ຕໍາຫລວດ​ແຂວງ​ຫົວພັນ​ຈັບ​ຂະ​ບວນການ​ຄ້າ​ຢາ​ເສບ​ຕິດ​ລາຍ​​ໃຫຍ່​ພ້ອມ​ຂອງ​ກາງ​ເຮ​​ໂຣອິນ​ນໍ້າໜັກ 20 ກວ່າ​ກິ​ໂລ

ຕໍາຫລວດ​ແຂວງ​ຫົວພັນ​ຈັບ​ຂະ​ບວນການ​ຄ້າ​ຢາ​ເສບ​ຕິດ​ລາຍ​​ໃຫຍ່​ພ້ອມ​ຂອງ​ກາງ​ເຮ​​ໂຣອິນ​ນໍ້າໜັກ 20 ກວ່າ​ກິ​ໂລ - advert banner 728 90 728x90 - ຕໍາຫລວດ​ແຂວງ​ຫົວພັນ​ຈັບ​ຂະ​ບວນການ​ຄ້າ​ຢາ​ເສບ​ຕິດ​ລາຍ​​ໃຫຍ່​ພ້ອມ​ຂອງ​ກາງ​ເຮ​​ໂຣອິນ​ນໍ້າໜັກ 20 ກວ່າ​ກິ​ໂລ

ເຈົ້າ​ໜ້າ​ທີ່ກ​​ອງບັນຊາ​ການ ປກສ ​ແຂວງ​ຫົວພັນ ລາຍ​ງານ​ໃຫ້​ຮູ້​ວ່າ: ​​ໃນ​ວັນ​ທີ 12 ຕຸລາ​ນີ້, ກໍາລັງ​ເຈົ້າ​ໜ້າ​ທີ່​ຂອງ​ຕົນ​ສາມາດ​ຈັບ​ຂະ​ບວນການ​ຄ້າຂາຍ​ຢາ​ເສບ​ຕິດ​ລາຍ​ໃຫຍ່​ໄດ້​ຄື:​ ທ້າວ ລາ​ຈິ​ປາວ (ຖາ​ຍທໍ) ອາຍຸ 27 ປີ, ທ້າວ ຫລ້າ​ເຮີ ອາຍຸ 25 ປີ​ທັງ​ສອງ​ຢູ່​ບ້ານ​ຊົງ​ຈ່າ, ເມືອງ​ນໍ້າ​ບາກ​ແຂວງ​ຫລວງ​ພະ​ບາງ​​ ແລະ ທ້າວ ຕົງ​ຊົວ (ຍົງ​ຢາ) ອາຍຸ 24 ປີ​ຢູ່​ບ້ານ​ຫ້ວຍ​ຫລວງ​, ເມືອງລ​ອງ​ແຂວງ​ຫລວງ​ນໍ້າ​ທາ, ພ້ອມ​ຂອງ​ກາງ​ຢາ​ເສບຕິດ​ປະ​ເພດ​ເຮ​​ໂຣອິນ​ຈໍານວນ 47 ​ແທ່ງ, ລວມມີ​ນໍ້າໜັກ 20,7 ກິ​ໂລ ຊຸກ​ເຊື່ອງ​ໃນ​ລົດ​ກະ​ບະ​ວີ​​ໂກ້, ມີປືນ​ສັ້ນ 1 ກະ​ບອກ, ​ພ້ອມ​ລູກປືນ​ຈຳ​ນວນ​ໜຶ່ງ ​ແລະ ໂທ​ລະ​ສັບ​ມື​ຖື 4 ໜ່ວຍ ​ຈຶ່ງ​ໄດ້​ຢຶດ​ໄວ້​ເປັນ​ຫລັກ​ຖານ ​ເພື່ອ​ດໍາ​ເນີນ​ຄະດີ​ຕາມ​ລະບຽບ​ກົດໝາຍ, ​​​ໂດ​ຍພວກ​ເຂົາຖືກ​ເຈົ້າ​ໜ້າ​ທີ່​ຈັບຕົວ​ໄດ້ໃນ​ຂະນະນັດ​ສົ່ງ​ຢາ​ເສບ​ຕິດ​ດັ່ງກ່າວ​ໃຫ້​ຜູ້​ສັ່ງ​ຊື້​ຢູ່​ເຂດ​ບ້ານ​ລ້ອງ​ກູ້ເມືອງວຽງ​ໄຊ.

ຕໍາຫລວດ​ແຂວງ​ຫົວພັນ​ຈັບ​ຂະ​ບວນການ​ຄ້າ​ຢາ​ເສບ​ຕິດ​ລາຍ​​ໃຫຍ່​ພ້ອມ​ຂອງ​ກາງ​ເຮ​​ໂຣອິນ​ນໍ້າໜັກ 20 ກວ່າ​ກິ​ໂລ - new3 - ຕໍາຫລວດ​ແຂວງ​ຫົວພັນ​ຈັບ​ຂະ​ບວນການ​ຄ້າ​ຢາ​ເສບ​ຕິດ​ລາຍ​​ໃຫຍ່​ພ້ອມ​ຂອງ​ກາງ​ເຮ​​ໂຣອິນ​ນໍ້າໜັກ 20 ກວ່າ​ກິ​ໂລ

   ຜ່ານ​ການສືບສວນ-​ສອບ​ສວນ​ ຂອງ​ເຈົ້າ​ໜ້າ​ທີ່​ໃນເບື້ອງ​ຕົ້ນພວກ​ເຂົາ​ໄດ້​ຮັບ​ສາລະພາບ​ວ່າ: ຢາ​ເສບ​ຕິດ​ດັ່ງກ່າວ​ແມ່ນ​ຂອງ​ພວກ​ກ່ຽວ​ແທ້, ເຊິ່ງ​ໄດ້​ຮ່ວມ​ກັນ​ຄ້າ​ຂາຍໂດຍ​ນັດ​ສົ່ງ​ໃຫ້​ຜູ້​ສັ່ງ​ຢູ່​ເຂດ​ບ້ານ​ລ້ອງ​ກູ້ເມືອງວຽງ​ໄຊ ພໍ​ໄປ​ຮອດ​ກໍ​ຖືກ​ເຈົ້າ​ໜ້າ​ທີ່​ຈັບ​ຕົວ​ກ່ອນ. ​ປັດຈຸ​ບັນ, ຄະ​ດີ​ດັ່ງ​ກ່າວ​ເຈົ້າ​ໜ້າ​ທີ່​ກຳ​ລັງ​ດຳ​ເນີນ​ການ​​ຂະ​ຫຍາຍ​ຜົນຫາ​ພັກ​ພວກ​ຮ່ວມ​ຂະ​ບວນເພື່ອ​ຕິດ​ຕາມຕົວ​ມາ​​ດຳ​ເນີນ​ຄະ​ດີຕາມ​ລະບຽບ​ກົດໝາຍ.

ຕໍາຫລວດ​ແຂວງ​ຫົວພັນ​ຈັບ​ຂະ​ບວນການ​ຄ້າ​ຢາ​ເສບ​ຕິດ​ລາຍ​​ໃຫຍ່​ພ້ອມ​ຂອງ​ກາງ​ເຮ​​ໂຣອິນ​ນໍ້າໜັກ 20 ກວ່າ​ກິ​ໂລ - lattana 1 - ຕໍາຫລວດ​ແຂວງ​ຫົວພັນ​ຈັບ​ຂະ​ບວນການ​ຄ້າ​ຢາ​ເສບ​ຕິດ​ລາຍ​​ໃຫຍ່​ພ້ອມ​ຂອງ​ກາງ​ເຮ​​ໂຣອິນ​ນໍ້າໜັກ 20 ກວ່າ​ກິ​ໂລ
error: Content is protected !!