ຫລາຍຫົວໜ່ວຍທຸລະກິດຮ່ວມວາງສະແດງງານ​ມະ​ຫາ​ກຳ​ວິ​ທະ​ຍາ​ສາດແລະເຕັກ​ໂນ​ໂລ​ຊີປີ 2019

- advert banner 728 90 728x90 - ຫລາຍຫົວໜ່ວຍທຸລະກິດຮ່ວມວາງສະແດງງານ​ມະ​ຫາ​ກຳ​ວິ​ທະ​ຍາ​ສາດແລະເຕັກ​ໂນ​ໂລ​ຊີປີ 2019

ໃນວັນທີ 11-16 ຕຸລານີ້, ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບຫ້ອງການຜູ້ຕາງໜ້າສະພາສົ່ງເສີມການຄ້າສາກົນ ສປ ຈີນ ຂະແໜງອຸດສາຫະກໍາການກໍ່ສ້າງ ປະຈຳລາວ, ບໍລິສັດທີ່ປຶກສາການລົງທຶນ ແລະ ກໍ່ສ້າງເຂື່ອນໄຟຟ້າຈຳກັດຜູ້ດຽວ (IHC) ແລະ ບໍລິສັດພັດທະນາວິທະຍາສາດເຕັກນິກປັກກິ່ງ ເຈີ່ນຕີ ໄດ້ຈັດງານວາງສະແດງວິທະຍາສາດ ແລະ ເຕັກໂນໂລຊີ ແລະ ກອງປະຊຸມສໍາມະນາການຮ່ວມມືພັດທະນາອຸດສາຫະກຳ ເຕັກໂນໂລຊີລະດັບສູງ ລາວ-ຈີນ ​ປີ 2019 ຂຶ້ນທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ລັດຖະມົນຕີກະຊວງດັ່ງກ່າວ.

- new3 - ຫລາຍຫົວໜ່ວຍທຸລະກິດຮ່ວມວາງສະແດງງານ​ມະ​ຫາ​ກຳ​ວິ​ທະ​ຍາ​ສາດແລະເຕັກ​ໂນ​ໂລ​ຊີປີ 2019

ທ່ານ ບໍ່ວຽງຄຳ ວົງດາລາລັດຖະມົນຕີ​ກະຊວງ​ວິທະຍາສາດ ແລະ ເຕັກໂນໂລຊີກ່າວວ່າ:ງານວາງສະແດງ ແລະ ກອງປະຊຸມສໍາມະນາການຮ່ວມມືພັດທະນາອຸດສາຫະກຳເຕັກໂນໂລຊີລະດັບສູງ ລາວ-ຈີນ ຄັ້ງນີ້​ແມ່ນກິດ​ຈະ​ກຳໜຶ່ງ ເພື່ອສົ່ງເສີມການຖ່າຍທອດຄວາມຮູ້, ການຄົ້ນຄວ້າ, ການປະດິດສ້າງ ແລະ ການນຳໃຊ້ເຕັກໂນໂລຊີ ເຂົ້າໃນການພັດທະນາເສດຖະກິດ-ສັງຄົມ ໃຫ້ມີປະສິດທິຜົນສູງ ​ເພື່ອ​​ກ້າວ​ເຂົ້າ​ສູ່​ຍຸກ​ແຫ່ງ​ການ​ປະ​ຕິ​ວັດ​ອຸດ​ສາ​ຫະ​ກຳ 4.0.

​    ໃນ​ງານ​ມະ​ຫະ​ກຳ​ວິ​ທະ​ຍາ​ສາດ​ຄັ້ງ​ນີ້,ຈະໄດ້ຈັດຫລາຍກິດຈະກໍາ ແລະ ກອງປະຊຸມຕ່າງໆຄື: ກອງປະຊຸມວຽກງານວິທະຍາສາດ ແລະ ເຕັກໂນໂລຊີ ທົ່ວປະເທດ ຄັ້ງທີ III, ສຳມະນາວິທະຍາດເຕັກໂນໂລຊີ ແລະ ນະວັດຕະກໍາໃນຍຸກອຸດສາຫະກຳ 4.0,ເຜີຍແຜ່ທິດທາງການພັດທະນາພະລັງງານທົດແທນ ແລະ ວັດສະດຸໃໝ່ໃນຍຸກ 4.0, ສໍາມະນາ ຫົວຂໍ້ “ການກຽມພ້ອມດ້ານການຄົ້ນຄວ້າວິທະຍາສາດ ແລະ ເຕັກໂນໂລຊີ ໃນຍຸກ 4.0”, ສໍາມະນາກ່ຽວກັບ ການຮ່ວມມື ການຄົ້ນຄວ້າ ແລະ ໂຄງການແລກປ່ຽນທາງດ້ານວິທະຍາສາດ ແລະ ເຕັກໂນໂລຊີ, ກິດຈະກຳສ່ອງດາວ ແລະ ປະກວດແນວຄວາມຄິດສ້າງສັນສິ່ງປະດິດສ້າງສໍາລັບໄວໜຸ່ມນັກ ຮຽນ ນັກສຶກສາ.

ທ່ານລັດຖະມົນຕີກ່າວວ່າ: ງານດັ່ງກ່າວເປັນເວທີຊຸກ​ຍູ້ການຮ່ວມມືທາງດ້ານວິທະຍາສາດ ແລະ ເຕັກໂນໂລຊີລະຫວ່າງລາວ-ຈີນ, ແນໃສ່ສົ່ງເສີມການນຳໃຊ້ເຕັກໂນໂລຊີລະດັບສູງເຂົ້າໃນການພັດທະນາເສດຖະ ກິດ-ສັງຄົມຢູ່ລາວ, ເຮັດໃຫ້ວຽກງານວິທະຍາສາດ ແລະ ເຕັກໂນໂລຊີ ເປັນກໍາລັງຂັບເຄື່ອນທີ່ເຂັ້ມແຂງປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຕາມ​ທິດ​ຫັນເປັນອຸດສາຫະກຳ ແລະ ທັນສະໄໝ,ແກ້ໄຂຄວາມທຸກຍາກຂອງ​ປະ​ຊາ​ຊົນ​ລາວ​ ເພື່ອ​ບັນລຸເປົ້າໝາຍການພັດທະນາແບບຍືນຍົງ (SDGs) ຕາມ ຄໍາຂັວນຂອງງານຄັ້ງນີ້ ຄື: “ການນຳໃຊ້ເຕັກໂນໂລຊີທັນສະໄໝເພື່ອການພັດ ທະນາສີຂຽວແລະຍືນຍົງ”.

- lattana 1 - ຫລາຍຫົວໜ່ວຍທຸລະກິດຮ່ວມວາງສະແດງງານ​ມະ​ຫາ​ກຳ​ວິ​ທະ​ຍາ​ສາດແລະເຕັກ​ໂນ​ໂລ​ຊີປີ 2019

    ​ທ່ານ ນາງ ເຫີ ຢຽນ ຢຽນ ຫົວໜ້າຫ້ອງການຜູ້ຕາງໜ້າສະພາສົ່ງເສີມການຄ້າສາກົນ ສປ ຈີນ, ຂະແໜງອຸດສາຫະກຳການກໍ່ສ້າງປະຈຳລາວກ່າວວ່າ: ງານນີ້ເພື່ອສ້າງໂອກາດໃຫ້ແກ່ການຮ່ວມມືຂອງອຸດສາຫະກໍາວິທະຍາສາດແລະ ເຕັກໂນໂລຊີຂອງສອງປະເທດ, ປະກອບສ່ວນສົ່ງເສີມການຮ່ວມມືຊະຕາກຳລາວ-ຈີນລະຫວ່າງພັກຄອມມູນິດຈີນ ແລະ ພັກປະຊາຊົນປະຕິວັດລາວ ໃຫ້ມີຄວາມສີວິໄລຍິ່ງຂຶ້ນ ແລະ ນຳເຂົ້າເຕັກໂນໂລຊີທີ່ທັນສະໄໝຂອງຈີນມາສູ່ປະເທດລາວຜ່ານການລົງທຶນໃສ່ຂົງເຂດອຸດສາຫະກຳທາງດ້ານວິທະຍາສາດ ແລະ ເຕັກໂນໂລຊີເພື່ອພັດທະນາເຕັກໂນໂລຊີ ແລະກຳລັງການຜະລິດຂອງປະເທດລາວໃຫ້ທັຮສະໄໝເທື່ອລະກ້າວ.

ໃນ​ງານວາງສະແດງວິທະຍາສາດ ແລະ ເຕັກໂນໂລຊີ ຄັ້ງ​ນີ້​ ຈະໄດ້ວາງ​ສະແດງຜົນງານການຄົ້ນຄວ້າແລະຜະລິດຕະພັນເຕັກໂນໂລຊີ ຈາກ ສປ ຈີນ 50 ຮ້ານທີ່ກ່ຽວກັບເຕັກໂນໂລຊີໃນຂົງເຂດໄຟຟ້າ,  ການຄ້າທາງເອເລັກໂຕຣ ນິກ, ການຫຸ້ມຫໍ່, ກະສິກໍາ, ຖານ​ຂໍ້ມູນມະຫາສານ (Big Data), ການຢາ ແລະວິສະວະກໍາໂລຫະ, ຍົນບໍ່ມີຄົນຂັບ (Drone)​ ພ້ອມ​ກັນ​ນັ້ນ​ກໍ​ຈະ​ມີຮ້ານວາງສະແດງຈາກບັນດາມະຫາວິທະຍາໄລ, ສະຖາບັນການຄົ້ນຄ້ວາ, ບັນດາກະຊວງ, ຂະແໜງການ, ວິ​ສາ​ຫະ​ກິດ​ນະວັດຕະກໍາໃໝ (startup) ແລະ ພາກສ່ວນທຸລະກິດຈາກລາວຈໍານວນ 50 ຮ້ານ.

error: Content is protected !!