຄືຜ່ານເຄືອ ຂ່າຍໂທລະພາບ CNN ແລະ ເຄືອຂ່າຍທີ່ມີຊື່ສຽງໃນພາກ ພື້ນອີກຈຳນວນໜຶ່ງເພື່ອດຶງ ດູດນັກທ່ອງທ່ຽວ.

ການໃຊ້ບໍລິການເຄືອ ຂ່າຍດັ່ງກ່າວ, ແນ່ນອນຕ້ອງ ໄດ້ໃຊ້ຈ່າຍສູງແຕ່ກໍຕ້ອງເຮັດ ເພາະມັນກຸ້ມຄ່າ ເຂົາວ່າກັນ ໃນຍຸກນີ້ວ່າ “ບຸກຄົນໃດ, ບໍລິສັດໃດ ຫລື ປະເທດໃດ ຢຸດນິ້ງ ບໍ່ເຮັດການໂຄສະນາ ຕົນເອງຍ້ອນຕ້ອງການປະ ຢັດນັ້ນມັນບໍ່ຕ່າງກັບຄົນຜູ້ ໜຶ່ງທີ່ຕ້ອງການປະຢັດເວລາໂດຍການຢຸດເຂັມໂມງໃຫ້ ຄ້າງໄວ້” ແລ້ວທ່ານຜູ້ອ່ານ ກໍເຊື່ອບໍ່ວ່າເຮັດແນວນີ້ຈະສາມາດຢຸດເວລາບໍ່ໃຫ້ຜ່ານໄປໄດ້?”

ການໂຄສະນາຕົນເອງ ນັ້ນວ່າຍາກກວ່າ ເບິ່ງແລ້ວ ຍັງບໍ່ເທົ່າກັບການທີ່ສາມາດ ເຮັດໃຫ້ຄົນອື່ນອົງການອື່ນ  ຫລື ເຄືອຂ່າຍສື່ທີ່ມີຊື່ສຽງ ໂຄສະນາໃຫ້ເພາະພວກນີ້ມີ ພະລັງສ້າງສັດທາສູງ.

ຜ່ານມາ, ຫລວງພະບາງ, ວັງວຽງ ແຫລ່ງທ່ອງ ທ່ຽວລະດັບຍອດຂອງພວກ ເຮົາກໍມີເຄືອຂ່າຍສື່ທີ່ມີຊື່ສຽງເອົາໄປໂຄສະນາໃຫ້, ເຊິ່ງຈານແຫຍ່ວ່າອາດດີ ກວ່າພວກເຮົາໂຄເອງຫລາຍ 10 ເທົ່າ.

- lattana 1 - ໃຫ້​ຄົນ​ອື່ນ​ຍົກ​​ໃຫ້​ດີກ​ວ່າ ຍໍ​ຕົນ​ເອງ

ເມື່ອສົມທຽບກັບ ປະເທດໃກ້ຄຽງແລ້ວການຍາດແຍ່ງ ໃຊ້ພາກສ່ວນອື່ນໂຄສະນາ ແທນພວກເຮົານັ້ນຍັງເຮັດໄດ້ໜ້ອຍຢູ່… ອາດເປັນຍ້ອນຖົງບໍ່ຕຶ່ງກໍເປັນໄດ້. ຈານແຫຍ່ ວ່າ ເລື່ອງນີ້ແກ້ໄດ້ຂໍພຽງ ແຕ່ພວກເຮົາປັບປຸງວິທີເຮັດ ວຽກວິທີປະສານງານ, ກຳ ນົດເປົ້າໝາຍທີ່ເປັນຈຸດສົນ ໃຈຂອງອົງການຈັດຕັ້ງສາ ກົນກໍຄືເຄືອຂ່າຍສື່ລະດັບ ໂລກ, ພາກພື້ນ ແລະ ຕ້ອງຈຳ ໄວ້ວ່າຂໍ້ມູນສຳຄັນທີ່ຈະອອກສູ່ໂລກ ດັ່ງນັ້ນແມ່ນຢູ່ໃນກຳ ມືຂອງນັກທ່ອງທ່ຽວ ກໍຄື ແຂກ ຕ່າງດ້າວທ້າວຕ່າງ ແດນທີ່ມາຢ້ຽມຊົມບ້ານເຮົາຫັ້ນລະ ແລະ ທ່ານວ່າບໍ່… ເຫດການທີ່ບໍ່ເພິ່ງປາຖະໜານັ້ນ ມັກຈະຖືກເຜີຍແຜ່ໄວ ແລະ ໄປໄກກວ່າສະເໝີ.

ທີ່ໃຫ້ບັນດາທ່ານເສຍ ເວລາອ່ານເລື່ອງນີ້ດົນໆ ກໍເພາະຈານແຫຍ່ໄດ້ອ່ານພົບ ວ່າ ລາວພວກເຮົາເປັນປະ ເທດໜຶ່ງ ທີ່ມີລະບົບເສັ້ນທາງຂີ້ຮ້າຍທີ່ສຸດໃນໂລກຫລຸດປະ ເທດ ປູຖານທີ່ເປັນທີ 80 ແຕ່ກໍຍັງດີກວ່າກຳປູເຈຍທີ່ ຕິດທີ 93, ມົງໂກລີ ທີ 109, ບັງກະລາ ເທດທີ 113 ແລະ ລາກທ້າຍ ໝູ່ໃນອາຊີເນປານ.

ສິງກະໂປເປັນທີ 1, ຍີ່ປຸ່ນ ແລະ ໄຕ້ຫວັນໄດ້ທີ 5 ແລະ 7 ຕາມລຳດັບໄທເປັນທີ 60 (ຈາກວຽງຈັນທາມ 24 ກຸມ ພາ 2018) ນີ້ຄືການ ຕີລາຄາ ອົງການເສດຖະກິດໂລກ.

ໃນປີ 2018 ອົງການສະຫະປະຊາຊາດ ໄດ້ຈັດລຽງ ລຳດັບບັນດາປະເທດທີ່ປະ ຊາຊົນມີຄວາມສຸກທີ່ສຸດ ແລະ ປະເທດລາວພວກເຮົາຕົກ ເປັນທີ 110 ໃນຈຳນວນ 156 ປະເທດ. (ວຽງຈັນທາມ 10 ມີນາ 2018). ທ່ານຜູ້ອ່ານ ເຊື່ອບໍ່ວ່າ: ການຈັດລະດັບ ແບບນີ້, ໂດຍອົງການຈັດຕັ້ງລະດັບໂລກນັ້ນມີຄວາມສຳຄັນຕໍ່ພາບພົດຂອງບ້ານເຮົາ?.

- 23625 - ໃຫ້​ຄົນ​ອື່ນ​ຍົກ​​ໃຫ້​ດີກ​ວ່າ ຍໍ​ຕົນ​ເອງ

error: Content is protected !!