ຜົນງານສວນທາງເງິນ ! ເຊບໂຣເລັດ ອາດບໍ່ຕໍ່ສັນຍາ ແມນຢູ

ຜົນງານສວນທາງເງິນ ! ເຊບໂຣເລັດ ອາດບໍ່ຕໍ່ສັນຍາ ແມນຢູ - advert banner 728 90 728x90 - ຜົນງານສວນທາງເງິນ ! ເຊບໂຣເລັດ ອາດບໍ່ຕໍ່ສັນຍາ ແມນຢູ

     ເດ​ລີ ເມ​ລ ສື່​ຂອງ​ອັງ​ກິດ ລາຍ​ງານ​ວ່າ: ເຊບ​ໂຣ​ເລັດ ອາດ​ຈະ​ບໍ່​ຕໍ່​ສັນ​ຍາ​ກັບ ແມນ​ເຊັ​ສ​ເຕີ ຢູ​ໄນ​ເຕັດ ເມື່ອ​ສັນ​ຍາ​ໝົດ​ລົງ​ໃນ​ອີກ​ປະ​ມານ 2 ປີ​ຕໍ່​ຈາກນີ້ ພາຍ​ຫລັງ​ຜົນ​ງານ​ຂອງ​ທີມບໍ່​ດີ ໂດຍ​ຄວາມ​ຈິງ​ແລ້ວ ແມນ​ເຊັ​ສ​ເຕີ ຢູ​ໄນ​ເຕັດ ໄດ້​ເງິນ​ຈາກ​ບໍ​ລິ​ສັດ​ດັ່ງ​ກ່າວ​ລະ​ດູ​ການ​ລະ 58,6 ລ້ານ​ປອນ.

ຜົນງານສວນທາງເງິນ ! ເຊບໂຣເລັດ ອາດບໍ່ຕໍ່ສັນຍາ ແມນຢູ - new3 - ຜົນງານສວນທາງເງິນ ! ເຊບໂຣເລັດ ອາດບໍ່ຕໍ່ສັນຍາ ແມນຢູ

     ເຊບ​ໂຣ​ເລັດ ຍີ່​ຫໍ້​ລົດ​ຍົນ​ລະ​ດັບ​ໂລກ ອາ​ດ​ຈະ​ບໍ່​ຕໍ່​ສັນ​ຍາ​ເປັນ​ຜູ້​ສະ​ໜັບ​ສະ​ໜູນ​ຢູ່​ໜ້າ​ເອິກ​ຊຸດ​ແຂ່ງ​ໃຫ້​ກັບ ແມນ​ເຊັ​ສ​ເຕີ ຢູ​ໄນ​ເຕັດ ສະ​ໂມ​ສອນ​ດັງ​ຂອງ ພ​ຣີ​ເມຍ​ລີກ ອັງ​ກິດ ຈາກ​ການ​ທີ່ ແມນ​ເຊັ​ສ​ເຕີ ຢູ​ໄນ​ເຕັດ ສ້າງ​ຜົນ​ງານ​ໄດ້​ໜ້າ​ຜິດ​ຫວັງ​ຕະ​ຫລອດ​ຫລາຍ​ລະ​ດູ​ການ​ຜ່ານ​ມາ. ຕາມ​ລາຍ​ງານ​ຂອງ ເດ​ລີ ເມ​ລ ສື່​ຊັ້ນ​ນຳ​ຂອງ​ອັງ​ກິດ.

     ແມນ​ເຊັ​ສ​ເຕີ ຢູ​ໄນ​ເຕັດ ເຊັນ​ສັນ​ຍາ​ລ່ວງ​ໜ້າ​ເປັນ​ເວ​ລາ 7 ປີ​ກັບ ເຊບ​ໂຣ​ເລັດ ໃນ​ປີ 2012 ໂດຍ​ຕອນນັ້ນ​ຍອດ​ທີມ​ແຫ່ງ​ຖິ່ນ ໂອ​ລ ແທ​ຣັບ​ຟອດ ຍັງ​ຢູ່​ພາຍ​ໃຕ້​ການ​ຄຸມ​ທີມ​ຂອງ ເຊີ ອາ​ເລັກ ເຟີ​ກູ​ສັນ ແລະ ຫລິ້ນ​ໄດ້​ຢ່າງຍອດ​ຢ້ຽມ​ຈົນ​ມີ​ລຸ້ນ​ແຊ້ມ​ຫລາຍ​ລາຍ​ການ ໂດຍ​ສັນ​ຍາ​ລະ​ຫວ່າງ​ທັງ 2 ຝ່າຍ​ຫາ​ກໍ​ເລີ່ມ​ມີ​ຜົນ​ໃນ​ປີ 2014.

      ເຖິງ​ຢ່າງ​ໃດ​ກໍ​ຕາມ ໃນ​ຕອນ​ທີ່​ສັນ​ຍາ​ມັນ​ມີ​ຜົນ​ນັ້ນ ເຟີ​ກູ​ສັນ ກໍ​ບໍ່​ໄດ້​ຢູ່​ຄຸມ ແມນ​ເຊັ​ສ​ເຕີ ຢູ​ໄນ​ເຕັດ ອີກ​ຕໍ່​ໄປ​ແລ້ວ ແລະ ພວກ​ເຂົາ​ກໍ​ບໍ່​ແມ່ນ​ທີມ​ທີ່​ແຂງ​ແກ່ນ​ຄື​ເກົ່າ ໂດຍ​ຕະ​ຫລອດ​ໄລ​ຍະ​ທີ່ ເຊບ​ໂຣ​ເລັດ ເປັນ​ຜູ້​ສະ​ໜັບ​ສະ​ໜູນ​ໃຫ້​ກັບ ແມນ​ເຊັ​ສ​ເຕີ ຢູ​ໄນ​ເຕັດ ນັ້ນ ພວກ​ເຂົາ​ບໍ່​ເຄີຍ​ໄດ້​ແຊ້ມ​ລີກ​ພຽງ​ແຕ່​ສະ​ໄໝ​ດຽວ ແລະ ບໍ່​ໃກ້​ຄຽງ​ທີ່​ຈະ​ເປັນ​ແບບນັ້ນ ເຖິງວ່າ​ໃນ​ລະ​ດູ​ການ 2017-18 ພວກ​ເຂົາ​ຈະ​ເປັນ​ອັນ​ດັບ 2 ໃນ​ລີກ ແຕ່​ກໍ​ເສຍ​ໃຫ້ ແມນ​ເຊັ​ສ​ເຕີ ຊິ​ຕີ້ ທີ່​ເປັນ​ແຊ້ມ​ເຖິງ 19 ຄະ​ແນນ.

     ຫລ້າ​ສຸດ ມີ​ຂ່າວ​ລື​ວ່າ: ເຊບ​ໂຣ​ເລັດ ແລະ ເຈ​ເນ​ຣັ​ລ ມໍ​ເຕີ ບໍ​ລິ​ສັດ​ແມ່​ຂອງ ເຊບ​ໂຣ​ເລັດ ບໍ່​ປະ​ທັບ​ໃຈ​ຜົນ​ງານ​ຂອງ ແມນ​ເຊັ​ສ​ເຕີ ຢູ​ໄນ​ເຕັດ ຈົນ​ຈະ​ແຍກ​ທາງ​ກັບ​ທີມ​ທັນ​ທີ​ທີ່​ສັນ​ຍາ​ໝົດ​ລົງ​ໃນ​ປີ 2021 ເຊິ່ງ​ຈາກ​ການ​ທີ່ ເຊບ​ໂຣ​ເລັດ ຈະ​ບໍ່​ຂະ​ຫຍາຍ​ສັນ​ຍາ​ກັບ​ທີມ ເຮັດ​ໃຫ້ ແມນ​ເຊັ​ສ​ເຕີ ຢູ​ໄນ​ເຕັດ ເລີ່ມ​ຊອກ​ຫາ​ຜູ້​ສະ​ໜັບ​ສະ​ໜູນ​ໃໝ່​ແລ້ວ ໂດຍ ເດ​ລີ ເມ​ລ ບອກວ່າ: ມີ​ຍີ່​ຫໍ້​ຊັ້ນ​ນຳ​ຫລາຍ​ທີມ​ທີ່​ສົນ​ໃຈ​ຈະ​ເປັນ​ຜູ້​ສະ​ໜັບ​ສະ​ໜູນ​ຢູ່​ໜ້າ​ເອິກ​ຊຸດ​ແຂ່ງ​ໃຫ້ ແມນ​ເຊັ​ສ​ເຕີ ຢູ​ໄນ​ເຕັດ ແຕ່​ກໍ​ບໍ່​ໄດ້​ບອກວ່າ​ມີ​ຍີ່​ຫໍ້​ຫຍັງ​ແດ່.

     ສຳ​ລັບ​ສັນ​ຍາ​ສະ​ບັບ​ປັດ​ຈຸ​ບັນ​ນັ້ນ ເຊບ​ໂຣ​ເລັດ ໄດ້​ຈ່າຍ​ເງິນ​ໃຫ້ ແມນ​ເຊັ​ສ​ເຕີ ຢູ​ໄນ​ເຕັດ ລະ​ດູ​ການ​ລະ 58,6 ລ້ານ​ປອນ ເຊິ່ງ​ຖື​ວ່າ​ສູງ​ຫລາຍ​ເມື່ອ​ທຽບ​ໃສ່​ຜູ້​ສະ​ໜັບ​ສະ​ໜູນ​ຢູ່​ໜ້າ​ເອິກ​ເສື້ອ​ຍີ່​ຫໍ້​ອື່ນໆ​ຂອງ ແມນ​ເຊັ​ສ​ເຕີ ຢູ​ໄນ​ເຕັດ.

error: Content is protected !!