ຢາກຜິວງາມດ້ວຍວິຕາມິນເຊຕ້ອງລະວັງຜົນຂ້າງຄຽງຫາກໄດ້ຮັບເກີນຈຳເປັນ

ຢາກຜິວງາມດ້ວຍວິຕາມິນເຊຕ້ອງລະວັງຜົນຂ້າງຄຽງຫາກໄດ້ຮັບເກີນຈຳເປັນ - advert banner 728 90 728x90 - ຢາກຜິວງາມດ້ວຍວິຕາມິນເຊຕ້ອງລະວັງຜົນຂ້າງຄຽງຫາກໄດ້ຮັບເກີນຈຳເປັນ

1. ລົບກວນລະບົບທາງເດີນອາຫານ : ຜົນຂ້າງຄຽງທີ່ພົບຫລາຍທີ່ສຸດຂອງການກິນວິຕາມິນເຊຫລາຍເກີນໄປ ແມ່ນເຈັບທ້ອງ ແລະ ປຸ້ນທ້ອງ ເຊິ່ງທັງໝົດນີ້ເກີດຂຶ້ນເມື່ອວິຕາມິນເຊບໍ່ຖືກດູດຊຶມໄດ້ຢ່າງມີປະສິດທິພາບ, ປະລິມານວິຕາມິນເຊທີ່ ສາມາດກະຕຸ້ນໃຫ້ເກີດບັນຫາເຫລົ່ານີ້ພົບວ່າແຕກຕ່າງກັນໄປໃນແຕ່ລະບຸກຄົນ. ຂະນະທີ່ບາງຄົນລາຍງານວ່າມີບັນຫາຈາກການກິນອາຫານເສີມຫລາຍກ່ວາ 3 ກຣາມຕໍ່ມື້, ແຕ່ບາງຄົນກໍປະສົບບັນຫາພຽງແຕ່ 10 ກຣາມຕໍ່ມື້ເທົ່ານັ້ນ.

ຢາກຜິວງາມດ້ວຍວິຕາມິນເຊຕ້ອງລະວັງຜົນຂ້າງຄຽງຫາກໄດ້ຮັບເກີນຈຳເປັນ - new3 - ຢາກຜິວງາມດ້ວຍວິຕາມິນເຊຕ້ອງລະວັງຜົນຂ້າງຄຽງຫາກໄດ້ຮັບເກີນຈຳເປັນ

     2. ໜິ້ວໃນໝາກໄຂ່ຫລັງ : ເມື່ອວິຕາມິນເຊຖືກເຜົາຜານໃນຮ່າງກາຍ ສານປະກອບທີ່ເອີ້ນວ່າ ອອກຊາເລດ ຈະຖືກຜະລິດອອກມາ ເຊິ່ງໂດຍປົກກະຕິຈະຖືກໄລ່ອອກທາງນຳ້ຍ່ຽວ. ອອກຊາເລດ ໃນລະດັບສູງສາມາດປະສົມເຂົ້າກັບທາດການຊຽມໃນກະແສເລືອດ ແລະ ເພີ່ມຄວາມສ່ຽງຂອງໜິ້ວໃນໝາກໄຂ່ຫລັງໄດ້ ໂດຍຜູ້ທີ່ໄດ້ຮັບວິຕາມິນເຊຫລາຍກ່ວາ 1.000 ມິນລີກຣາມ ຕໍ່ມື້ ມີຄວາມສ່ຽງຕໍ່ການເກີດໜິ້ວໃນໝາກໄຂ່ຫລັງສູງກ່ວາ 41% ເມື່ອປຽບກັບຜູ້ທີ່ໃຊ້ເວລາໜ້ອຍກ່ວາ 90 ມິນລີກຣາມຕໍ່ມື້.

     3. ມີທາດເຫລັກເກີນ : ວິຕາມິນເຊສົ່ງເສີມການດູດຊຶມຂອງທາດເຫລັກ ແລະ ຊ່ວຍປ້ອງກັນພະຍາດເລືອດຈາງຈາກການຂາດທາດເຫລັກ. ໃນທາງກົງກັນຂ້າມ, ການໄດ້ຮັບວິຕາມິນເຊໃນປະລິມານສູງ ສາມາດເພີ່ມການດູດຊຶມທາດເຫລັກ ເມື່ອຮ່າງກາຍດູດຊຶມທາດເຫລັກໃນປະລິມານທີ່ເປັນອັນຕະລາຍອາດເຮັດໃຫ້ພະເຊີນກັບຄວາມເສຍຫາຍຂອງເນື້ອເຍື່ອ ຫາກບໍລິໂພກວິຕາມິນເຊໃນປະລິມານສູງໃນໄລຍະເວລາດົນ.

     4. ພະຍາດຫົວໃຈ ແລະ ຫລອດເລືອດ : ວິຕາມິນເຊເປັນທີ່ຮູ້ຈັກສຳລັບຄຸນສົມບັດຕ້ານອະນຸມູນອິດສະຫລະທີ່ປົກປ້ອງຮ່າງກາຍຈາກພະຍາດ, ແຕ່ພາຍໃຕ້ເງື່ອນໄຂບາງຢ່າງ ມີຜົນການສຶກສາໜຶ່ງສະແດງໃຫ້ເຫັນວ່າ ການໄດ້ຮັບວິຕາມິນເຊໃນປະລິມານສູງສາມາດກະຕຸ້ນໃຫ້ເກີດພະຍາດຫົວໃຈ ແລະ ຫລອດເລືອດ ເຊິ່ງການບໍລິໂພກວິຕາມິນເຊຫລາຍກ່ວາ 300 ມິນລີກຣາມຕໍ່ມື້ ນັ້ນກ່ຽວຂ້ອງກັບພະຍາດຫົວໃຈ ແລະ ຫລອດເລືອດໃນແມ່ຍິງໄວໝົດປະຈຳເດືອນທີ່ເປັນພະຍາດເບົາຫວານນຳ.

ຢາກຜິວງາມດ້ວຍວິຕາມິນເຊຕ້ອງລະວັງຜົນຂ້າງຄຽງຫາກໄດ້ຮັບເກີນຈຳເປັນ - lattana 1 - ຢາກຜິວງາມດ້ວຍວິຕາມິນເຊຕ້ອງລະວັງຜົນຂ້າງຄຽງຫາກໄດ້ຮັບເກີນຈຳເປັນ

     5. ຄວາມເສຍຫາຍທາງກຳມະພັນ : ໃນຂະນະທີ່ວິຕາມິນເຊເປັນທີ່ຮູ້ຈັກດີສຳລັບຄຸນສົມບັດຂອງສານຕ້ານອະນຸມູນອິດສະຫລະ ໃນການສຶກສາໜຶ່ງທີ່ອາສາສະໝັກມີສຸຂະພາບດີໄດ້ຮັບວິຕາມິນເຊເສີມທຸກມື້ ເປັນເວລາ 6 ອາທິດ ລາຍງານຄວາມເສຍຫາຍຈາກການອອກຊິເດຊັນຢູ່ຂະໜາດ 500 ມິນລີກຣາມຕໍ່ມື້ ນັກວິໄຈຄາດການວ່າໃນຖານະທີ່ເປັນສານອອກຊິເດຊັນ ອາຫານເສີມວິຕາມິນເຊສາມາດແກ້ໄຂ ແລະ ທຳລາຍ DNA ແລະ ອາດນຳໄປສູ່ພະຍາດ ເຊັ່ນ : ມະເຮັງໄດ້.

     6. ເຮັດໃຫ້ການທົດລອງເລືອດບໍ່ເປັນຜົນ : ຈາກການວິໄຈພົບວ່າ ວິຕາມິນເຊອາດມີປະຕິກິລິຍາກັບຢາບາງຊະນິດ ການກິນວິຕາມິນເຊທີ່ຫລາຍເກີນໄປອາດລົບກວນການທົດລອງໃນຫ້ອງທົດລອງບາງເທື່ອ ເຊັ່ນ : ເຊລໍ່າຄຣີຕິນ ເຊິ່ງນຳໄປສູ່ຜົນທີ່ອອກມາບໍ່ຖືກຕ້ອງ. ນອກນີ້ຍັງອາດບິດເບືອນການທົດລອງນຳ້ຕານໃນເລືອດ ຫາກທ່ານມີກຳນົດສຳລັບການທົດລອງທາງການ ແພດໃດໆ ຢ່າລືມແຈ້ງທ່ານໝໍກ່ຽວກັບອາຫານເສີມວິຕາມິນທີ່ທ່ານກິນຢູ່ນຳ.

error: Content is protected !!