ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019

ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019 - advert banner 728 90 728x90 - ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019

​ໃນ​ໂອກາດ​ບຸນ​ອອກ​ພັນ​ສາ​ປະ​ວໍ​ລະນາ​ແລະບຸນຊ່ວງ​ເຮືອປະ​ເພນີປະຈຳ​ປີ 2019 ຫລາຍທ້ອງຖິ່ນ​ໃນທົ່ວ​ປະ​ເທດໄດ້ຈັດການແຂ່ງຂັນຊ່ວງເຮືອປະເພນີດ້ວຍບັນຍາກາດຄຶກຄື້ນມ່ວນ​ຊື່ນແລະສໍາລັບບຸນຊ່ວງເຮືອຢູ່ທ່າວັດຈັນນະຄອນຫລວງວຽງຈັນປະຈໍາປີນີ້, ໄດ້ມີມວນຊົນຊາວນະຄອນຫລວງວຽງຈັນຕະຫລອດຮອດນັກທ່ອງທ່ຽວທັງພາຍໃນແລະຕ່າງປະເທດເຂົ້າຮ່ວມຊົມຮ່ວມເຊຍຢ່າງຄັບຄາໜາແໜ້ນ, ພິເສດໄດ້ມີທ່ານ ສີ​ຫຸນ​ ສິດທິ​ລື​ໄຊ ຮອງ​ເຈົ້າ​ຄອງ​ນະຄອນຫລວງ​ວຽງຈັນ ​ແລະ ບັນດາ​ຮອງ​ເຈົ້າ​ຄອງ ຈາກ​ປະ​ເທດ​ເພື່ອນ​ບ້ານ ພ້ອມ​ດ້ວຍມວນ​ຊົນ ຊາວ​ນະຄອນຫລວງ ​ເຂົ້າ​ຮ່ວມ​ຈຳນວນ​ຫລາຍ.

ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019 - new3 - ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019

ການແຂ່ງຂັນປີນີ້,ໄດ້ຈັດຂຶ້ນຢູ່ເຂດໃຕ້ຂອງຫາດດອນຈັນອອກໄປຮອດແຄມຝັ່ງນໍ້າຂອງໃນບໍລິເວນໂຮງແຮມແລນມາກ, ຊຶ່ງມີເຮືອປະເພນີຊາຍ 7 ລຳ, ເຮືອປະເພນີຍິງ 6 ລຳ,ເຮືອສູດຊາຍ 7 ລຳ ​ແລະ ​ເຮືອ​ກິລາ 12 ສີພາຍ 6 ລຳ. ຜ່ານ​ການ​ແຂ່ງຂັນ​ຊະນະ​ເລີດປະເພດເຮືອປະເພນີຊາຍໄດ້ແກ່​ເຮືອຣີສອດປາກນໍ້າຄານ​ໄດ້​ຮັບ​ຂັນ​ເງິນນໍ້າໜັກ 1 ກິ​​ໂລ, ພ້ອມ​ເງິນສົດ 31 ລ້ານ​ກີບ. ອັນດັບທີ 2 ໄດ້ແກ່ເຮືອທະນາຄານຮ່ວມພັດທະນາໄດ້ຮັບ​ຂັນ​ເງິນນໍ້າໜັກ 0,75 ກິໂລ, ພ້ອມ​ເງິນສົດ 15 ລ້ານ​ກີບ. ອັນດັບທີ 3 ໄດ້ແກ່ເຮືອພອນສະຫວັນ 99 (1) ໄດ້​ຮັບ​ຂັນ​ເງິນໜັກ 0,7 ກິໂລ, ພ້ອມ​ເງິນສົດ 15 ລ້ານ​ກີບ. ສຳລັບຊະນະເລີດປະເພດເຮືອປະເພນີຍິງໄດ້ແກ່ເຮືອບໍລິສັດແສງເພັດກໍ່ສ້າງ. ອັນດັບທີ 2 ໄດ້ແກ່ເຮືອຄອນ​ສະຫວັນ 99 (1) ແລະ ອັນດັບ 3 ໄດ້ແກ່ເຮືອຄອນ​ສະຫວັນ 99 (2) ສ່ວນລາງວັນແມ່ນຄືກັນກັບເຮືອປະເພນີຊາຍ.

ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019 - IMG 9227 - ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019
ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019 - DSC07968 - ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019

ສໍາລັບຊະນະເລີດປະເພດເຮືອສູດຊາຍໄດ້ແກ່ເຮືອບໍລິສັດ ​ແສງ​ເພັດ​ກໍ່ສ້າງ ໄດ້​ຮັບຂັນ​ເງິນໜັກ 1 ກິ​​ໂລ, ພ້ອມ​ເງິນສົດ 15 ລ້ານ​ກີບ. ອັນດັບທີ 2 ໄດ້ແກ່ ທະນາຄານ​ຮ່ວມ​ພັດທະນາ ໄດ້ຮັບຂັນເງິນໜັກ 0,75ກິໂລ, ພ້ອມ​ເງິນສົດ15 ລ້ານ​ກີບ,ອັນດັບທີ 3 ໄດ້ແກ່ເຮືອອຸດສາຫະກຳ​ເຫລັກ ໄດ້ຮັບ​ຂັນ​ເງິນໜັກ 0,5 ກິໂລ, ພ້ອມ​ເງິນ​ສົດ 5 ລ້ານ​ກີບ.ສ່ວນ​ເຮືອ​ກິລາ 12 ສີພາຍຊະນະເລີດ​ໄດ້​ແກ່​ນາວາ​ສັກສິດ ໄດ້​ຮັບ​ຂັນ​ລາງວັນພ້ອມ​ເງິນສົດ 10 ລ້ານ​ກີບ, ອັນດັບທີ 2 ໄດ້ແກ່ເຮືອບ້ານ ​ໄຊ​ສະຫວ່າງ ໄດ້​ຮັບ​ຂັນ​ລາງວັນພ້ອມ​ເງິນສົດ8 ລ້ານ​ກີບແລະອັນດັບ 3 ​ເຮືອ​ບ້ານ ​ໄຊ​ສະຖານ ໄດ້​ຮັບ​ຂັນ​ລາງວັນພ້ອມ​ເງິນສົດ 6 ລ້ານ​ກີບ ແລະ ອັນດັບທີ 4 ​ເຮືອ​ສົມ​ຈັນ​ມິ​ນິມາກ ໄດ້ຮັບຂັນລາງວັນພ້ອມເງິນສົດຈໍານວນໜຶ່ງ, ໂດຍໃຫ້ກຽດມອບລາງວັນຂອງທ່ານສີຫຸນສິດທິລືໄຊຮອງເຈົ້າຄອງນະຄອນຫລວງວຽງຈັນ.

ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019 - lattana 1 - ເຮືອຣີສອດປາກນໍ້າຄານຄອງ​ເຈົ້າທ່າຊ່ວງເຮືອປະເພນີທ່າວັດຈັນປະຈໍາປີ 2019

ທ່ານເຈົ້າເມືອງຈັນທະບູລີໃຫ້ຮູ້ວ່າ: ການແຂ່ງຂັນຊ່ວງເຮືອທ່າວັດຈັນປະຈໍາປີນີ້ແມ່ນປະສົບຜົນສໍາເລັດຕາມຄາດໝາຍວາງໄວ້, ໂດຍສະເພາະສາມາດຮັບປະກັນໄດ້ຄວາມເປັນລະບຽບຮຽບຮ້ອຍແລະສະຫງົບປອດໄພ, ທັງຮັກສາໄດ້ການສົ່ງເສີມຮີດຄອງປະເພນີແລະເອກກະລັກວັດທະນະທໍາອັນດີງາມຂອງຊາດ, ຄຽງຄູ່ກັນນັ້ນກໍເຫັນວ່າຍັງມີບາງດ້ານຍັງເຮັດບໍ່ທັນໄດ້ດີເປັນຕົ້ນ: ມີການສວຍໂອກາດເກັບຄ່າຝາກລົດເກີນລາຄາທີ່ຄະນະກໍາມະການຈັດງານກໍານົດ, ການໂຄສະນາຈໍາໜ່າຍສີນຄ້າຍັງໃຊ້ສຽງດັງ, ການຮັກສາຄວາມສະອາດຕ່າງໆຍັງບໍ່ທັນເຮັດໄດ້ດີແລະບັນຫາອື່ນໆ, ເຊິ່ງຈະໄດ້ຖອດຖອນບົດຮຽນຄືນເພື່ອເຮັດໃຫ້ການຈັດງານໃນປີໜ້າມີຜົນສໍາເລັດດີຂຶ້ນກວ່າເກົ່າ.

error: Content is protected !!