BCEL ເປີດໃຫ້ບໍລິການຮັບຊໍາລະເງິນດ້ວຍWeChat Pay ແລະ AliPay

- advert banner 728 90 728x90 - BCEL  ເປີດໃຫ້ບໍລິການຮັບຊໍາລະເງິນດ້ວຍWeChat Pay ແລະ AliPay

ທະນາຄານການຄ້າຕ່າງປະເທດລາວມະຫາຊົນຮ່ວມກັບ ບໍລິສັດ Swift Passໄດ້ເປີດການບໍລິການຮັບຊໍາລະເງິນຜ່ານລະບົບ ວີແຊັດເພ (Wechat Pay) ແລະ ອາລິເພ (AliPay)ຢ່າງເປັນທາງການຂຶ້ນໃນວັນທີ 11 ຕຸລານີ້ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ພູຂົງ ຈັນທະຈັກ ອໍານວຍການໃຫຍ່ທະນາຄານ ທຄຕລ, ທ່ານ Jacky Chiang ຜູ້ອຳນວຍການດ້ານການພັດທະນາຍຸດທະສາດຂອງ Swift Pass, ທ່ານ ພຸດທະໄຊ ສີວິໄລ ຮອງຜູ້ວ່າການທະນາຄານແຫ່ງ ສປປ ລາວ, ທ່ານ ສຸລິສັກ ທໍານຸວົງ ຫົວໜ້າຄຸ້ມຄອງລະບົບການຊໍາລະສະສາງທະນາຄານແຫ່ງ ສປປ ລາວ, ມີຮອງປະທານສະພາບໍລິຫານແລະ ກໍາມະການສະພາບໍລິຫານທຄຕລ ພ້ອມດ້ວຍພາກສ່ວນກ່ຽວຂ້ອງຕ່າງໆເຂົ້າຮ່ວມ.

- new3 - BCEL  ເປີດໃຫ້ບໍລິການຮັບຊໍາລະເງິນດ້ວຍWeChat Pay ແລະ AliPay
- IMG 7868 - BCEL  ເປີດໃຫ້ບໍລິການຮັບຊໍາລະເງິນດ້ວຍWeChat Pay ແລະ AliPay
- IMG 7833 - BCEL  ເປີດໃຫ້ບໍລິການຮັບຊໍາລະເງິນດ້ວຍWeChat Pay ແລະ AliPay

ທ່ານ ພູຂົງ ຈັນທະຈັກ ກ່າວວ່າ: ໃນຍຸກແຫ່ງການພັດທະນາທີ່ເຕັກໂນໂລຊີມີຄວາມກ້າວໜ້າສູງ ແລະ ທະນາຄານຍຸກໃໝ່ຕ້ອງມູນໃຊ້ເຕັກໂນໂລຊີດີຈີຕ໋ອນ ແລະ ທຄຕລ ມຸ່ງໝັ້ນໃນການເປັນຜູ້ນຳທາງດ້ານເທັກໂນໂລຢີການເງິນເພື່ອຕອບສະໜອງຄວາມຕ້ອງການຂອງລູກຄ້າຫລາຍທີ່ສຸດ. ເຊິ່ງ ທຄຕລ ໄດ້ມີການພັດທະນາຢ່າງຕໍ່ເນື່ອງ ແລະ ເຕີບໃຫຍ່ຂະຫຍາຍຕົວໃນຫລາຍໆຜະລິດຕະພັນ, ໂດຍສະເພາະແມ່ນການບໍລິການຊຳລະສະສາງຄ່າສິນຄ້າຜ່ານ QR Code ກັບສາກົນ. ໃນຄັ້ງນີ້, ທຄຕລ ໄດ້ກ້າວໄປອີກຂັ້ນທາງດ້ານການຮັບຊຳລະສະສາງດ້ວຍ QR Code ໂດຍການຮ່ວມມືລະຫວ່າງ BCEL ກັບ Swift Pass ແລະ NTT DATA ຊ່ວຍເປີດຊ່ອງທາງການຊຳລະສະສາງໃຫ້ຫລາຍຂຶ້ນ, ເຊິ່ງຈະເຮັດໃຫ້ສະມາຊິກຮ້ານຄ້າຂອງ ທຄຕລ ສາມາດຮັບຊຳລະສະສາງດ້ວຍ WeChat Pay ແລະ AliPay ໝາຍຄວາມວ່າ: ລູກຄ້ານັກທ່ອງທ່ຽວ ແລະ ຜູ້ໃຊ້ແອັບ WeChat Pay ແລະ AliPayສາມາດຊໍາລະສິນຄ້າ ແລະ ບໍລິການທີ່ປະເທດລາວໄດ້ຢ່າງສະດວກປອດໄພ ແລະ ຍັງເປັນການເພີ່ມຍອດຂາຍໃຫ້ແກ່ຮ້ານຄ້າໃນລາວອີກດ້ວຍ ແລະ ຖືເປັນຄັ້ງທຳອິດໃນລາວທີ່ຮ້ານຄ້າສາມາດຮັບການຊຳລະດ້ວຍ WeChat Pay ເປັນການຮັບຊຳລະດ້ວຍ QR Code ທີ່ລວມເອົາທັງ WeChat Pay ແລະ AliPayໄວ້ໃນ QR Code ດຽວກັນ ແລະ ຍັງເປັນຄັ້ງທຳອິດໃນລາວທີ່ຮ້ານຄ້າ E-Commerce ຈະມີ QR Code ໄວ້ຮອງຮັບການຊຳລະສະສາງດ້ວຍ Wechat pay ແລະ AliPayອີກດ້ວຍ.

ປັດຈຸບັນຕົວເລກຜູ້ຊົມໃຊ້ WeChat Pay ແລະ AliPay ຢູ່ຈີນມີຫລາຍກວ່າ 900 ລ້ານຢູເຊີ ສະແດງໃຫ້ເຫັນວ່າເປັນແອັບລະບົບການຊໍາລະສະສາງຍອດນິຍົມໃນຈີນ ແລະ ເປັນແອັບທີ່ຄົນຈີນໃຊ້ສ່ວນຫລາຍໃນຊີວິດປະຈຳວັນ. ນັກທ່ອງທ່ຽວພ້ອມດ້ວຍນັກທຸລະກິດຈີນທີ່ເດີ່ນທາງມາໃນປະເທດລາວມີຄວາມເພີ່ງພໍໃຈຕ້ອງການທີ່ຈະໃຊ້ແອັບ WeChat Pay ແລະ AliPayເຊັ່ນດຽວກັນ. ການທີ່ເປີດໃຫ້ບໍລິການຊຳລະສະສາງດ້ວຍ WeChat Pay ແລະ AliPayນີ້ຈະຊ່ວຍໃຫ້ຮ້ານຄ້າທີ່ເປັນສະມາຊິກຂອງ BCEL ເປີດໂອກາດຂະຫຍາຍຄວາມອາດສາມາດໃນການຮັບຊຳລະສະສາງທີ່ສອດຄ່ອງກັບຄວາມຕ້ອງການຂອງນັກທ່ອງທ່ຽວໂດຍສະເພາະຄົນຈີນໄດ້ເປັນຢ່າງດີ. ເຊິ່ງເປັນຜົນປະໂຫຍດຕໍ່ຫົວໜ່ວຍທຸລະກິດໃຫ້ດີຍີ່ງຂຶ້ນເນື່ອງຈາກຈະສະດວກສະບາຍເຮັດໃຫ້ລູກຄ້າຄົນຈີນຮູ້ສືກເໝືອນໃຊ້ຈ່າຍພາຍໃນປະເທດຂອງຕົນຊ່ວຍກະຕຸ້ນການໃຊ້ຈ່າຍຂອງຄົນຈີນໃນລາວ ເຊີ່ງເປັນກຸ່ມນັກທ່ອງທ່ຽວຫລັກໆອີກປະເທດໜຶ່ງ.ໂອກາດດັ່ງກ່າວ BCEL ມີຖານຮ້ານຄ້າສະມາຊິກຮັບຊຳລະສະສາງດ້ວຍ QR Code Function OnePayແອັບ BCEL Oneຈຳນວນຫລາຍກວ່າ 10.000 ຮ້ານຄ້າ ທີ່ພ້ອມຈະຮອງຮັບການບໍລິການຮັບຊຳລະສະສາງດ້ວຍ WeChat Pay ແລະ AliPayແລະ ຍັງສືບຕໍ່ຂະຫຍາຍຮ່ວມມືກັບຄູ່ຮ່ວມທຸລະກິດ ແລະ ຮ້ານຄ້າສະມາຊິກເພື່ອຂະຫຍາຍຕາໜ່າງການຮອງ WeChat Pay ແລະ AliPayໃຫ້ກວ້າງໃນຂົງເຂດທົ່ວປະເທດ.

- lattana 1 - BCEL  ເປີດໃຫ້ບໍລິການຮັບຊໍາລະເງິນດ້ວຍWeChat Pay ແລະ AliPay
error: Content is protected !!