ເຜີຍແຜ່ນະໂຍບາຍວ່າດ້ວຍການໃຫ້ວັກແຊັງກັນພະຍາດໄຂ້ຫວັດລະດູການ

ເຜີຍແຜ່ນະໂຍບາຍວ່າດ້ວຍການໃຫ້ວັກແຊັງກັນພະຍາດໄຂ້ຫວັດລະດູການ - advert banner 728 90 728x90 - ເຜີຍແຜ່ນະໂຍບາຍວ່າດ້ວຍການໃຫ້ວັກແຊັງກັນພະຍາດໄຂ້ຫວັດລະດູການ

ໃນວັນທີ 16 ຕຸລາ ຜ່ານມານີ້, ກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ ໄດ້ເຜີຍແຜ່ນະໂຍບາຍວ່າດ້ວຍການໃຫ້ວັກແຊັງກັນພະຍາດໄຂ້ຫວັດລະດູການ ຂຶ້ນຢູ່ນະຄອນຫລວງວຽງຈັນ ໂດຍການເປັນປະທານຂອງທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ.

ເຜີຍແຜ່ນະໂຍບາຍວ່າດ້ວຍການໃຫ້ວັກແຊັງກັນພະຍາດໄຂ້ຫວັດລະດູການ - new3 - ເຜີຍແຜ່ນະໂຍບາຍວ່າດ້ວຍການໃຫ້ວັກແຊັງກັນພະຍາດໄຂ້ຫວັດລະດູການ

ເພື່ອ​ໃຫ້ການຄຸ້ມຄອງ ແລະ ​ການປະຕິບັດວຽກງານ​ການໃຫ້ວັກແຊັງກັນພະຍາດໄຂ້ຫວັດລະດູການ ໄປໃນທິດທາງດຽວກັນກັບກົດໝາຍວ່າດ້ວຍການໃຫ້ວັກແຊັງກັນພະຍາດ ແລະ ສອດຄ່ອງກັບນະໂຍບາຍ ແລະ ກົດລະບຽບສາກົນດ້ານສາທາລະນະສຸກວາງອອກ, ແນໃສ່ຊຸກຍູ້ສົ່ງເສີມໃຫ້ປະຊາຊົນບັນດາເຜົ່າເຂົ້າມາຮັບວັກແຊັງກັນພະຍາດໄຂ້ຫວັດລະດູການໃຫ້ທັນກັບສະພາບການ ເພື່ອຮັບປະກັນໃຫ້ມີສຸຂະພາບແຂງແຮງ, ການໃຫ້ວັກແຊັງກັນພະຍາດໄຂ້ຫວັດລະດູການ ໄດ້ຖືກຈັດເຂົ້າໃນລະບົບການໃຫ້ວັກແຊັງກັນພະຍາດປົກກະຕິຕາມຕາຕະລາງການໃຫ້ວັກຊິນກັນພະຍາດແຫ່ງຊາດ ຮອດປີ 2030 ເພື່ອໃຫ້ປະເທດເຮົາ ມີຄວາມພ້ອມໃນການຕອບໂຕ້ຕໍ່ການລະບາດຂອງພະຍາດໄຂ້ຫວັດລະດູການທີ່ເກີດ ຫຼືອາດຈະເກີດຂຶ້ນໃນອະນາຄົດຮ່ວມກັບບັນປະເທດໃນພາກພື້ນ ແລະ ໃນໂລກ.

ວັກແຊັງດັ່ງກ່າວ ຈັດໃນກຸ່ມວັກແຊັງຊະນິດເຊື້ອຕາຍນຳມາໃຊ້ໃນມະນຸດ ເພື່ອກະຕຸ້ນຮ່າງກາຍໃຫ້ມີການຜະລິດພູມຄຸ້ມກັນ ການນຳໃຊ້ໃນແຕ່ລະປີ ແມ່ນຂຶ້ນກັບສາຍພັນທີ່ມີການຈໍລະຈອນຂອງເຊື້ອພະຍາດທີ່ແຕກຕ່າງກັນ. ຫລັງຈາກໄດ້ຮັບວັກແຊັງ ແລ້ວຮ່າງກາຍຈະສ້າງພູມຄຸ້ມກັນພາຍໃນ 1 ຫາ 2 ອາທິດ ແລະ ຈະຍັງຄົງຕົວຢູ່ໄດ້ປະມານ 1 ປີ ຫຼືດົນກວ່ານັ້ນ. ກຸ່ມເປົ້າໝາຍໃນການໃຫ້ວັກຊິນກັນພະຍາດໄຂ້ຫວັດລະດູການປະກອບມີ: ແມ່ຍິງຖືພາ, ເດັກນ້ອຍອາຍຸ 6 ເດືອນ ຫາ 5 ປີ, ພະນັກງານສາທາລະນະສຸກລວມທັງບຸກຄະລາກອນກຸ່ມສ່ຽງອື່ນໆ, ຍິງ-ຊາຍ ທີ່ມີອາຍຸແຕ່ 55 ປີ ຂຶ້ນໄປ, ຜູ້ທີ່ເປັນພະຍາດຊຳເຮື້ອ ແລະ ກຸ່ມເປົ້າໝາຍອື່ນ.

error: Content is protected !!