ຢາ​ເສບ​ຕິດ​ຍັງພົ້ນ​ເດັ່ນ

ຢາ​ເສບ​ຕິດ​ຍັງພົ້ນ​ເດັ່ນ - advert banner 728 90 728x90 - ຢາ​ເສບ​ຕິດ​ຍັງພົ້ນ​ເດັ່ນ

​ໂດຍ: ທິດ​ກ່ຳ

ຢາ​ເສບ​ຕິດ​ຍັງພົ້ນ​ເດັ່ນ - new3 - ຢາ​ເສບ​ຕິດ​ຍັງພົ້ນ​ເດັ່ນ

ຂ່າວຄາວການຈັບກຸມຄຸມຂັງກຸ່ມຄົນລາວທີ່ຂົນຢາເສບຕິດໄປຍັງປະເທດເພື່ອນບ້ານປາກົດວ່າຍັງໂດດເດັ່ນ ແລະ ແຜ່ລາມປານໂລກອະຫິວາໝູ. ບຶດໜຶ່ງ ຈັບໄດ້ຢູ່ໄທ, ບຶດໜຶ່ງຈັບໄດ້ຢູ່ກຳປູເຈຍ, ມື້ກ່ອນພັດເຫັນຈັບໄດ້ຢູ່ຫວຽດນາມ, ຍັງບໍ່ທັນໄດ້ຍິນແຕ່ ຂ່າວ ວ່າຈັບໄດ້ຢູ່ພະມ້າກັບຢູ່ ຈີນ.

ສະເພາະຢູ່ພາຍໃນປະເທດເຮົາເອງກໍປາກົດວ່າມີ ຂ່າວຄາວເກືອບທຸກວັນເມື່ອຕັ້ງໂຈດກັນວ່າເປັນຫຍັງມັນ ບໍ່ໝົດບໍ່ສ້ຽງຈັກເທື່ອ? ປາບເທົ່າໃດມັນກໍຍິ່ງແຜ່ລາມໄປເທົ່ານັ້ນ, ຄຳຕອບກໍຄືມັນຍັງມີຜູ້ຜະລິດ, ມີຜູ້ຈຳໜ່າຍ, ຍັງມີຜູ້ຕ້ອງການ, ຍັງມີຜູ້ເສບ, ຍັງມີຜູ້ຊື້ໃນທົ່ວໂລກ ກໍວ່າໄດ້.  ສະເພາະຢູ່ປະເທດລາວເຮົາເບິ່ງ ຢ່າງໜຶ່ງຄືຍິ່ງປາບກໍຍິ່ງໜັກໜ້າໄປ ຕິກໆ. ແຕ່ກ່ອນໄດ້ຍິນຂ່າວພຽງແຕ່ຢູ່ປະເທດໄທວ່າຈັບຄົນລາວ ຂົນຢາບ້າເປັນໝື່ນເປັນແສນເມັດ, ຈັບໄດ້ຮອດເຈົ້າພໍ່, ແຕ່ມາດຽວນີ້ປາກົດວ່າ ລາມໄປຮອດກຳປູເຈຍ ແລະ ຫວຽດນາມ.

ນັບແຕ່ລັດຖະບານຊຸດທີ 8 ໄດ້ກ້າວຂາເຂົ້າມາບໍລິ ຫານບ້ານເມືອງປາກົດວ່າ  ໄດ້ມີນະໂຍບາຍປາບປາມບັນ ຫາຢາເສບຕິດຢ່າງເດັດຂາດ, ນັບແຕ່ປີ 2016 ເປັນຕົ້ນມາ ຖ້າຈະມາສັງລວມລາຍຄະດີນ້ອຍໃຫຍ່ນັບແຕ່ຂັ້ນເຈົ້າ ພໍ່ລົງມາທັງຈັບ, ທັງຂ້າ, ທັງຂັງຄຸກຕະຫລອດຊີວິດ ແລະ ທັງປັບໄໝໃສ່ໂທດແມ່ນມີ ຫລາຍຮ້ອຍຫລາຍພັນລາຍຄະດີແລ້ວ. ແຕ່ກໍປາກົດວ່າ ປາບຫລາຍເທົ່າໃດຄືວ່າຍິ່ງ ເພີ່ມທະວີຄູນຂຶ້ນໄປເລື້ອຍໆ ເບິ່ງຢ່າງຄືຕັ້ງແກ້ງເຮັດໃສ່ກັນ.

ແນວໃດກໍດີ, ຕາມເຮົາວ່າ ໃນເມື່ອຍັງມີຜູ້ຜະລິດ, ມີຜູ້ຈຳໜ່າຍ, ມີຜູ້ຕ້ອງການ ແລະ ມີຜູ້ເສບຜູ້ຊື່ຢ່າງບໍ່ມີມື້ສິ້ນສຸດ, ມືປາບຂອງພວກ ເຮົາກໍຕ້ອງດຳເນີນໄປຕິກໆ ຈົນກວ່າການເວລາມັນຈະ ຕັດສິນ.

ສຳຄັນແຕ່ວ່າໃຜຈະຊະນະໃຜ ແລະ ໃຜຈະແນ່ກວ່າ ກັນເທົ່ານັ້ນເອງ, ແຕ່ວ່າ, ຖ້າ ຫາກແຕ່ລະຝ່າຍຍັງເຮັດຄື ສະແດງລະຄອນແບບໄກ່ ເຫັນຕີນງູ, ງູເຫັນຕີນໄກ່ສຸດ ທ້າຍມາມັນ ກໍໄປນຳກັນອອດ ຫລອດໂດຍບໍ່ມີມື້ສິ້ນສຸດ ເຊິ່ງ ບໍ່ຕ່າງຫຍັງກັບຜູ້ໜຶ່ງເປັນຄົນດີ, ຜູ້ໜຶ່ງເປັນຜີຄາຍດັ່ງ ຄຳພັງເພີຍເຂົາເວົ້າ.

ຢາ​ເສບ​ຕິດ​ຍັງພົ້ນ​ເດັ່ນ - lattana 1 - ຢາ​ເສບ​ຕິດ​ຍັງພົ້ນ​ເດັ່ນ

ດັ່ງທີ່ຮູ້ກັນແລ້ວວ່າ, ບັນ ຫາຢາເສບຕິດທີ່ພົວພັນກັບຄົນລາວເຮົາໃນຍຸກປັດຈຸບັນ ມັນຕັ້ງແຜ່ລາມໂດດເດັ່ນ ແລະ ໂດ່ງດັງອີ່ຫລີ, ຖືກຈັບຢູ່ໃສ ກໍມີແຕ່ຄົນລາວຍ້ອນຂົນຢາບ້າ, ຄ້າຢາເສບຕິດ. ສ່ວນວ່າ ຄະດີຈັບຜູ້ຜະລິດກັບຜູ້ລົງ ທຶນນັ້ນແມ່ນເປັນໄປໄດ້ຍາກ ເພາະບໍ່ທັນຍິນຂ່າວເປັນລ້ຳ ເປັນສັນ, ເປັນນ້ຳເປັນຕ່ອນ ແລະ ເປັນຕົນເປັນໂຕອອກມາ ຢ່າງຈະແຈ້ງຊັດເຈນ.

ສະພາບສັງຄົມຢູ່ບ້ານ ເຮົາປັດຈຸບັນທີ່ຂ້າກັນຕາຍຍ້ອນຢາບ້າຍັງມີໃຫ້ເຫັນຢ່າງຫລວງຫລາຍ, ບາງຄົນຂ້າ ຮອດພໍ່, ຮອດແມ່, ຂ້າເມຍຂ້າລູກຍ້ອນພິດຂອງຢາບ້າ, ນີ້ລະຄືຄວາມໂຫດຫ້ຽມຂອງ ຢາເສບຕິດທີ່ບໍ່ເຂົ້າຂ້າງອອກຂາເຂົ້າໄປຢູ່ນຳຄົນໃດແລ້ວ ມັນປິ່ນປົວໄດ້ຍາກປາກົດ ການທີ່ວ່ານີ້, ສ່ວນໃຫຍ່ກໍ ແມ່ນຢູ່ແຖວຊົນນະບົດຫ່າງ ໄກສອກຫລີກ.

ແນວໃດກໍຕາມ, ຖ້າພວກ ເຮົາມາວິເຄາະເບິ່ງດີໆ ແລ້ວ ສາເຫດຂອງການຈັບກຸມຢ່າງ ຫລວງຫລາຍຄືໃນສະພາບ ປັດຈຸບັນນີ້, ສະແດງໃຫ້ເຫັນ ວ່າ ເຈົ້າໜ້າທີ່ເຮົາໄດ້ລົງມື ປາບປາມຢ່າງເດັດຂາດ ແລະ ມີການເຄື່ອນໄຫວໄປຫລາຍ ເທົ່າໃດກໍຍິ່ງຈັບໄດ້ຫລາຍ ເທົ່ານັ້ນ, ມີບົດຮຽນສະຫລາດ ຄ່ອງແຄ້ວໄປເລື້ອຍໆ ສົມທົບກັບການນຳໃຊ້ພາຫະນະວັດ ຖຸອຸປະກອນທີ່ທັນສະໄໝ ຈົນຮູ້ວ່າ: ຊຸກເຊື່ອງຢູ່ໃສ,  ໝ້ອງໃດ, ແຈໃດ, ອຳພາງແນວໃດເຈົ້າໜ້າທີ່ ເຮົາກໍສາ ມາດຮູ້ໄດ້, ສຳຄັນ ແຕ່ວ່າເຮັດຢ່າງຈິງຈັງຢ່າພາກັນເຮັດ ແບບຕາຫລັກໄດ້ຕາໄບ້ເສຍ ສຸດທ້າຍມາມັນກໍເລີຍບໍ່ໝົດ ບໍ່ສ້ຽງໄປຈາກເມືອງລາວ ຈັກເທື່ອ./.

ຢາ​ເສບ​ຕິດ​ຍັງພົ້ນ​ເດັ່ນ - 4237 - ຢາ​ເສບ​ຕິດ​ຍັງພົ້ນ​ເດັ່ນ

error: Content is protected !!