ຍີ່ປຸ່ນເລັ່ງຊ່ວຍຜູ້ປະສົບໄພ ຮາກິບິສ

ຍີ່ປຸ່ນເລັ່ງຊ່ວຍຜູ້ປະສົບໄພ ຮາກິບິສ - advert banner 728 90 728x90 - ຍີ່ປຸ່ນເລັ່ງຊ່ວຍຜູ້ປະສົບໄພ ຮາກິບິສ

ຮຽບຮຽງໂດຍ: ລູກເມືອງພວນ

ຍີ່ປຸ່ນເລັ່ງຊ່ວຍຜູ້ປະສົບໄພ ຮາກິບິສ - new3 - ຍີ່ປຸ່ນເລັ່ງຊ່ວຍຜູ້ປະສົບໄພ ຮາກິບິສ

            ສໍານັກຂ່າວຕ່າງປະເທດລາຍງານວ່າ:  ເມື່ອພາຍຸ ຮາກິບິສ ພັດຂຶ້ນທາງທິດເໜືອ ເບື້ອງຕົ້ນມີຄົນຕາຍ 4 ເຈັບ 99 ແລະ ສູນຫາຍ 17. ກອງທັບຍີ່ປຸນເລັ່ງລະດົມກໍາລັງເພື່ອຊ່ວຍເຫຼືອປະຊາຊົນທີ່ຕິດຄ້າງຢູ່ຕາມບ້ານເຮືອນເຊິ່ງຖືກນໍ້າຖ້ວມຫຼັງຄາຈາກໄຕ້ຝຸ່ນ ຮາກິບິສ ທີ່ມີຄວາມຮຸນແຮງທີ່ສຸດໃນຮອບ 60 ປີ ໄດ້ພັດຂື້ນຝັ່ງເມື່ອຄໍ່າວັນທີ 12 ຕຸລານີ້ ເຊິ່ງເຮັດໃຫ້ເກີດຝົນຕົກໜັກ ແລະ ລົມພັດແຮງຈົນກົມອຸຕຸນິຍົມວິທະຍາຂອງຍີ່ປຸ່ນຕ້ອງອອກມາເຕືອນໄພໃນລະດັບສູງສຸດໃນ 12 ແຂວງ.

ໃນຊ່ວງເຊົ້າຂອງວັນທີ 13 ຕຸລານີ້ ໄຕ້ຝຸ່ນ ຮາກິບິສ ໄດ້ເຄື່ອນຕົວອອກຈາກກຸງໂຕກຽວຂຶ້ນໄປທາງທິດເໜືອ ຊຶ່ງພາໃຫ້ເກີດນໍ້າຖ້ວມໜັກທາງຕອນກາງຂອງປະເທດ ໂດຍສະເພາະແຂວງ ນາງາໂນະ, ແມ່ນໍ້າໄດ້ລົ້ນຖ້ວມຕາຝັ່ງໄຫຼເຂົ້າບ້ານເຮືອນເປັນບໍລິເວນກວ້າງຂື້ນໄປຈົນເຖິງຊັ້ນສອງຂອງບ້ານພັກອາໄສ.

ພາບຈາກສະຖານີໂທລະພາບສະແດງໃຫ້ເຫັນວ່າ ເຮລີຄ໋ອບເຕີ ຂອງກອງທັບຍີ່ປຸ່ນໄດ້ເຂົ້າຊ່ວຍເຫຼືອປະຊາຊົນທີ່ຢືນລໍຖ້າຢູ່ລະບຽງບ້ານທີ່ນໍ້າຖ້ວມສູງ ຈຳຕ້ອງໃຊ້ຜ້າສີຂາວໂບກເພື່ອໃຫ້ເຮືອບິນຂອງທະຫານເຫັນ. ຂະນະທີ່ລົດໄຟຈອດຢູ່ໃນແຂວງ ນາງາໂນະ ກໍຖືກນໍ້າຖ້ວມຂັງສູງເຄິ່ງຕູ້.

ຍີ່ປຸ່ນເລັ່ງຊ່ວຍຜູ້ປະສົບໄພ ຮາກິບິສ - 2477 - ຍີ່ປຸ່ນເລັ່ງຊ່ວຍຜູ້ປະສົບໄພ ຮາກິບິສ

error: Content is protected !!