ເນື້ອທີ່​ປ່າ​ໄມ້​ລາວ​ເຮົາ​ຢູ່​ໃນ​ອັນ​ດັບ​ທີ 8 ຂອງ​ໂລກ

ເນື້ອທີ່​ປ່າ​ໄມ້​ລາວ​ເຮົາ​ຢູ່​ໃນ​ອັນ​ດັບ​ທີ 8 ຂອງ​ໂລກ - advert banner 728 90 728x90 - ເນື້ອທີ່​ປ່າ​ໄມ້​ລາວ​ເຮົາ​ຢູ່​ໃນ​ອັນ​ດັບ​ທີ 8 ຂອງ​ໂລກ

​ໂດຍ: ທິດ​ກ່ຳ

ເນື້ອທີ່​ປ່າ​ໄມ້​ລາວ​ເຮົາ​ຢູ່​ໃນ​ອັນ​ດັບ​ທີ 8 ຂອງ​ໂລກ - new3 - ເນື້ອທີ່​ປ່າ​ໄມ້​ລາວ​ເຮົາ​ຢູ່​ໃນ​ອັນ​ດັບ​ທີ 8 ຂອງ​ໂລກ

ອີງຕາມຂໍ້ມູນຈາກທະ ນາຄານໂລກໄດ້ເປີດເຜີຍເມື່ອບໍ່ດົນມານີ້ຄືໃນປີ 2019 ລາວ ເຮົາໄດ້ອັນດັບທີ 8 ຂອງໂລກ ໃນບັນດາປະເທດທີ່ມີເນື້ອ ທີ່ປ່າໄມ້ປົກຫຸ້ມຫລາຍທີ່ສຸດ ໃນໂລກ (https//www. worldtlas. com/articles/state-of-the-world-s-forest-the-most-woodedcontries-in-the word html)ປະເທດທີ່ຕິດ ອັນດັບ 1 ໄດ້ແກ່ປະເທດ ເຊີຣິ ເນມຕາມລົງມາເປັນລຳດັບ ຈົນຮອດປະເທດລາວເຮົາ ໄດ້ອັນດັບທີ 8 ໂດຍມີສະຖິ ຕິເນື້ອທີ່ປ່າໄມ້ກວມ 82%. ສ່ວນປະເທດ ອັນດັບ 1 ມີພື້ນ ທີ່ປ່າໄມ້ກວມເຖິງ 98,3%.

ໃນກອງປະຊຸມໃຫຍ່ຜູ້ ແທນທົ່ວປະເທດຄັ້ງທີ IX ແລະ X ຂອງພັກ ແລະ ແຜນ ພັດທະນາເສດຖະກິດ-ສັງຄົມ 5 ປີແຫ່ງລັດຄັ້ງທີ VII ແລະ ທີ VIII ໄດ້ລະບຸຢ່າງຈະແຈ້ງວ່າ: ຮອດປີ 2015 ຕ້ອງສູ້ ຊົນໃຫ້ໄດ້ 45% ແລະ ເມື່ອ  ຮອດ 2020 ຕ້ອງໃຫ້ມີພື້ນທີ່ ສີຂຽວກວມ 75% ຂອງເນື້ອທີ່ທົ່ວປະເທດ. ເມື່ອເຫັນຕົວ ເລກອອກມາແບບນີ້, ກໍສະ ແດງວ່າພວກເຮົາໄດ້ຮັບຜົນ ສຳເລັດລື່ນຄາດໝາຍທີ່ວາງໄວ້ຢ່າງໜ້າພາກພູມໃຈ.

ແນວໃດກໍຕາມ, ເຖິງວ່າ  ຕົວເລກໄດ້ຕາມຄາດໝາຍ ຫລື ລື່ນຄາດໝາຍ, ແຕ່ມາເບິ່ງສະພາບຄວາມເປັນຈິງເກືອບໜຶ່ງທົດສະວັດຜ່ານມາເຫັນ ວ່າພວກເຮົາໄດ້ບຸກລຸກປ່າໄມ້ດ້ວຍຮູບການ ແລະ ວິທີການຕ່າງໆ ຢ່າງໃຫຍ່ຫລວງ ເຊັ່ນ: ບັນຫາການຕັດໄມ້ທຳ ລາຍ ປ່າເພື່ອການສ້າງສາ ແລະ ພັດທະນາປະເທດຊາດເພື່ອຄວາມເປັນຢູ່ ແລະ ຍືນຍົງ ນີ້ກໍຖື ວ່າມັນເປັນສິ່ງຈຳເປັນ ເພາະປະເທດເຮົາຍັງຢູ່ໃນ ເງື່ອນໄຂທຸກຍາກ ແລະ ດ້ອຍພັດທະນາ.

ສ່ວນປະເດັນອັນທີສອງແມ່ນການຕັດໄມ້ທຳລາຍປ່າເພື່ອປູກພືດເສດຖະກິດການຜະລິດທຸລະກິດເຊັ່ນ: ປູກຕົ້ນໄມ້ອຸດສະຫະກຳ, ກະສິກຳຂອງລັດ ແລະ ເອກະຊົນຜູ້ໄດ້ຮັບກຳມະສິດສຳປະທານທີ່ດິນ, ປູກກ້ວຍ, ປູກອ້ອຍ, ປູກຕົ້ນຢາງພາລາ ແລະ ຕົ້ນໄມ້ໃຫ້ໝາກອື່ນໆ.

ແຕ່ອັນທີໜັກໜ່ວງ ທີ່ ສຸດກໍຄືພວກທີ່ຫາກິນນຳໄມ້ໄດ້ສວຍໂອກາດບຸກລຸກ ຕັດໄມ້ທຳລາຍ ປ່າຢ່າງຊະ ຊາຍເພື່ອເອົາໄມ້ໃນປ່າຕືບດົງໜາໄປຂາຍຢ່າງຫລວງຫລາຍ ແລະ ຜິດກົດໝາຍ. ຜົນກະທົບດັ່ງກ່າວ, ໄດ້ເຮັດໃຫ້ປ່າໄມ້ເຂດອະນຸລັກ, ປ່າສະຫງວນໄດ້ເປົ່າແປນຊຸດໂຊມລົງຢ່າງຫລວງຫລາຍ, ໄມ້ຊະນິດດີໆລາຄາແພງໆ ໄດ້ບົກບາງລົງຢ່າງເຫັນໄດ້ຊັດ ແລະ ເກືອບເວົ້າ ວ່າຊະນິດໄມ້ດູ່,ໄມ້ແຕ່ຂ່າ, ໄມ້ຂະຍຸງ ເກືອບຈະສູນພັນໃນປ່າ.

ຕໍ່ຜົນກະທົບທີ່ຮ້າຍແຮງ ດັ່ງກ່າວ, ທ່ານ ນາຍົກລັດຖະມົນຕີຂອງລັດຖະບານຊຸດນີ້ ຈຶ່ງໄດ້ມີຄຳສັ່ງເລກທີ 15/ນຍ ໂດຍໃຫ້ຢຸດຕິຢ່າງຊິ້ນເຊີງກ່ຽວກັບການ ຄ້າໄມ້, ການຕັດໄມ້ ແລະ  ການເຄື່ອນຍ້າຍໄມ້ແບບຜິດກົດໝາຍ.

ນອກຈາກນັ້ນ, ກໍໄດ້ ກວດກາຄືນບັນດາໂຮງເລື່ອຍໂຮງຊອຍທີ່ເຄື່ອນໄຫວຜິດ ກົດໝາຍ, ພ້ອມທັງສັ່ງຍົກເລິກ. ຈົນມາຮອດທຸກວັນນີ້, ການຈັດຕັ້ງປະຕິບັດຄຳສັ່ງ ດັ່ງກ່າວຍັງສືບຕໍ່ຜັນຂະຫຍາຍ, ດຳເນີນໄປຢ່າງຈິງຈັງ ແລະ ເດັດຂາດ, ໄປຄຽງ ຄູ່ກັບການຟື້ນຟູປ່າ, ປູກປ່າ ໃນສາມສີ່ປີຜ່ານມາ ຈຶ່ງເຮັດໃຫ້ປະເທດເຮົາມີພື້ນທີ່ຂຽວ, ທັງມີປ່າປົກຫຸ້ມກວມ ເຖິງ 82,1% ຂອງພື້ນທີ່ໃນ ທົ່ວປະເທດ.

ເຖິງຢ່າງໃດກໍດີ, ມາຮອດປັດຈຸບັນເຮົາເຫັນວ່າບັນຫາການລັກລອບຕັດໄມ້ທຳລາຍປ່າ, ການຖາງປ່າເຮັດໄຮ່, ການຄ້າຂາຍໄມ້, ການເຄື່ອນຍ້າຍໄມ້ທີ່ຜິດກົດໝາຍແມ່ນຍັງມີໃຫ້ເຫັນຢູ່ໃນບາງທ້ອງຖິ່ນເຂດແຂວງ ເຊິ່ງຈະຕ້ອງໄດ້ເລັ່ງ ສະກັດກັ້ນໃຫ້ໝົດໄປເພື່ອໃຫ້ປ່າໄມ້ໃນລາວອຸດົມ ສົມບູນຂຶ້ນຢູ່ອັນດັບດີໆນຳເພິ່ນ./.

ເນື້ອທີ່​ປ່າ​ໄມ້​ລາວ​ເຮົາ​ຢູ່​ໃນ​ອັນ​ດັບ​ທີ 8 ຂອງ​ໂລກ - 2365 - ເນື້ອທີ່​ປ່າ​ໄມ້​ລາວ​ເຮົາ​ຢູ່​ໃນ​ອັນ​ດັບ​ທີ 8 ຂອງ​ໂລກ
(ພາບປະກອບ)

error: Content is protected !!