ຄະນະຜູ້ແທນລາວເຂົ້າຮ່ວມກອງປະຊຸມດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ທີ່ປະເທດສິງກະໂປ.

ຄະນະຜູ້ແທນລາວເຂົ້າຮ່ວມກອງປະຊຸມດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ທີ່ປະເທດສິງກະໂປ. - advert banner 728 90 728x90 - ຄະນະຜູ້ແທນລາວເຂົ້າຮ່ວມກອງປະຊຸມດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ທີ່ປະເທດສິງກະໂປ.

ຄະນະຜູ້ແທນກະຊວງວິທະຍາສາດ ແລະ ເຕັກໂນໂລຊີ ຂອງ ສປປ ລາວ ນຳພາໂດຍ ທ່ານ ຫຸມພັນ ອິນທະຣາດ, ຮອງລັດຖະມົນຕີກະຊວງດັ່ງກ່າວ, ທັງເປັນປະທານຄະນະກໍາມະການແຫ່ງຊາດດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ໄດ້ເຂົ້າຮ່ວມກອງປະຊຸມລັດຖະມົນຕີ ດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ອາຊຽນ ຄັ້ງທີ 18, ກອງປະຊຸມຄະນະກໍາມະການອາຊຽນດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາ ອາຊຽນ ຄັ້ງທີ 77 (ASEAN COSTI 77) ແລະ  ກອງປະຊຸມໜ່ວຍງານອື່ນໆທີ່ປີ່ນອ້ອມ ເຖິງ 12 ກອງປະຊຸມ ໃນລະຫວ່າງວັນທີ 6-11 ຕຸລາ ນີ້, ທີ່ປະເທດ ສິງກະໂປ.

ຄະນະຜູ້ແທນລາວເຂົ້າຮ່ວມກອງປະຊຸມດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ທີ່ປະເທດສິງກະໂປ. - new3 - ຄະນະຜູ້ແທນລາວເຂົ້າຮ່ວມກອງປະຊຸມດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ທີ່ປະເທດສິງກະໂປ.

ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອຮັບຟັງການລາຍງານຄວາມຄືບໜ້າການຈັດຕັ້ງປະຕິບັດບັນດາວຽກງານ ແລະ ໂຄງການຮ່ວມມື ອາຊຽນ ດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາ ທີ່ໄດ້ຮັບຮອງເອົາໃນກອງປະຊຸມຄັ້ງທີ່ຜ່ານມາ, ທັງສືບຕໍ່ປຶກສາຫາລື ແລະ ຕົກລົງຮັບຮອງເອົາວຽກງານທີ່ສຳຄັນຕ່າງໆ. ເປັນຕົ້ນແມ່ນ ໄດ້ພິຈາລະນາຮັບຮອງຮ່າງນະໂຍບາຍດ້ານນະວັດຕະກຳ ອາຊຽນ 2019-2025 (ASEAN Innovation Roadmap 2019-2025) ເພື່ອຜັນຂະຫຍາຍ ແລະ ຈັດຕັ້ງປະຕິບັດຖະແຫຼງການ ນະວັດຕະກຳ ອາຊຽນ (ASEAN Declaration on Innovation) ທີ່ໄດ້ຮັບຮອງເອົາໃນກອງປະຊຸມສຸດຍອດອາຊຽນຄັ້ງທີ່ 31st ໃນເດືອນພະຈິກ 2017 ໃຫ້ປະກົດຜົນເປັນຈີງ; ປຶກສາຫາລືກ່ຽວກັບແນວຄວາມຄິດທີ່ຈະຮັບມືກັບການປະຕິວັດອຸດສາຫະກຳ 4.0 ແລະ ພິຈາລະນາວຽກງານທີ່ເປັນບູລິມະສິດດ້ານວິທະຍາສາດ, ເຕັກໂນໂລຊີ ແລະ ນະວັດຕະກຳ ໃນຕໍ່ໜ້າ; ປຶກສາຫາລື ແລະ ແລກປ່ຽນຄຳຄິດເຫັນກ່ຽວກັບການຮ່ວມມືກັນ ແລະ ການສ້າງຄວາມເຂັ້ມແຂງໃຫ້ແກ່ການຈະເລີນເຕີບໃຫຍ່ໃນການແຂ່ງຂັນທາງເສດຖະກິດໃນຂົງເຂດອາຊຽນດ້ວຍການເປັນຜູ້ນຳດ້ານນະວັດຕະກຳ ແລະ ເປັນຜູ້ປະສານທີ່ດີກັບຂະແໜງການທີ່ກ່ຽວຂ້ອງ ແລະ ກັບຄູ່ຮ່ວມມື, ກອງປະຊຸມໄດ້ສະແດງຄວາມຍີນດີ ແລະ ຊົມເຊີຍຕໍ່ຜູ້ໄດ້ຮັບລາງວັນນັກວິທະຍາສາດຍິງ ປະຈຳປີ 2019 ອີກດ້ວຍ.

   ນອກຈາກນັ້ນ, ຄະນະຜູ້ແທນ ສປປ ລາວ ຍັງໄດ້ແຈ້ງຄວາມພ້ອມໃນການກະກຽມການເປັນເຈົ້າພາບຈັດກອງປະຊຸມຄະນະກໍາມະການຮ່ວມມືດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ COSTI-78 ໃນລະຫວ່າງວັນທີ 8-11 ມິຖຸນາ 2020 ແລະ ການຈັດກິດຈະກຳຂອງໂຄງການນັກວິທະຍາສາດໜຸ່ມນ້ອຍ ອາຊຽນ (Odyssey ) ທີ່ຈະໄດ້ຈັດຂຶ້ນໃນລະຫວ່າງວັນທີ 26-29 ກໍລະກົດ 2020 ທີ່ນະຄອນຫລວງວຽງຈັນ.

ຄະນະຜູ້ແທນລາວເຂົ້າຮ່ວມກອງປະຊຸມດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ທີ່ປະເທດສິງກະໂປ. - lattana 1 - ຄະນະຜູ້ແທນລາວເຂົ້າຮ່ວມກອງປະຊຸມດ້ານວິທະຍາສາດ, ເຕັກໂນໂລຊີ ແລະ ນະວັດຕະກໍາອາຊຽນ ທີ່ປະເທດສິງກະໂປ.

ການເຂົ້າຮ່ວມກອງປະຊຸມຄັ້ງນີ້ ນອກຈາກຈະເປັນການປະຕິບັດພັນທະ ແລະ ເພື່ອປົກປ້ອງສິດຜົນປະໂຫຍດຂອງ ສປປ ລາວ ແລ້ວ ຍັງເປັນໂອກາດໃນການປຶກສາຫາລືຂອງການມີສ່ວນຮ່ວມຕໍ່ກັບການຈັດຕັ້ງປະຕິບັດໂຄງການ ແລະ ຍາດແຍ່ງເອົາການຮ່ວມມືຊ່ວຍເຫຼືອຈາກບັນດາປະເທດຄູ່ຮ່ວມເຈລະຈາອີກ​ດ້ວຍ.

error: Content is protected !!