ການເຕີບໂຕຂອງເສດຖະກິດຂອງບັນດາປະເທດອາຊີຕາເວັນອອກ ແລະປາຊີຟິກຈະຫລຸດລົງຍ້ອນຄວາມເຄັ່ງຕຶງດ້ານການຄ້າ

ການເຕີບໂຕຂອງເສດຖະກິດຂອງບັນດາປະເທດອາຊີຕາເວັນອອກ ແລະປາຊີຟິກຈະຫລຸດລົງຍ້ອນຄວາມເຄັ່ງຕຶງດ້ານການຄ້າ - advert banner 728 90 728x90 - ການເຕີບໂຕຂອງເສດຖະກິດຂອງບັນດາປະເທດອາຊີຕາເວັນອອກ ແລະປາຊີຟິກຈະຫລຸດລົງຍ້ອນຄວາມເຄັ່ງຕຶງດ້ານການຄ້າ

ເສດຖະກິດຂອງບັນດາປະເທດອາຊີຕາເວັນອອກ ແລະ ປາຊີຟິກ ຄາດວ່າຈະຊະລໍຕົວ ຈາກ 6,3% ໃນປີ 2018 ມາເປັນ 5,8% ໃນປີ 2019, 5,7% ໃນປີ 2020 ແລະ 5,6% ໃນປີ 2021 ເນື່ອງຈາກການສົ່ງອອກ ແລະ ການຜະລິດຫລຸດລົງໃນຫລາຍຂະແໜງອຸດສາຫະກຳຕາມບົດລາຍງານເສດຖະກິດອາຊີຕາເວັນອອກ ແລະ ປາຊີຟິກ ຂອງທະນາຄານໂລກ ສະບັບເດືອນຕຸລາ 2019 ແລະ ໄດ້ລາຍງານວ່າ ຄວາມຕ້ອງການໃນເສດຖະກິດໂລກ, ລວມທັງ ສປ ຈີນ, ທີ່ຫລຸດລົງ ແລະ ຄວາມບໍ່ແນ່ນອນທີ່ເພີ່ມຂຶ້ນ ຍ້ອນຄວາມເຄັ່ງຕຶງທາງດ້ານສົງຄາມການຄ້າ ລະຫວ່າງ ສະຫະລັດ ແລະ ຈີນຈະນໍາໄປສູ່ການສົ່ງອອກ ແລະ ການລົງທຶນທີ່ຖົດຖອຍ, ເຊິ່ງເປັນສິ່ງທ້າທາຍຕໍ່ກັບຄວາມສາມາດປັບຕົວຕໍ່ສະພາບດັ່ງກ່າວຂອງເສດຖະກິດພາກພື້ນ.

ການເຕີບໂຕຂອງເສດຖະກິດຂອງບັນດາປະເທດອາຊີຕາເວັນອອກ ແລະປາຊີຟິກຈະຫລຸດລົງຍ້ອນຄວາມເຄັ່ງຕຶງດ້ານການຄ້າ - new3 - ການເຕີບໂຕຂອງເສດຖະກິດຂອງບັນດາປະເທດອາຊີຕາເວັນອອກ ແລະປາຊີຟິກຈະຫລຸດລົງຍ້ອນຄວາມເຄັ່ງຕຶງດ້ານການຄ້າ

ທ່ານ ນາງ ວິກທໍເຣຍ ຄວາຄວາ ຮອງຫົວໜ້າທະນາຄານໂລກ ຜູ້ຊີ້ນໍາວຽກງານໃນພາກພື້ນອາຊີຕາເວັນອອກ ແລະ ປາຊີຟິກ ໄດ້ກ່າວວ່າ: ປັດຈຸບັນ, ພວກເຮົາຄາດວ່າເກືອບໜຶ່ງສ່ວນສີ່ຂອງປະຊາກອນໃນອາຊີຕາເວັນອອກ ແລະ ປາຊີຟິກ ແມ່ນມີລາຍຮັບຕໍ່າກວ່າເສັ້ນຄວາມທຸກຍາກສໍາລັບປະເທດລາຍຮັບປານກາງຂັ້ນສູງ ທີ່ 5,50 ໂດລາສະຫະລັດຕໍ່ມື້. ນີ້ໝາຍເຖິງປະຊາກອນ ອີກເກືອບ 7 ລ້ານຄົນ ທີ່ຈະຜະເຊີນກັບບັນຫາດັ່ງກ່າວເພີ່ມຂຶ້ນ.

ບົດລາຍງານສະບັບນີ້, ໄດ້ຊີ້ໃຫ້ເຫັນຢ່າງຊັດເຈນວ່າ ຄວາມເຄັ່ງຕຶງທາງດ້ານການຄ້າ ທີ່ກໍາລັງເພີ່ມທະວີນັ້ນ ໄດ້ສົ່ງຜົນກະທົບໄລຍະຍາວຕໍ່ການເຕີບໂຕຂອງພາກພື້ນ. ເຖິງວ່າບາງປະເທດ ຍັງຫວັງວ່າຈະໄດ້ປະໂຫຍດຈາກການຍ້າຍຖານການຄ້າ, ແຕ່ການທີ່ບໍ່ສາມາດດັດປັບຕ່ອງໂສ້ ມູນຄ່າໄດ້ໄວໃນໄລຍະສັ້ນ ຈະຈໍາກັດການຂະຫຍາຍຕົວຂອງບັນດາປະເທດໃນພາກພື້ນໃນໄລຍະສັ້ນ.

ທ່ານ ແອນດຼິວ ເມຊັນ, ຫົວໜ້ານັກເສດຖະສາດຂອງທະນາຄານໂລກ ສໍາລັບພາກພື້ນອາຊີຕາເວັນອອກ ແລະ ປາຊີຟິກ ກ່າວວ່າ: ໃນຂະນະທີ່ບັນດາບໍລິສັດ ກໍາລັງຊອກຫາວິທີຫລີກໜີພາສີ ແຕ່ກໍ່ຍາກທີ່ບັນດາປະເທດໃນພາກພື້ນອາຊີຕາເວັນອອກ ແລະ ປາຊີຟິກ ທີ່ພວມພັດທະນານັ້ນຈະສາ ມາດປ່ຽນແທນບົດບາດຂອງປະເທດຈີນ ຢູ່ໃນຕ່ອງໂສ້ມູນຄ່າໃນເສດຖະກິດໂລກ ໄດ້ໃນໄລຍະສັ້ນ, ເນື່ອງຈາກໂຄງລ່າງທີ່ຍັງບໍ່ພຽງພໍ ແລະ ການຜະລິດຍັງມີຂະໜາດນ້ອຍ.

ການເຕີບໂຕຂອງເສດຖະກິດຂອງບັນດາປະເທດອາຊີຕາເວັນອອກ ແລະປາຊີຟິກຈະຫລຸດລົງຍ້ອນຄວາມເຄັ່ງຕຶງດ້ານການຄ້າ - lattana 1 - ການເຕີບໂຕຂອງເສດຖະກິດຂອງບັນດາປະເທດອາຊີຕາເວັນອອກ ແລະປາຊີຟິກຈະຫລຸດລົງຍ້ອນຄວາມເຄັ່ງຕຶງດ້ານການຄ້າ

ບົດລາຍງານສະບັບນີ້, ຍັງໄດ້ເຕືອນກ່ຽວກັບຄວາມສ່ຽງທີ່ຄາດວ່າ ຈະເພີ່ມຂຶ້ນຕໍ່ການເຕີບໂຕຂອງພາກພື້ນໃນອະນາຄົດ. ຄວາມເຄັ່ງຕຶງທາງການຄ້າ ລະຫວ່າງຈີນ ແລະ ສະຫະລັດ ທີ່ຍືດເຍື້ອ ອາດຈະສືບຕໍ່ສົ່ງຜົນກະທົບທາງລົບ ຕໍ່ການເຕີບໂຕຂອງການລົງທຶນ ເນື່ອງຈາກຄວາມບໍ່ແນ່ນອນມີສູງຫລາຍ. ການເຕີບໂຕທີ່ຫລຸດລົງໄວກວ່າທີ່ຄາດໄວ້ຂອງຈີນ, ເອີຣົບ, ສະຫະລັດ ແລະ ການທີ່ອັງກິດຈະອອກຈາກສະຫະພາບເອີຣົບ (Brexit) ທີ່ຍັງບໍ່ທັນມີແຜນຈະແຈ້ງ ອາດຈະເຮັດໃຫ້ຄວາມຕ້ອງການ ຕໍ່ການສົ່ງອອກຂອງພາກພື້ນຫລຸດລົງ. ໜີ້ສິນທີ່ຢູ່ໃນລະດັບສູງ ແລະ ນັບມື້ເພີ່ມຂຶ້ນ ຢູ່ໃນບາງປະເທດກໍ່ຈຳກັດຄວາມສາມາດ ໃນການໃຊ້ນະໂຍບາຍທາງດ້ານການເງິນ ແລະ ເງິນຕາໃນບັນດາປະເທດ ເພື່ອຫລຸດຜ່ອນຜົນກະທົບຈາກສະພາບເສດຖະກິດຖົດຖອຍດັ່ງກ່າວເຊັ່ນກັນ. ພ້ອມນີ້, ສະພາບການເງິນໂລກ ທີ່ປ່ຽນແປງໄວອາດຈະເຮັດໃຫ້ຕົ້ນທຶນການກູ້ຢືມສູງຂຶ້ນສໍາລັບພາກພື້ນນີ້, ການເຕີບໂຕສິນເຊື່ອກໍ່ອາດຈະຫລຸດລົງ ແລະ ຖ່ວງດຶງການຂະຫຍາຍຕົວຂອງການລົງທຶນໃນພາກເອກະຊົນ ແລະ ເສດຖະກິດຢູ່ໃນພາກພື້ນນີ້ເຊັ່ນກັນ. ສະນັ້ນ, ເພື່ອແກ້ໄຂຄວາມສ່ຽງດັ່ງກ່າວ, ບົດລາຍງານນີ້ໄດ້ແນະນໍາໃຫ້ບັນດາປະເທດທີ່ມີຄວາມສາມາດ ໃນການປະຕິບັດນະໂຍບາຍການເງິນ ຫລື ເງິນຕາ ເພື່ອກະຕຸ້ນເສດ ຖະກິດຂອງຕົນ ແຕ່ກໍຕ້ອງໄດ້ຄຳນຶງເຖິງຄວາມຍືນຍົງທາງການງົບປະມານ ແລະ ໜີ້ສິນ.

error: Content is protected !!