ນັກສຶກສາລາວ ໄປຮຽນຮູ້ການຮັກສາສິ່ງແວດລ້ອມ ແລະ ປ້ອງກັນໄພພິບັດ ຢູ່ຍີ່ປຸ

ນັກສຶກສາລາວ ໄປຮຽນຮູ້ການຮັກສາສິ່ງແວດລ້ອມ ແລະ ປ້ອງກັນໄພພິບັດ ຢູ່ຍີ່ປຸ - advert banner 728 90 728x90 - ນັກສຶກສາລາວ ໄປຮຽນຮູ້ການຮັກສາສິ່ງແວດລ້ອມ ແລະ ປ້ອງກັນໄພພິບັດ ຢູ່ຍີ່ປຸ

ແຫຼ່ງຂ່າວ ລາຍງານວ່າ: ໃນວັນທີ 14 ຕຸລານີ້, ນັກສຶກສາມະຫາວິທະຍາໄລ ຕ່າງໆຂອງສປປ ລາວ ຈຳ ນວນ 19 ຄົນ ໄດ້ໄປປະເທດຍີ່ປຸ່ນ ເພື່ອເຂົ້າຮ່ວມໂຄງການແລກປ່ຽນໃນຫົວຂໍ້ “ການຮັກສາສິ່ງແວດລ້ອມ ແລະ ການປ້ອງກັນໄພພິບັດ” ພາຍໃຕ້ໂຄງການເຄືອຂ່າຍແລກປ່ຽນນັກສຶກສາ ຍີ່ປຸ່ນ ແລະ ອາຊີຕາເວັນອອກ(JENESYS), ເຊິ່ງໄດ້ຮັບການສະໜັບສະໜູນຈາກລັດຖະບານຍີ່ປຸ່ນ, ໂດຍເລີ່ມແຕ່ວັນທີ 15-23 ຕຸລາ 2019. ນັກສຶກສາໄດ້ຖືກຄັດເລືອກຈາກຜູ້ສະໝັກຈຳນວນ 200 ຄົນ, ໂດຍຄະນະກໍາມະການ ຈາກກະຊວງສຶກສາທິການ ແລະ ກິລາ, ລວມທັງສະຖານທູດຍີ່ປຸ່ນປະຈໍາລາວ.  

ນັກສຶກສາລາວ ໄປຮຽນຮູ້ການຮັກສາສິ່ງແວດລ້ອມ ແລະ ປ້ອງກັນໄພພິບັດ ຢູ່ຍີ່ປຸ - new3 - ນັກສຶກສາລາວ ໄປຮຽນຮູ້ການຮັກສາສິ່ງແວດລ້ອມ ແລະ ປ້ອງກັນໄພພິບັດ ຢູ່ຍີ່ປຸ

ບັນດານັກສຶກສາລາວ ຈະໄດ້ໄປຢ້ຽມຊົມນະຄອນຫລວງໂຕກຽວ ແລະ ແຂວງຮິໂຣຊິມະ ເຊິ່ງຕັ້ງຢູ່ພາກຕາເວັນຕົກສ່ຽງໃຕ້ຂອງປະເທດຍີ່ປຸ່ນ, ເມືອງດັ່ງກ່າວ ເປັນທີ່ຮູ້ຈັກໃນຖານະເປັນເມືອງທຳອິດໃນປະຫວັດສາດມະນຸດເຮົາ ທີ່ຖືກລະເບີດປະລຳມະນູຖິ້ມໃສ່. ຫລັງຈາກນັ້ນເປັນຕົ້ນມາ, ເມືອງນີ້ ໄດ້ປະສົບຜົນສຳເລັດໃນການຟື້ນຟູຢ່າງໜ້າອັດສະຈັນ ຈາກໂສກນາດຕະກຳດັ່ງກ່າວ. ໃນທ້າຍເດືອນມິຖຸນາ ຫາ ກາງເດືອນກໍລະກົດ 2018, ຢູ່ເຂດພາກກາງ ແລະ ຕາເວັນຕົກຂອງປະເທດ ຍີ່ປຸ່ນ ລວມໄປເຖິງເມືອງຮິໂຣຊິມະນັ້ນ ໄດ້ຮັບຜົນເສຍຫາຍຈາກຝົນມໍລະສຸມ ເຊິ່ງພາໃຫ້ເກີດດິນຖະຫລົ່ມ ແລະ ອຸທົກກະໄພ. ເຖິງແມ່ນວ່າຈະເກີດມີຄວາມເສຍຫາຍຮຸນແຮງປານໃດ, ປະຊາຊົນພາຍໃນຂົງເຂດກໍໄດ້ຮ່ວມແຮງຮ່ວມໃຈ ແລະ ສືບຕໍ່ສູ້ຊົນເພື່ອບູລະນະ ແລະ ປັບປຸງການບໍລິຫານຄວາມສ່ຽງຂອງໄພພິບັດຢ່າງມີປະສິດທິພາບ ແລະ ມີມາດຕະຖານເພື່ອຄວາມປອດໄພ ແລະ ໃນທ້າຍອາທິດແລ້ວນີ້ ພາຍຸ Hagibis ກໍໄດ້ພັດຖະຫລົ່ມຍີ່ປຸ່ນຕື່ມອີກ ເຮັດໃຫ້ຫລາຍບ່ອນໄດ້ຮັບຜົນເສຍຫາຍຢ່າງໜັກໜ່ວງ. ປັດຈຸບັນລັດຖະບານຍີ່ປຸ່ນ ກໍາລັງດໍາເນີນການຟື້ນຟູຢ່າງຕັ້ງໜ້າ ໃນເຂດທີ່ໄດ້ປະສົບໄພພິບັດ, ພ້ອມນີ້  ນັກສຶກສາລາວ ຈະໄປທັດສະນະຢ້ຽມຊົມສິ່ງອໍານວຍຄວາມສະດວກ ທີ່ກ່ຽວກັບການຮັກສາສິ່ງແວດລ້ອມ ແລະ ການປ້ອງກັນໄພພິບັດ, ພ້ອມທັງໄປທັດສະນະສະຖານທີ່ໆສຳຄັນທາງປະຫວັດສາດ ແລະ ຮຽນຮູ້ປະສົບການພັກອາໄສຢູ່ກັບຄົນຍີ່ປຸ່ນ ພາຍໃນທ້ອງຖິ່ນ ເພື່ອເຮັດໃຫ້ມີຄວາມເຂົ້າໃຈທາງດ້ານສັງຄົມ, ປະຫວັດສາດ ແລະ ວັດທະນະທຳ ອັນຫລາກຫລາຍຂອງປະເທດຍີ່ປຸ່ນ ໃຫ້ເລິກເຊິ່ງ. ໃນປີ 2007,​ ໂຄງການ JENESYS ໄດ້ຮັບການສ້າງຕັ້ງຂຶ້ນເພື່ອສົ່ງເສີມໂຄງການແລກປ່ຽນຄວາມສຳພັນລະ ຫວ່າງປະຊາຊົນ ເພື່ອເປັນການເຊື່ອມປະເທດຍີ່ປຸ່ນເຂົ້າກັບບັນດາປະເທດ ໃນຂົງເຂດອາຊີປາຊີຟິກ ເຊິ່ງລັດຖະບານຍີ່ປຸ່ນ ມີແຜນທີ່ຈະເຊື້ອເຊີນເອົາໄວໜຸ່ມລາວປະມານ 120 ຄົນໄປປະເທດຍີ່ປຸ່ນພາຍໃນສົກປີ 2019 ນີ້.

ນັກສຶກສາລາວ ໄປຮຽນຮູ້ການຮັກສາສິ່ງແວດລ້ອມ ແລະ ປ້ອງກັນໄພພິບັດ ຢູ່ຍີ່ປຸ - G    IMG 0007 - ນັກສຶກສາລາວ ໄປຮຽນຮູ້ການຮັກສາສິ່ງແວດລ້ອມ ແລະ ປ້ອງກັນໄພພິບັດ ຢູ່ຍີ່ປຸ
error: Content is protected !!