ບຸນ​ອອກ​ພັນ​ສາ​ໃຕ້​ບັນຍາກາດ​ຊາດ​ພວມ​ພັດທະນາ

- advert banner 728 90 728x90 - ບຸນ​ອອກ​ພັນ​ສາ​ໃຕ້​ບັນຍາກາດ​ຊາດ​ພວມ​ພັດທະນາ

​ໂດຍ: ທິດ​ກ່ຳ

- new3 - ບຸນ​ອອກ​ພັນ​ສາ​ໃຕ້​ບັນຍາກາດ​ຊາດ​ພວມ​ພັດທະນາ

ບຸນອອກພັນສາປະວໍລະນາປະຈຳປີ ພສ  2562 ເຫັນວ່າ ແຕ່ລະເຂດແຂວງໄດ້ ຈັດຂຶ້ນຢ່າງຄືກຄື້ນ, ມ່ວນຊື່ນເຕັມໄປດ້ວຍຄວາມສະຫງົບປອດໄພໄດ້ຕາມຮີດ ຄອງປະເພນີວັດທະນະທຳອັນດີງາມຂອງຊາດ. ທ່າມກາງ ບັນຍາກາດປີນີ້ກໍເປັນປີໜຶ່ງ ທີ່ປະເທດຊາດຂອງພວກເຮົາພວມກ້າວໄປບົນເສັ້ນ ທາງແຫ່ງການສ້າງສາພັດທະນາໃຕ້ການນຳພາຂອງພັກ ແລະ ລັດຖະບານ, ໂດຍສະເພາະແມ່ນພວມເລັ່ງໃສ່ການ ຜັນຂະຫຍາຍມະຕິຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີແຫ່ງລັດຄັ້ງທີ 8.

- 22414 - ບຸນ​ອອກ​ພັນ​ສາ​ໃຕ້​ບັນຍາກາດ​ຊາດ​ພວມ​ພັດທະນາ
(ພາບປະກອບ)

ແນວໃດກໍຕາມ, ເຖິງວ່າ ປີນີ້ 2 ແຂວງພາກກາງ ແລະ 4 ແຂວງພາກໃຕ້ປະສົບບັນ ຫາໄພພິບັດນ້ຳຖ້ວມຢ່າງໜັກໜ່ວງ, ແຕ່ກໍເຫັນວ່າພວກເຮົາໄດ້ຜ່ານຜ່າວິກິດດ້ວຍການ ບຸກໜ້າປືນຕົວ, ມີຄວາມສາ ມັກຄີເປັນປຶກແຜ່ນຂອງ ປະຊາຊົນພາຍໃນຊາດ ແລະ ເພື່ອນມິດຢ່າງກວ້າງຂວາງ.

ການສະຫລອງບຸນອອກພັນສາປະວໍລະນາປະຈຳປີ ພສ 2562 ນີ້, ເຫັນວ່າມີຫລາຍທ້ອງຖິ່ນເຂດແຂວງເຮັດໄດ້ດີ ແລະ ຈັດຂຶ້ນຢ່າງມີຄວາມໝາຍ, ຫລາກຫລາຍ ສີສັນ, ທັງເບີກບານມ່ວນຊື່ນເປັນຕົ້ນ: ຢູ່ນະຄອນຫລວງວຽງຈັນ, ນະຄອນຫລວງພະບາງ, ນະຄອນໄກສອນ ພົມວິຫານ ແລະ ນະຄອນປາກເຊ ສ່ວນບັນດາເຂດ ແຂວງອື່ນໆ ທີ່ພວກເຮົາໄດ້ເຫັນ ແລະ ໄດ້ຕິດຕາມຂ່າວຄາວນັ້ນກໍມີຫລາຍແຂວງ, ຫລາຍເມືອງເປັນຕົ້ນນັບແຕ່ ແຂວງຜົ້ງສາລີ, ຫລວງນ້ຳ ທາ, ອຸດົມໄຊ, ວຽງຈັນ, ບໍລິຄຳໄຊ, ຄຳມ່ວນ, ສາລະວັນ,   ອັດຕະປື, ເຊກອງ ແລະ ບັນດາເມືອງຕ່າງໆ ໃນທົ່ວປະເທດ.

ໃນຍຸກປະເທດຊາດບ້ານ ເມືອງພວກມີການສ້າງສາພັດທະນາຄືດັ່ງທຸກວັນນີ້, ຖືວ່າການຈັດກິດຈະກຳບຸນ ອອກພັນສາເປັນງານທີ່ສຳຄັນງານໜຶ່ງຕິດພັນກັບການ ທ່ອງທ່ຽວທາງດ້ານວັດທະນະທຳຂອງຊາດບໍ່ວ່າໃນປັດຈຸບັນກໍຄືໃນອະນາຄົດ.

ການສະຫລອງບຸນອອກພັນສາ ແລະ ບຸນອື່ນໆ ຂອງຊາດຕາມຮີດຄອງປະເພນີໄດ້ກາຍເປັນກິດຈະກຳສົ່ງເສີມການທ່ອງທ່ຽວທີ່ສ້າງລາຍໄດ້ໃຫ້ຜູ້ປະກອບການໃນທ້ອງຖິ່ນເຂດແຂວງ ແລະ ປະເທດຊາດເປັນກອບເປັນກຳສົມຄວນ.

- lattana 1 - ບຸນ​ອອກ​ພັນ​ສາ​ໃຕ້​ບັນຍາກາດ​ຊາດ​ພວມ​ພັດທະນາ

ທັງເປັນການກະຕຸກຊຸກ ຍູ້ສົ່ງເສີມເສດຖະກິດ-ສັງຄົມ ຂອງປະເທດໃຫ້ມີການພັດທະນາໄປເລື້ອຍໆ. ພວກເຮົາອາດເວົ້າໄດ້ວ່າປະເພນີ ເຮັດບຸນສິນກິນທານຕາມຮີດຄອງ ຂອງປະຊາຊົນບັນດາເຜົ່ານັ້ນເປັນການຊຸກຍູ້ສົ່ງເສີມສີສັນວັດທະນະທຳຂອງຊາດທີ່ຫລາກຫລາຍກາຍ ເປັນອະລິຍະທຳໃນວິຖີຊີວິດ ຂອງຊາດລາວ, ຄົນລາວທີ່ສືບທອດກັນມາຕາມຍຸກຕາມສະໄໝ.

ເພາະສະນັ້ນ, ຈຶ່ງເວົ້າ ໄດ້ວ່າປະເພນີບຸນອອກພັນສາກໍເປັນງານບຸນໜຶ່ງທີ່ສ້າງສີສັນທາງດ້ານວັດທະນະທຳທີ່ປະຊາຊົນລາວໄດ້ສືບທອດ ກັນມາແຕ່ບູຮານນະການ,   ໃນຍຸກບ້ານເມືອງພວມມີການສ້າງສາພັດທະນາ ແລະ ຢູ່ໃນໂລກພວມໄຝ່ຝັນຫາສິ່ງ ແປກໆໃໝ່ໆທີ່ຫລາກຫລາຍ ງານບຸນອອກພັນສາກໍຈະກາຍເປັນສິ່ງໜຶ່ງທີ່ດຶງດູດນັກທ່ອງທ່ຽວຈາກທຸກສາລະທິດເຂົ້າມາເມືອງລາວເພື່ອຊົມວິຖີຊີວິດ ດ້ານວັດທະນະທຳ ຂອງ ປະຊາຊົນເຜົ່າຕ່າງໆ.

ນອກຈາກນັ້ນ, ໃນຍຸກທີ່ ປະເທດຊາດພວມມີການພັດທະນາ, ອັນເປັນຍຸກຂໍ້ມູນຂ່າວ ສານວ່ອງໄວໄຮ້ພົມແດນຍິ່ງມີຄວາມສຳຄັນຕໍ່ການໂຄສະນາເພື່ອເສີມຮີດຄອງປະເພນີຂອງຊາດອອກສູ່ສາຍຕາຄົນພາຍນອກຢ່າງວ່ອງໄວ ແລະ ທັນການ.

ເຖິງຢ່າງໃດກໍດີ, ສິ່ງທີ່ ເຮົາຄວນເອົາໃຈໃສ່ໃນງານ ບຸນອອກພັນສາແຕ່ລະປີນັ້ນ ຄືຫລັງຈາກສຳເລັດງານບຸນ ໄປແລ້ວບໍ່ຄວນປະຖິ້ມສິ່ງ ກະເຕິະເຮີະ ຮ້າຍໄວ້ໃຫ້ສັງ ຄົມພາຍໃນພາຍນອກເຂົາ ເຫັນເປັນຕົ້ນແມ່ນຖິ້ມຂີ້ ເຫຍື້ອຊະຊາຍເປັນການສະ ແດງໃຫ້ເຫັນເຖິງຄວາມບໍ່ ເປັນລະບຽບ, ຮຽບຮ້ອຍ, ທັງ ກະທົບສິ່ງແວດລ້ອມ ແລະ ຄວາມສວຍງາມຂອງບ້ານ ເມືອງນີ້ລະຄືຄວາມຮັບຜິດ ຊອບຂອງຂະແໜງການທີ່ ກ່ຽວຂ້ອງ./.

error: Content is protected !!