ລາວ-ຫວຽດນາມ ສືບຕໍ່ຮ່ວມມືສ້າງບຸກຄະລາກອນສື່ມວນຊົນລາວ

- advert banner 728 90 728x90 - ລາວ-ຫວຽດນາມ ສືບຕໍ່ຮ່ວມມືສ້າງບຸກຄະລາກອນສື່ມວນຊົນລາວ

ຂປລ.ສະຖາບັນສື່ມວນຊົນ ແລະ ໂຄສະນາ, ສະຖາບັນການເມືອງແຫ່ງຊາດ ໂຮ່ຈີມິງ ສສ ຫວຽດນາມ ຮ່ວມກັບ ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ ກະຊວງ ຖະແຫລງຂາວ, ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ​ໄ​ດ້ຈັດອົບຮົມກ່ຽວກັບການຄຸ້ມຄອງສື່ມວນຊົນ ຊຸດທຳອິດ ຢູ່ ສສ ຫວຽດນາມ ແຕ່ວັນທີ 14 ຕຸລາ ຫາ 13 ທັນວາ 2019, ໂດຍມີທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ; ທ່ານ ຫງຽນຫວຽດທາວ ຮອງອຳນວຍການສະຖາບັນການເມືອງແຫ່ງຊາດໂຮ່ຈີມິງ; ທ່ານ ລິວ ວັນອານ ຮອງອຳນວຍການສະຖາບັນສື່ສານມວນຊົນ ແລະ ໂຄສະນາ ພ້ອມສຳມະນາກອນລາວເຂົ້າຮ່ວມ 15ຄົນ.

- new3 - ລາວ-ຫວຽດນາມ ສືບຕໍ່ຮ່ວມມືສ້າງບຸກຄະລາກອນສື່ມວນຊົນລາວ

     ໃນໂອກາດດັ່ງກ່າວ, ທ່ານ ສະຫວັນຄອນ ລາຊະມຸນຕີ ໄດ້ກ່າວສະແດງຄວາມຂອບໃຈເປັນຢ່າງສູງ ຕໍ່ການນຳ, ຄູ-ອາຈານ ຢູ່ສະຖາບັນສື່ມວນຊົນ ແລະ ໂຄສະນາ, ສະຖາບັນການເມືອງແຫ່ງຊາດ ໂຮ່ຈີມິງ ທີ່ໄດ້ຊ່ວຍເຫລືອທາງດ້ານທຶນຮອນ, ແບ່ງປັນຄວາມຮູ້ ແລະ ປະສົບການອັນລໍ້າຄ່າ ໃນການອົບຮົມຍົກລະດັບພະນັກງານຂົງເຂດສື່ມວນຊົນລາວ ໃນໄລຍະຜ່ານມາ ກໍຄື ປັດຈຸບັນ. ການເປີດຊຸດອົບຮົມວຽກງານຄຸ້ມຄອງສື່ມວນຊົນ ໄລຍະ 2 ເດືອນໃນຄັ້ງນີ້ ແມ່ນເຫດການໃໝ່ ໃນການສ້າງບຸກຄະລາກອນດ້ານສື່ມວນຊົນລະຫວ່າງ ລາວ-ຫວຽດນາມ ເຊິ່ງຈະເປັນຊ່ອງທາງອັນດີ ໃນການນຳເອົາຄວາມຮູ້ຈາກ ຄູ-ອາຈານ, ການແລກປ່ຽນປະສົບການ ລະຫວ່າງສື່ມວນຊົນລາວ ແລະ ຫວຽວນາມ ທັງຢູ່ສູນກາງ ແລະ ທ້ອງຖິ່ນ ເຊິ່ງຈະເປັນພື້ນຖານອັນໜັກແໜ້ນໃຫ້ແກ່ການກ້າວໄປຂ້າງໜ້າຂອງ ສື່ມວນຊົນລາວ.

         ຊຸດອົບຮົມຄັ້ງນີ້ ແມ່ນຈະເນັ້ນໜັກບັນຫາໃໝ່ໆ ທີ່ສຳຄັນໃນສະພາບປັດຈຸບັນ ເຊິ່ງນອກຈາກຮຽນທິດສະດີແລ້ວ ຍັງຈະໄດ້ລົງພາກປະຕິບັດຕົວຈິງ ແລະ ໄປເຄື່ອນໄຫວທັດສະນາສຶກສາ, ແລກປ່ຽນບົດຮຽນຢູ່ບັນດາສຳນັກງານຂອງສື່ມວນຊົນຢູ່ຮ່າໂນ້ຍ ແລະ ບາງແຂວງຕື່ມອີກ. ຕາມແຜນຮ່ວມມືທີ່ສະຖາບັນການເມືອງແຫ່ງຊາດໂຮ່ຈີມິງ ເຫັນດີຊ່ວຍບໍາລຸງສ້າງບຸກຄະລາກອນສື່ມວນຊົນໃຫ້ແກ່ລາວ ປີລະຊຸດ ແຕ່ 2019-2023.

- lattana 1 - ລາວ-ຫວຽດນາມ ສືບຕໍ່ຮ່ວມມືສ້າງບຸກຄະລາກອນສື່ມວນຊົນລາວ
error: Content is protected !!