ລາວສະຫລອງວັນລ້າງມືສາກົນ 15 ຕຸລາ

ລາວສະຫລອງວັນລ້າງມືສາກົນ 15 ຕຸລາ - advert banner 728 90 728x90 - ລາວສະຫລອງວັນລ້າງມືສາກົນ 15 ຕຸລາ

ໃນວັນທີ 16 ຕຸລານີ້ ທີ່ໂຮງຮຽນນິຣະດາ ນະຄອນຫລວງວຽງຈັນ, ກະຊວງສຶກສາທິການ ແລະ ກິລາ ຮ່ວມກັບອົງການ GIZ ແລະ ໂຮງຮຽນນິຣະດາ ໄດ້ຈັດກິດຈະກຳສະເຫລີມສະຫລອງ ວັນລ້າງມືສາກົນ(15 ຕຸລາ) ເພື່ອສ້າງຈິດສຳນຶກ ແລະ ໃຫ້ກາຍເປັນຄວາມລຶ້ງເຄີຍໃນການລ້າງມືໃສ່ສະບູທຸກຄັ້ງ ໃນການດຳລົງຊີວິດປະຈຳວັນ ທັງເປັນການສ້າງໃຫ້ນັກຮຽນມີຄວາມລຶ້ງເຄີຍ ໃນການອະນາໄມ ປາກແຂ້ວ ແລະ ລ້າງມື ໃຫ້ສະອາດໃນເວລາຢູ່ໂຮງຮຽນ ຫລື ຢູ່ເຮືອນເພື່ອສຸຂະອະນາໄມທີ່ດີຂອງເດັກ.

ລາວສະຫລອງວັນລ້າງມືສາກົນ 15 ຕຸລາ - new3 - ລາວສະຫລອງວັນລ້າງມືສາກົນ 15 ຕຸລາ

ຮອງຫົວໜ້າກົມສາມັນສຶກສາ ກະຊວງສຶກສາທິການ ແລະ ກິລາ ໄດ້ກ່າວວ່າ: ປັດຈຸບັນຍັງມີຫລາຍພະຍາດທີ່ເປັນໄພຂົ່ມຂູ່ຕໍ່ສຸຂະພາບຂອງເດັກນ້ອຍ ອັນເປັນສາເຫດ ໃຫ້ນັກຮຽນຈຳນວນໜຶ່ງອອກໂຮງຮຽນ, ອັດຕາການປະລະໂຮງຮຽນຍັງສູງ ແລະ ຂາດຮຽນ. ບັນດາພະຍາດ ທີ່ມັກເກີດຂຶ້ນກັບເດັກ ສ່ວນຫລາຍແມ່ນພະຍາດໄຂ້ຍຸງ, ອັກເສບລະບົບຫາຍໃຈຮຸນແຮງ, ຖອກ ທ້ອງ, ແມ່ກາຝາກໃນລຳໃສ້, ປາກ-ແຂ້ວ, ໄຂ້ຫວັດໃຫຍ່ ແລະ ພະຍາດອື່ນໆ. ຍ້ອນສາເຫດມາຈາກການບໍ່ໄດ້ລ້າງມືຖືກຫລັກອະນາໄມ ເປັນຕົ້ນ ການລ້າງມືກ່ອນ-ຫລັງ ຮັບປະທານອາຫານ, ຫລັງໃຊ້ວິດຖ່າຍ ແລະ ອື່ນໆ. ສະນັ້ນ, ສຸຂະພາບເປັນປັດໄຈທີ່ສຳຄັນທີ່ອຳນວຍຄວາມສະດວກ ໃຫ້ແກ່ການສຶກສາຮ່ຳຮຽນ ເພື່ອປະສົບຜົນສຳເລັດ, ຖ້າເດັກມີສຸຂະພາບແຂງແຮງບໍ່ເຈັບບໍ່ເປັນ, ບໍ່ອຶດຫິວ, ສະພາບຂອງໂຮງຮຽນເປັນທີ່ໜ້າຢູ່, ສະອາດ ແລະ ປອດໄພ ເດັກສາມາດຮຽນ ແລະ ມີໂອກາດປະສົບຜົນສຳເລັດ ໃນການສຶກສາ ເຊິ່ງຈະນຳໄປສູ່ການມີທັກສະ ໃນການຮັກສາສຸຂະພາບ ແລະ ການດຳລົງຊີວິດທີ່ດີຂຶ້ນ.

ກອງປະຊຸມສະມັດຊາຂອງອົງການ ສະຫະປະຊາຊາດ ໄດ້ຕົກລົງເອົາປີ 2008 ເປັນປີສຸຂະອະນາໄມ, ໃນນັ້ນ ສຳນັກງານໃຫຍ່ຂອງອຸຍນິເຊັບ ປະຈຳນິວຢອກ ພ້ອມຄູ່ຮ່ວມງານອື່ນໆ ເຫັນດີເອົາວັນທີ 15 ຕຸລາ ຂອງທຸກໆປີ ເປັນວັນລ້າງມືສາກົນ. ຢູ່ ສປປ ລາວ ໄດ້ເລີ່ມຈັດຕັ້ງປະຕິບັດໂຄງການດັ່ງ ກ່າວມາແຕ່ປີ 2008 ໂດຍໄດ້ມີການຈັດກິດຈະກຳ ແລະ ສ້າງຂະບວນການລ້າງມື ຢູ່ໃນສາຍສາມັນ ແລະ ສະຖາບັນສ້າງຄູທົ່ວປະເທດ. ພ້ອມກັນນີ້, ຍັງໄດ້ສ້າງຂະບວນ ແລະ ເຮັດກິດຈະກຳ ໃນການເຮັດ ອະນາ ໄມຕາມໂຮງຮຽນ ແລະ ສະຖາບັນຕ່າງໆ ໂດຍສະເພາະ ການແຂ່ງຂັນຂຽນກາບກອນ ໃນຫລາຍຫົວ ຂໍ້ ເປັນຕົ້ນ ມືສະອາດ ປາສະຈາກພະຍາດຕ່າງໆ ໂດຍໄດ້ໝູນ ກັນໄປແຕ່ລະໂຮງ ຮຽນ. ສຳລັບປີນີ້ຢູ່ນະຄອນຫລວງວຽງຈັນ ແມ່ນຈັດຂຶ້ນຢູ່ໂຮງຮຽນນິຣະດາ ດ້ວຍບັນຍາກາດຟົດຟື້ນ.

error: Content is protected !!