ສິດທິເດັກ, ການຄ້າມະນຸດ ແລະ ໂພຊະນາການ ເປັນຄວາມຈຳເປັນທີ່ສື່ມວນຊົນລາວຕ້ອງຮູ້ໃຫ້ເລິກເຊິ່ງ

ສິດທິເດັກ, ການຄ້າມະນຸດ ແລະ ໂພຊະນາການ ເປັນຄວາມຈຳເປັນທີ່ສື່ມວນຊົນລາວຕ້ອງຮູ້ໃຫ້ເລິກເຊິ່ງ - advert banner 728 90 728x90 - ສິດທິເດັກ, ການຄ້າມະນຸດ ແລະ ໂພຊະນາການ ເປັນຄວາມຈຳເປັນທີ່ສື່ມວນຊົນລາວຕ້ອງຮູ້ໃຫ້ເລິກເຊິ່ງ

ແຫລ່ງຂ່າວ ຂປລ.ລາຍງານວ່າ: ໃນວັນທີ 16 ຕຸລານີ້, ທີ່ທ່າລາດ ເມືອງແກ້ວອຸດົມ ແຂວງວຽງຈັນ ກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ຮ່ວມກັບອົງການອຸຍນິເຊັບປະຈຳລາວ ໄດ້ຈັດກອງປະຊຸມສື່ມວນຊົນລາວ ກ່ຽວກັບການໂຄສະນາ ໃຫ້ແກ່ວຽກງານສິດທິເດັກ, ການຄ້າມະນຸດ ແລະ ໂພຊະນາການ. ໂດຍມີ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງ ຖວທ, ທ່ານ ອົກຕາວຽນ ບີໂວນ ຜູ້ຕາງໜ້າອົງການອຸຍນິເຊັບ ປະຈຳ ສປປ ລາວ, ພ້ອມດ້ວຍນັກສຳມະນາກອນ ແລະ ເຂົ້າຮ່ວມຢ່າງພ້ອມພຽງເພື່ອຍົກລະດັບຄວາມຮູ້ ແລະ ແລກປ່ຽນຂໍ້ມູນຂອງນັກຂ່າວຈາກສື່ຕ່າງໆ ເຊັ່ນໜັງສືພິມ, ໂທລະພາບ, ວິທະຍຸ ແລະ ສື່ສັງຄົມອອນລາຍ ຕໍ່ບັນຫາທີ່ມີຜົນກະທົບຕໍ່ໍຊີວິດຂອງເດັກ, ບົດລາຍງານການວິໄຈຄວາມຂາດເຂີນແບບທັບຊ້ອນ ລວມທັງວຽກງານໂພຊະນາການ, ສົນທິສັນຍາວ່າດ້ວຍສິດທິເດັກ ຄົບຮອບ 30 ປີ ແລະ ຕ້ານການຄ້າມະນຸດ. ທັງນີ້ເພື່ອເປັນການໂຄສະນາຂົນຂວາຍ ແລະ ເສີມຂະຫຍາຍການປະຕິບັດສົນທິສັນຍາ ວ່າດ້ວຍສິດທິເດັກ ໂດຍສະເພາະການສະເຫລີມສະຫລອງ ສົນ ທິສັນຍາ ວ່າດ້ວຍສິດທິເດັກ ຄົບຮອບ 30 ປີ; ພ້ອມນີ້ ເພື່ອກະກຽມເຂົ້າຮ່ວມຂອງສື່ມວນຊົນ ໃນການເຜີຍແຜ່ບົດລາຍງານ ກ່ຽວກັບສະພາບເດັກນ້ອຍໃນທົ່ວໂລກ ປີ 2019 ພາຍໃຕ້ຫົວຂໍ້ ໂພຊະນາການ(ເດັກເຕ້ຍ).

ສິດທິເດັກ, ການຄ້າມະນຸດ ແລະ ໂພຊະນາການ ເປັນຄວາມຈຳເປັນທີ່ສື່ມວນຊົນລາວຕ້ອງຮູ້ໃຫ້ເລິກເຊິ່ງ - new3 - ສິດທິເດັກ, ການຄ້າມະນຸດ ແລະ ໂພຊະນາການ ເປັນຄວາມຈຳເປັນທີ່ສື່ມວນຊົນລາວຕ້ອງຮູ້ໃຫ້ເລິກເຊິ່ງ

ໃນໂອກາດດັ່ງກ່າວ, ທ່ານ ບົວເງິນ ຊາພູວົງ ໄດ້ກ່າວວ່າ: ສປປ ລາວ ໄດ້ຮັບຮອງ ແລະ ໃຫ້ສັດຕະຍາບັນ ຕໍ່ສົນທິສັນຍາວ່າດ້ວຍສິດທິເດັກ ໃນປີ 1991 ເຊິ່ງປະກອບມີທັງໝົົດ 54 ມາດຕາ, ແຕ່ນັ້ນມາ ສປປ ລາວ ກໍໄດ້ຈັດຕັ້ງຜັນຂະຫຍາຍ ແລະ ນໍາໃຊ້ມາດຕະການຕ່າງໆ ເພື່ອຍົກສູງສິດທິເດັກ ແລະ ປະຕິບັດພັນທະໃນນາມເປັນລັດພາຄີຕະຫລອດມາ. ສົນທິສັນຍາ ວ່າດ້ວຍສິດທິເດັກ ປະກອບດ້ວຍ 4 ສິດທິພື້ນຖານ ຄື: ສິດທິໃນການຢູ່ລອດ, ສິດທິໃນການພັດທະນາ, ສິດທິໃນການປົກປ້ອງ ແລະ ສິດທິໃນການມີສ່ວນຮ່ວມ; ສະເພາະໃນປີ 2019 ແມ່ນປີທີ່ມີຄວາມໝາຍສຳຄັນ ຂອງວຽກງານເປົ້າໝາຍພັດ ທະນາແບບຍືນຍົງ ແລະ ຄົບຮອບ 30 ປີ ຂອງສົນທິສັນຍາ ວ່າດ້ວຍສິດທິເດັກ ເຊິ່ງເປັນໄລຍະທີ່ຫລາຍປະເທດ ຈະມີຄວາມຄືບໜ້າໃນການຈັດຕັ້ງປະຕິບັດ ເປົ້າໝາຍການພັດທະນາແບບຍືນຍົງ ພາຍຫລັງທີ່ມີການຮັບຮອງເອົາໃນປີ 2015. ໃນປີຜ່ານມາ ສປປ ລາວ ໄດ້ສຳເລັດບົດລາຍງານຄວາມຄືບໜ້າ ການ ຈັດຕັ້ງປະຕິບັດບາງເປົ້າໝາຍ ໃນການພັດທະນາແບບຍືນຍົງ ແລະ ໄດ້ເຊື່ອມສານ ການຈັດຕັ້ງປະຕິບັດຕົວຈິງ ເຂົ້າໃນແຜນພັັດທະນາເສດຖະກິດ-ສັງຄົມ ແຫ່ງຊາດຄັ້ງທີ VIII.

ທ່ານ ອົກຕາວຽນ ບີໂວນ ກ່າວວ່າ: ການລົງທຶນພັດທະນາຊັບພະຍາກອນມະນຸດ ເປັນສິ່ງຈຳເປັນທີ່ທຸກພາກສ່ວນ ຕ້ອງໄດ້ເອົາໃຈໃສ່ຮ່ວມກັນ ໂດຍສະເພາະສື່ມວນຊົນ ແມ່ນເປັນພາກສ່ວນທີ່ສຳຄັນຕ້ອງໄດ້ປະກອບສ່ວນໂຄສະນາ ກ່ຽວກັບວຽກສິດທິເດັກພື້ນຖານ ເພື່ອຮັບປະກັນໃຫ້ເດັກໄດ້ຮັບການພັດທະນາ ແລະ ເຂົ້າເຖິງນໍ້າສະອາດ, ບໍລິການສາທາລະນະສຸກ ແລະ ໂພຊະນາການຢ່າງທົ່ວເຖິງ, ລວມໄປເຖິງດ້ານສຸຂະອານາໄມ. ຄ່ຽງຄູ່ກັນນັ້ນ ຕ້ອງໄດ້ເອົາໃຈໃສ່ ວຽກງານຕ້ານການຄ້າມະນຸດຂອງເດັກ ເຊິ່ງເປັນບັນຫາ ທີ່ຕ້ອງໄດ້ພ້ອມກັນຮີບຮ້ອນແກ້ໄຂໃຫ້ມີປະສິດທິຜົນ

ສິດທິເດັກ, ການຄ້າມະນຸດ ແລະ ໂພຊະນາການ ເປັນຄວາມຈຳເປັນທີ່ສື່ມວນຊົນລາວຕ້ອງຮູ້ໃຫ້ເລິກເຊິ່ງ - lattana 1 - ສິດທິເດັກ, ການຄ້າມະນຸດ ແລະ ໂພຊະນາການ ເປັນຄວາມຈຳເປັນທີ່ສື່ມວນຊົນລາວຕ້ອງຮູ້ໃຫ້ເລິກເຊິ່ງ
error: Content is protected !!