ເບິ່ງກົດໝາຍໃໝ່ອ່ຽມຂອງກຳປູເຈຍ

ເບິ່ງກົດໝາຍໃໝ່ອ່ຽມຂອງກຳປູເຈຍ - 2236544 - ເບິ່ງກົດໝາຍໃໝ່ອ່ຽມຂອງກຳປູເຈຍ
ເບິ່ງກົດໝາຍໃໝ່ອ່ຽມຂອງກຳປູເຈຍ - AGL banner - ເບິ່ງກົດໝາຍໃໝ່ອ່ຽມຂອງກຳປູເຈຍ

ໂດຍ: ວິເສດ ສະແຫວງສຶກສາ

ເມື່ອປີ 2020 ໂປໂລຫົວອອກມາ, ຄໍລຳ “ເບິ່ງກວ້າງເຫັນໄກ” ກໍຈະຍ່າງເຂົ້າປີທີ 3 ເວລາມັນຜ່ານໄປໄວປານຕິດປິກ. ຜູ້ຂຽນຍັງຈຳໄດ້ຄາວສະເໜີນຳຄະນະ ບກ ໜັງສືພິມ “ລາວພັດທະນາ” ໃຫ້ມີຄໍລຳທີ່ຄັດຈ້ອນເອົາສະເພາະບົດຮຽນຈາກຕ່າງແດນໃນຂົງ ເຂດກົດໝາຍ, ມາດຕະການ, ນະໂຍບາຍກ່ຽວກັບການຄຸ້ມຄອງລັດ-ຄຸ້ມຄອງສັງຄົມ ບໍ່ແມ່ນຂ່າວຕ່າງປະເທດທົ່ວໆໄປ.

ໃນນາມເຈົ້າຂອງຄໍລຳ, ຜູ້ຂຽນຂໍຂອບໃຈບັນດາຂາ​ປະ​ຈໍາ ຄໍລຳ ທີ່ຕິດຕາມອ່ານ ແລະ ໃຫ້ກຳລັງໃຈໃນການຊອກຫາມາເລົ່າບົດຮຽນຕ່າງປະເທດທີ່ອາດໝູນໃຊ້ຢູ່ບ້ານເຮົາໄດ້.

ສຳລັບບົດນີ້ ແລະ ບົດປະຈຳອາທິດໜ້າ, ຜູ້ຂຽນຂໍພາທ່ານຜູ້ອ່ານໄປຮູ້ກັບກົດໝາຍຈຳນວນໜຶ່ງທີ່ລັດຖະສະພາຂອງບາງປະເທດຮັບຮອງເອົາ.

ສຳລັບມື້ນີ້, ລອງໄປເບິ່ງກົດໝາຍໃໝ່ອ່ຽມ 2 ສະບັບທີ່ສະພາແຫ່ງຊາດກຳປູເຈຍ ໄດ້ຮັບຮອງເອົາໃນຕົ້ນເດືອນຕຸລາປີນີ້ເອງ, ເຊິ່ງໄດ້ແກ່ກົດໝາຍຄວາມໝັ້ນຄົງທາງສັງ ຄົມ ແລະ ກົດໝາຍການຄ້າລະບົບເອເລັກໂຕນິກ ຫລື “ອີຄອມເມີສ໌”(e-commesce).

ໃນວັນທີ 8 ຕຸລານີ້ ກົດໝາຍວ່າດ້ວຍຄວາມໝັ້ນຄົງທາງສັງຄົມຂອງກຳປູເຈຍໄດ້ຖືກຮັບຮອງເອົາໂດຍສະມາຊິກສະພາແຫ່ງຊາດກຳປູເຈຍຈຳນວນ 105 ທ່ານເຂົ້າຮ່ວມກອງປະຊຸມໃນວັນນັ້ນ. ຈຸດປະສົງຕົ້ນຕໍຂອງກົດໝາຍສະບັບນີ້ແມ່ນເພື່ອຮັບປະກັນຄວາມຍຸຕິທຳ, ຄວາມສະໝານສາມັກຄີທາງສັງຄົມ ແລະ ຄວາມຢູ່ດີກິນດີມີສຸກຂອງປະຊາຊົນ. ການຮັບປະກັນທາງສັງຄົມທີ່ກຳນົດຢູ່ໃນກົດໝາຍສະບັບນີ້ແມ່ນເລັ່ງໃສ່ຮັບປະກັນເງິນ

ເບ້ຍບຳນານ, ການເບິ່ງແຍງສຸຂະພາບ, ການແກ້ໄຂຄວາມສ່ຽງໃນອາຊີບ ແລະ ວຽກເຮັດງານທຳສຳລັບພະນັກງານສັງກັດລັດ, ພະນັກງານໃນພາກເອກະຊົນ ກໍຄືຜູ້ອອກແຮງງານທົ່ວໆໄປ ທີ່ຢູ່ໃນຂອບການຄຸ້ມຄອງຂອງກົດໝາຍແຮງງານ ລວມທັງຜູ້ອອກແຮງງານໃນຂົງເຂດການບິນ, ການເດີນທະເລ, ແຮງງານໃນອາຊີບຄົນໃຊ້ປະຈຳຄົວເຮືອນກໍຄືຜູ້ປະກອບອາຊີບເປັນຂອງຕົນເອງ.

ທ່ານ ອິດຊຳເຮັງ ລັດຖະມົນຕີກະຊວງແຮງງານ ແລະ ການຝຶກອົບຮົມວິຊາຊີບກຳປູເຈຍ ໄດ້ເວົ້າກ່ຽວກັບກົດໝາຍສະບັບນີ້ວ່າ: “ເປັນກົດໝາຍທີ່ມີຄວາມສຳຄັນ, ໂດຍສະເພາະແມ່ນສຳລັບຜູ້ອອກແຮງງານທີ່ມີຖານະຍາກຈົນຢູ່ຕາມໂຮງຈັກ-ໂຮງງານ ເພາະມັນຈະຊ່ວຍໃຫ້ພວກເຂົາເຈົ້າເຂົ້າເຖິງນະໂຍບາຍເບິ່ງແຍງສຸຂະພາບ ແລະ ເບ້ຍບຳ ນານ…”

ເບິ່ງກົດໝາຍໃໝ່ອ່ຽມຂອງກຳປູເຈຍ - Wave100S AD to Website 2020 0 - ເບິ່ງກົດໝາຍໃໝ່ອ່ຽມຂອງກຳປູເຈຍ

   ສ່ວນກົດໝາຍການຄ້າລະບົບເອເລັກໂຕນິກ ທີ່ໄດ້ຖືກຮັບຮອງເອົາໃນວັນດຽວກັນນັ້ນກຳນົດຈຸດປະສົງເພື່ອຄຸ້ມຄອງລະບົບການຄ້າເອເລັກໂຕນິກໃຫ້ສອດຄ່ອງກັບມາດຕະ

ຖານສາກົນ, ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງໃຫ້ສາມາດເຊື່ອມໂຍງເຂົ້າກັບເຄືອຂ່າຍການບໍລິການຂອງຕະຫລາດພາຍໃນ ແລະ ສາກົນ, ຊຸກຍູ້ຫົວຄິດປະດິດສ້າງໃໝ່ໃນການຜະລິດສິນຄ້າໃຫ້ຫລາຍຂຶ້ນ.

    ໃນປັດຈຸບັນ, ທຸລະກິດຂະໜາດນ້ອຍ ແລະ ຂະໜາດກາງໃນກຳປູເຈຍນັ້ນ ມີຫລາຍກວ່າ 500.000 ຫົວໜ່ວຍ, ເຊິ່ງຍັງປະເຊີນກັບຫລາຍບັນຫາດ້ານຄຸນນະພາບຜະລິດຕະພັນ ແລະ ການບໍລິການ, ດ້ານທຶນຮອນບໍ່ພຽງພໍ ກໍຄືການນຳໃຊ້ເຕັກໂນໂລຊີແຫ່ງຍຸກ.

ແຕ່ສຳຄັນສຸດໆ ກໍຄືກົດໝາຍ e-commerce ສະບັບນີ້ຈະຮັບປະກັນຄວາມໂປ່ງໃສ່, ເພາະວ່າໃນໄລຍະຜ່ານມາ, ບັນຫານັກລົງທຶນທີ່ຊື່ສັດປະຕິບັດຕາມກົດໝາຍນັ້ນ ຕ່າງກໍຈົ່ມວ່າການຄ້າທາງອອນລາຍຂອງກຳປູເຈຍນັ້ນຍັງເຮັດກັນແບບແຕກປອກນອກກົດ  ໝາຍ./.

(ບົດນີ້ອີງຕາມຂໍ້ມູນໜັງສືພິມວຽງຈັນທາມສະບັບວັນທີ 10 ຕຸລາ 2019).

ເບິ່ງກົດໝາຍໃໝ່ອ່ຽມຂອງກຳປູເຈຍ - 2236544 - ເບິ່ງກົດໝາຍໃໝ່ອ່ຽມຂອງກຳປູເຈຍ
(ພາບປະກອບ)

ເບິ່ງກົດໝາຍໃໝ່ອ່ຽມຂອງກຳປູເຈຍ - WhatsApp Image 2020 05 27 at 5 - ເບິ່ງກົດໝາຍໃໝ່ອ່ຽມຂອງກຳປູເຈຍ
ເບິ່ງກົດໝາຍໃໝ່ອ່ຽມຂອງກຳປູເຈຍ - WhatsApp Image 2020 05 27 at 5 - ເບິ່ງກົດໝາຍໃໝ່ອ່ຽມຂອງກຳປູເຈຍ
ເບິ່ງກົດໝາຍໃໝ່ອ່ຽມຂອງກຳປູເຈຍ - WhatsApp Image 2020 05 27 at 5 - ເບິ່ງກົດໝາຍໃໝ່ອ່ຽມຂອງກຳປູເຈຍ
ເບິ່ງກົດໝາຍໃໝ່ອ່ຽມຂອງກຳປູເຈຍ - WhatsApp Image 2020 05 27 at 5 - ເບິ່ງກົດໝາຍໃໝ່ອ່ຽມຂອງກຳປູເຈຍ
error: Alert: Content is protected !!