ລາວສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

ລາວສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ - advert banner 728 90 728x90 - ລາວສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

ໃນວັນທີ 16 ຕຸລານີ້, ກະຊວງກະສິກໍາ ແລະ ປ່າໄມ້ ຮ່ວມກັບອົງການອາຫານໂລກ ແລະ ການກະເສດ, ພ້ອມດ້ວຍອົງການເພື່ອການພັດທະນາແຫ່ງສະຫະປະຊາຊາດ ໄດ້ຈັດງານສະເຫລີມສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ຂຶ້ນຢູ່ສູນການຄ້າລາວ-ໄອເຕັກ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ລຽນ ທິແກ້ວ ລັດຖະມົນຕີກະຊວງກະສິກໍາ ແລະ ປ່າໄມ້, ມີທ່ານ ນາຊາ ຮາຢັດ ຕາງໜ້າອົງການອາຫານ ແລະ ການກະເສດ, ຕາງໜ້າອົງການເພື່ອການພັດທະນາແຫ່ງສະຫະປະຊາຊາດ ພ້ອມດ້ວຍຕາງໜ້າຈາກອົງການສາກົນຕ່າງໆເຂົ້າຮ່ວມນໍາດ້ວຍ.

ລາວສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ - new3 - ລາວສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

ທ່ານ ລັດຖະມົນຕີກະຊວງກະສິກໍາ ແລະ ປ່າໄມ້ ກ່າວວ່າ: ຄວາມທຸກຍາກ ແລະ ໄພອຶດຫິວ ໄດ້ກາຍເປັນບັນຫາໃຫຍ່ຂອງທົ່ວໂລກມາຫລາຍສະຕະວັດແລ້ວ ຍ້ອນການປ່ຽນແປງດິນຟ້າອາກາດຂອງໂລກທີ່ຮຸນແຮງຂຶ້ນພາໃຫ້ເກີດໄພພິບັດທາງທໍາມະຊາດຢ່າງຕໍ່ເນື່ອງ. ການລະບາດຂອງພະຍາດຄົນ ແລະ ສັດ, ສັດຕູພືດທໍາລາຍເຮັດໃຫ້ຜົນຜະລິດດ້ານສະບຽງອາຫານຕົກຕ່ໍາ. ນອກນັ້ນກໍແມ່ນການເກີດສົງຄາມ, ຄວາມວຸ້ນວາຍທາງການເມືອງ, ສັງຄົມ ຢູ່ໃນພາກພື້ນຂອງໂລກ ນັບທັງຮອບວຽນຂອງວິກິດການດ້ານເສດຖະກິດການເງິນຂອງໂລກທີ່ຖີ່ເຂົ້າ ແລະ ສິ່ງດັ່ງກ່າວໄດ້ເປັນສາເຫດເຮັດໃຫ້ຄວາມທຸກ ແລະ ໄພອຶດຫິວເພີ່ມຂຶ້ນ.ການສະເຫລີມສະຫລອງວັນອາຫານໂລກໃນປີນີ້ຄົບຮອບ 39 ປີ ພາຍໃຕ້ຄໍາຂວັນ: “ການກະທໍາຂອງພວກເຮົາ ຄືອະນາຄົດຂອງພວກເຮົາ, ສົ່ງເສີມການກິນອາຫານທີ່ດີ ມີຄຸນຄ່າ ຕໍ່ສຸຂະພາບ ເພື່ອການລຶບລ້າງຄວາມອຶດຫິວໃນໂລກ”; ການລະນຶກວັນສາກົນລຶບລ້າງຄວາມທຸກຍາກ ຄົບຮອບ 27 ປີ ພາຍໃຕ້ຄໍາຂວັນ: “ຮ່ວມກັນສ້າງຄວາມເຂັ້ມແຂງໃຫ້ກັບເດັກນ້ອຍ, ຄອບຄົວ ແລະ ຊຸມຊົນ ເພື່ອລຶບລ້າງຄວາມທຸກຍາກ”ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ຄົບຮອບ 16 ປີ ພາຍໃຕ້ຄໍາຂວັນ: “ແຂ່ງຂັນຮັກຊາດ ແລະ ພັດທະນາຊົນນະບົດ ເພື່ອແກ້ໄຂຄວາມທຸກຍາກຂອງປະຊາຊົນ”.

ເພື່ອປະຕິບັດວິໄສທັດ, ຍຸດທະສາດ ແລະ ແຜນ 5 ປີ ກ່ຽວກັບກະສິກໍາ, ປ່າໄມ້ ແລະ ພັດທະນາຊົນນະບົດ ແລະລຶບລ້າງຄວາມທຸກຍາກ ຂໍຮຽກຮ້ອງໃຫ້ຂະແໜງການຂັ້ນສູນກາງ, ອົງການປົກຄອງທ້ອງຖິ່ນແຕ່ລະຂັ້ນ, ອົງການຈັດຕັ້ງມະຫາຊົນ, ປະຊາຊົນບັນດາເຜົ່າ, ພາກເອກະຊົນ, ອົງການຈັດຕັ້ງສັງຄົມ ຕ່າງໆ ເອົາໃຈໃສ່ເຂົ້າຮ່ວມຂະບວນການຟື້ນຟູຜົນເສຍຫາຍຈາກໄພນໍ້າຖ້ວມ, ພະຍາດລະບາດ, ເຮັດໃຫ້ຊີວິດການເປັນຢູ່ຂອງປະຊາຊົນທີ່ໄດ້ຮັບຜົນກະທົບກັບເຂົ້າສູ່ສະພາບປົກກະຕິໂດຍໄວ, ປະຕິບັດຄໍາສັ່ງຂອງນາຍົກລັດຖະມົນຕີ ວ່າດ້ວຍການຈັດຕັ້ງປະຕິບັດ 8 ມາດຕະການຊຸກຍູ້ເສດຖະກິດໃຫ້ປະກົດຜົນເປັນຈິງ; ຕັ້ງໜ້າຜັນຂະຫຍາຍຈັດຕັ້ງປະຕິບັດ ດໍາລັດ 348/ລບ ແລະ ບົດແນະນໍາ 0830/ກປ ກ່ຽວກັບມາດຕະຖານພົ້ນທຸກ ແລະ ມາດຕະຖານພັດທະນາ ເຂົ້າສູ່ວຽກງານຕົວຈິງຂອງການພັດທະນາຊົນນະບົດຮອບດ້ານຢູ່ໃນຂອບເຂດທົ່ວປະເທດ; ຮຽກຮ້ອງໃຫ້ອົງການຈັດຕັ້ງສາກົນ ແລະ ຄູ່ຮ່ວມພັດທະນາ ສືບຕໍ່ຮ່ວມກັບບັນດາປະຊາຊາດໃນໂລກ ພ້ອມກັນສົ່ງແຮງໃຈ ແລະ ສະໜັບສະໜູນໄປເຖິງຜູ້ທຸກຍາກ ແລະ ອຶດຫິວ, ຄົ້ນຄ້ວາຊອກຫາວິທີການ ແລະມາດຕະການ ເພື່ອສູ້ຊົນ ຈັດຕັ້ງຜັນຂະຫຍາຍເນື້ອໃນຄໍາຂວັນຂອງ 3 ວັນດັ່ງກ່າວ ໃຫ້ປະກົດຜົນເປັນຈິງ.

ລາວສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ - lattana 1 - ລາວສະຫລອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ
error: Content is protected !!