ປະທານປະເທດເນັ້ນໃຫ້ເມືອງນາຊາຍທອງຍູ້ແຮງການຜະລິດເປັນສິນຄ້າ

- advert banner 728 90 728x90 - ປະທານປະເທດເນັ້ນໃຫ້ເມືອງນາຊາຍທອງຍູ້ແຮງການຜະລິດເປັນສິນຄ້າ

ທ່ານ ບຸນ​ຍັງ ວໍລະ​ຈິດ, ປະທານ​ປະເທດ ໄດ້​ລົງ​ຢ້ຽມຢາມ​, ພົບ​ປະ​ໂອ້​ລົມ ແລະ ເຮັດ​ວຽກ​ກັບ​ການ​ນຳ ແລະ ພະນັກງານ​ຫຼັກ​ແຫຼ່ງເມືອງ​ນາຊາຍທອງ ນະຄອນຫລວງວຽງຈັນ ເມື່ອມໍ່ໆມານີ້.

- new3 - ປະທານປະເທດເນັ້ນໃຫ້ເມືອງນາຊາຍທອງຍູ້ແຮງການຜະລິດເປັນສິນຄ້າ

ທ່ານໄດ້ສະແດງ​ຄວາມ​ຍ້ອງຍໍ​ຊົມເຊີຍ​ຕໍ່​ຜົນສໍາເລັດທີ່ເມືອງນາຊາຍທອງ​ຍາດ​ມາ​ໄດ້ໃນຜ່ານມາ ພ້ອມ​ທັງໄດ້​ເນັ້ນ​ໃຫ້​ອຳນາດ​ການ​ປົກຄອງ​ເມືອງ​ເອົາໃຈໃສ່​ສຶກ​ສາ​ອົບຮົມການເມືອງ-ແນວ​ຄິດໃຫ້ພະນັກງານຫຼັກແຫຼ່ງຢ່າງໜັກແໜ້ນເຂັ້ມແຂງ, ເຊິ່ງ​ບັນຫາ​ດັ່ງກ່າວ​ເປັນ​ບັນຫາ​ທີ່​ຕັດສິນໃນການພັດທະນາໃນແຕ່ລະດ້ານ ໂດຍເລີ່ມຈາກພະນັກງານການນໍາໃນແຕ່ລະຂັ້ນ, ແກ້ໄຂຢ່າງເດັດຂາດຕໍ່ໜໍ່ແໜງຄວາມບໍ່ສະຫງົບ, ໂດຍສະເພາະບັນຫາຢາເສບຕິດ, ອຸບັດຕິເຫດຕາມທ້ອງຖະໜົນ, ຂີ້ລັກຂັດແງະ ປຸ້ນຈີ້ຊິງຊັບ ແລະ ອື່ນໆໃຫ້ນັບມື້ຫຼຸດລົງ, ເອົາໃຈໃສ່ຫັນລົງກໍ່ສ້າງການເມືອງກັບທີ່, ປັບປຸງລະບົບການເມືອງໃຫ້ມີຄວາມໜັກແໜ້ນເຂັ້ມແຂງ, ທັງສືບຕໍ່ຍູ້ແຮງການຜະລິດສິນຄ້າຂອງເມືອງໃຫ້ຫຼາຍຂຶ້ນ, ໂດຍສະເພາະການສິກຳປອດສານພິດ, ການສົ່ງເສີມຄອບຄົວຕົວແບບ ຫັນເອົາເຕັກນິກລົງສູ່ຮາກຖານບ້ານເຊັ່ນ: ເຕັກເນິກການປູກ-ການລ້ຽງໃຫ້ມີຜົນຜະລິດສູງສ້າງສິນຄ້າໃຫ້ມີຄຸນນະພາບ, ເພື່ອຕອບສະໜອງຄວາມຮຽກຮ້ອງຕ້ອງການຂອງຜູ້ບໍລິໂພກ ໂດຍອີງໃສ່ທ່າແຮງບົ່ມຊ້ອນຕ່າງໆຂອງເມືອງ  ສົ່ງເສີມການປັບປຸງວິສາຫະກິດຂະໜາດໜ້ອຍ ແລະ ກາງໃຫ້ເປັນລະບົບ, ສ້າງຫົວໜ່ວຍວິສາຫະກິດໃຫ້ເຂົ້າເຖິງແຫຼ່ງທຶນ  ວຽກງານການກະກຽມກອງປະຊຸມໃຫຍ່ 3 ຂັ້ນ ໃຫ້ພ້ອມກັນຍູ້ແຮງສ້າງຂະບວນການຕ່າງໆໃຫ້ພົ້ນເດັ່ນ ແລະ ເປັນຮູບປະທໍາ; ຄາດໝາຍໃດທີ່ຍັງບໍ່ທັນບັນລຸກໍ່ໃຫ້ສູ້ຊົນເຮັດໃຫ້ສໍາເລັດທັນຕາມກໍານົດ, ການກຽມເນື້ອໃນຮ່າງລາຍການເມືອງຕ້ອງໃຫ້ສອດ ຄ່ອງກັບຄວາມເປັນຈິງ ມີຈຸດສຸມ ແລະ ມີທິດທາງແຜນການໃນຕໍ່ໜ້າຢ່າງຊັດເຈນ, ຫຼີກລ່ຽງເລື່ອງທີ່ເກີນເປັນຄວາມຈິງ, ພ້ອມກັນຍູ້ແຮງການທ່ອງທ່ຽວຫ້ວຍຊອນ-ຫ້ວຍຊົ້ວ, ປັບປຸງໃຫ້ມີຄວາມສວຍງານໃຫ້ມີອັນໃໝ່ໃນການປູກການລ້ຽງ ແລະ ສ້າງເມືອງໃຫ້ມີຄວາມສວຍງາມຮັ່ງມີ, ແລະປະຊາຊົນມີຄວາມຜາສຸກ.

ສໍາລັບຂໍ້ສະເໜີຂອງທ່ານເຈົ້າເມືອງກ່ຽວກັບການຊຸກຍູ້ການຈັດຕັ້ງປະຕິບັດໂຄງການກໍ່ສ້າງຄູກັນນໍ້າລຽບສາຍນໍ້າງື່ມໄຊທານີ-ນາຊາຍທອງ ມີຄວາມຍາວ 24 ກິໂລແມັດ ເປັນດິນແດງມູນຄ່າ 19 ຕື້ກີບ ແລະ ການຊ່ວຍແກ້ໄຂງົບປະມານກໍ່ສ້າງຕຶກຫ້ອງການເສດຖະກິດຂອງເມືອງ ລວມທັງ ການຍົກລະດັບການກວດແກ້ໄຂບັນຫາການບຸກລຸກເຂດສະຫງວນໜອງບຶງ, ອ່າງໂຕ່ງ ແລະ ປ່າສະຫງວນພູພະນັງນັ້ນຊີ້ນຳໃຫ້ພາກສ່ວນກ່ຽວຂ້ອງສົມທົບກັບ ນະຄອນຫຼວງວຽງຈັນເພື່ອສະເໜີກົມການເມືອງລົງຕິດຕາມຕົວຈິງເພື່ອຫາວິທີແກ້ໄຂຢ່າງຖືກຕ້ອງ.

- lattana 1 - ປະທານປະເທດເນັ້ນໃຫ້ເມືອງນາຊາຍທອງຍູ້ແຮງການຜະລິດເປັນສິນຄ້າ

    ຈາກນັ້ນ, ທ່ານປະທານປະເທດ ກໍ່ໄດ້ລົງຢ້ຽມຢາມ ແລະ ຊີ້ນໍາວຽກງານການຜະລິດຢູ່ສະຖານີຜະລິດແນວພັນປານໍ້າຫຸມ ເຊິ່ງເປັນໂຄງການຮ່ວມມືລະຫວ່າງບໍລິສັດ ເອດີຊີພັດທະນາການປະມົງຮ່ວມທຶນກັບນັກລົງທຶນລາວ ແລະ ນັກລົງທຶນຮົງກາລີ ເປັນສະຖານີຜະລິດປານ້ອຍ (ປານິນແປງເພດ) ສະໜອງໃຫ້ນະຄອນຫຼວງວຽງຈັນ ແລະ ແຂວງໃກ້ຄຽງ.

error: Content is protected !!