ສັກສີການໂຄສະນາຕົນເອງ

- advert banner 728 90 728x90 - ສັກສີການໂຄສະນາຕົນເອງ

​ເພື່ອນ​ຜູ້​ອ່ານ​ທີ່​ຮັກ​ແພງ, ດັ່ງ​ພວກ​ເຮົາ​ຮັບ​ຮູ້​ນຳ​ກັນ​ແລ້ວ​ວ່າ: ​ໃນ​ຍຸກ​ຂໍ້​ມູນ​ຂ່າວສານ, ການ​ໂຄສະນາ​ໂປຣ​ໂມ​ດຕົນ​ເອງ​ແມ່ນ​ມີ​ຄວາມ​ສຳຄັນ​ຫລາຍ ​ເພື່ອ​ສັກ​ສີ ​ແລະ ກາ​ຍະ​ພາບ​ຂອງ​ວຽກ​ງານ​ຕົນ​ເອງ. ຖ້າ​ແມ່ນ​ຫົວໜ່ວຍ​ທຸລະ​ກິດ ​ແລະ ຜູ້​ຜະລິດ​ສິນຄ້າ​ຕ່າງໆ​ຍິ່ງ​ມີ​ຄວາມ​ຈຳ​ເປັນ ​ເພື່ອ​ສັງຄົມ ​ແລະ ລູກ​ຄ້າ​ໄດ້​ຮັບ​ຮູ້ ​ແລະ ມາ​ຈັບ​ຈ່າຍ​ຊື້ສິ່ງ​ຂອງ​ຕ່າງໆ​ເຫລົ່ານັ້ນ ​ແລະ ພ້ອມ​ນັ້ນ ກໍ​ຈະ​ເຮັດ​ໃຫ້​ຊື່​ສຽງ​ຮຽງ​ນາມ​ຂອງ​ຕົນ​ເອງ​ດັງ​ກ້ອງ​ໄປ​ໄກ ​ແລະ ຄຽງ​ຄູ່​ກັນນັ້ນ ກໍ​ເປັນ​ໂອກາດ​ຊ່ວຍ​ໃຫ້​ສື່​ໂຄສະນາ​ຕ່າງໆ​ເຕີບ​ໃຫຍ່​ຂະຫຍາຍຕົວ ນັບ​ທັງ​ດ້ານ​ປະລິມານ ​ແລະ ຄຸນ​ນະພາ​ບ ​ເພື່ອ​ແກ່ງ​ແຍ້​ງ​ແຂ່ງຂັນ​ຍາດ​ເອົາ​ໂອກາດ​ດັ່ງກ່າວ ​ເພື່ອ​ຫາ​ຜົນ​ປະ​ໂຫຍ​ດ ​ແລະ ລາຍ​ຮັບ​ມາສູ່​ເຂົາ​ເຈົ້າດ້ວຍ​ຫລາຍ​ຮູບ​ແບບ ນັບ​ທັງ​ສື່​ໃຫຍ່​ສື່​ນ້ອຍ, ສື່​ພາກ​ລັດ ​ແລະ ​ເອກະ​ຊົນ, ສື່​ທາງ​ການ ​ແລະ ບໍ່​ເປ​ັນທາງ​ການ​ຕ່າງໆ​ນາໆ​ເກີດ​ຂຶ້ນ ​ໂດຍ​ສະ​ເພາະ​ແມ່ນ​ສື່​ສັງຄົມ​ອອນ​ລາຍ ​ເຊິ່ງ​ເປັນ​ສື່​ໜຶ່ງ​ທີ່​ສ້າງ​ຕົນ​ເອງ​ໄດ້​ງ່າຍ​ກໍ​ແຂ່ງຂັນ​ເກີດ​ຂຶ້ນ​ເໝືອນ​ດັ່ງ​ດອກ​ເຫັດ​ແລ້ວ​ແຕ່​ຜູ້​ຕ້ອງການ​ໂຄສະນາ​ຕົນ​ເອງ ສາມາດ​ເລືອກ​ເອົາ​ຕາມ​ໃຈ​ມັກ ​ເພື່ອ​ເຮັດ​ແນວ​ໃດ​ໃຫ້​ບໍລິສັດ ​ແລະ ຜະລິດ​ຕະພັນ​ຂອງ​ຕົນ​ເປັນ​ທີ່​ຮັບ​ຮູ້​ຂອງ​ສັງຄົມ​ກໍ​ພໍ​ແລ້ວ, ​ແຕ່​ໃນ​ຕົວ​ຈິງ​ຄວາມ​ຮັບ​ຮູ້ ​ແລະ ຄວາມ​ເຂົ້າ​ໃຈ​ດັ່ງກ່າວ​ມັນ​ຈະ​ບໍ່​ຖືກຕ້ອງ​ສະ​ເໝີ​ໄປ.

ຖ້າ​ເວົ້າ​ເຖິງ​ກຽດ​ສັກ​ສີ​ຂອງ​ການ​ໂຄສະນາ​ໂປຣ​ໂມ​ດຕົ​ນ​ເອງ​ແລ້ວ ບັນດາ​ບໍລິສັດ​ໃຫຍ່ ​ແລະ ມີ​ຊື່​ສຽງ​ແລ້ວ ​ເຂົາ​ເຈົ້າຈະ​ຖື​ສຳຄັນ​ທີ່​ສຸດ​ໃນ​ການ​ເລືອກ​ເຟັ້ນບັນດາ​ສື່​ໂຄສະນາ​ເຫລົ່ານັ້ນ​ແນວ​ໃດ​ໃຫ້​ແທດ​ເໝາະ ​ແລະ ​ເປັນ​ໜ້າ​ເຊື່ອ​ຖື​ຂອງ​ສັງຄົມ, ບໍ່​ໝາຍ​ຄວາມ​ວ່າ ຢາກ​ລົງ​ໂຄສະນາ​ໃນ​ເວ​ບ​ໄຊ, ​ເຟສບຸກ ຫລື ສື່​ສິ່ງ​ພິມ​ໃດ​ກໍ​ຕາມ​ໃຈ​ມັກ ​ໂດຍ​ບໍ່ຄຳນຶງ​ເຖິງ​ກຽດ​ສັກ​ສີ​ຂອງ​ມັນ ​ແລະ ສື່​ນັ້ນຈະ​ຖືກຕ້ອງ​ຕາມ​ທາງ​ການ ຫລື ບໍ່ກໍ​ຊ່າງ​ມັນ ​ແລະ ປາກົດການ​ເຫລົ່າ​ນີ້​ໄດ້​ມີ​ຂຶ້ນຫລາຍ​ຢູ່​ປະ​ເທດ​ເຮົາ​ແລ້ວ​ ຫລາຍ​ຄັ້ງ​ເຂົ້າ​ໄປ​ໃນ​ເວ​ບ​ໄຊ ​ແລະ ​ເຟສບຸກສ່ວນ​ຕົວ​ຂອງ​ບຸກຄົນ ຫລື ກຸ່ມ​ຄົນ​ໃດ​ໜຶ່ງ​ສ້າງ​ຂຶ້ນຢ່າງ​ບໍ່​ເປັນ​ທາງ​ການ​ຫລາຍ​ອັນ​ກໍ​ເຫັນ​ການ​ໂຄສະນາ​ຂອງ​ບັນດາ​ບໍລິສັດ​ຍັກ​ໃຫຍ່​ໃນ​ລາວ​ເຮົາ​ເຕັມ​ໄປ​ໝົດ ​ແລະ ​ເວົ້າ​ແບບ​ນີ້​ອອກ​ມາ​ຜິດ​ບໍ່ ? ມັນ​ກໍ​ບໍ່​ຜິດ​ດອກ ​ແຕ່​ຜູ້​ອ່ານ, ຜູ້​ເບິ່ງ, ຜູ້​ຟັງ​ຫລາຍ​ຄົນ​ທີ່​ມີ​ລະດັບ​ ​ເຂົາ​ເຈົ້າກໍ​ຈະ​ນິນທາ​ເຖິງ​ກຽດ​ສັກ​ສີ​ຂອງ​ຜູ້​ລົງ​ໂຄສະນາ​ໂປຣ​ໂມ​ດຕົນ​ເອງ​ເຫລົ່ານັ້ນ​ເຖິງ​ສັກກະ​ຍະ​ພາບ​ຂອງ​ມັນ.

- Tiger Head 728x90 - ສັກສີການໂຄສະນາຕົນເອງ
- 1 1 - ສັກສີການໂຄສະນາຕົນເອງ

ກໍ​ດັ່ງ​ບົດຮຽນ​ໄດ້​ພິສູດ​ໃຫ້​ເຮົາ​ເຫັນ​ໃນ​ບໍລິສັດ​ຍັກ​ໃຫຍ່​ຂອງ​ໂລກ​ດັ່ງ​ແປັບ​ຊີ, ​ໂຄຄາ-​ໂຄ​ລາ, ​ເບຍ​ຮາ​ຍນີ​ເກັນ ຫລື ຍີ່​ຫໍ້​ສິນຄ້າ​ຊື່​ດັງ​ຕ່າງໆ ຄື​ອາ​ດິດາດ, ​ໄນ​ກີ, ລຸຍ​ວິກຕ໋ອງ ​ແລະ ອື່ນໆ ​ເຂົາ​ເຈົ້າກໍ​ຈະ​ບໍ່​ລົງ​ໂຄສະນາ​ຕົນ​ເອງ​ໃນ​ເວ​ບ​ໄຊ​ນ້ອຍໆ​ທີ່​ບໍ່​ເປັນ​ທາງ​ການ​ໃດ​ໜຶ່ງ ​ເພື່ອ​ເຮັດ​ໃຫ້​ກຽດ​ສັກ​ສີ​ຂອງ​ເຂົາ​ເຈົ້າ​ເຊື່ອມ​ຖອຍ.

error: Content is protected !!