ຄະນະຜູ້ແທນລາວສຳເລັດເຂົ້າຮ່ວມກອງປະຊຸມລັດຖະມົນຕີ ກະສິກໍາ ແລະ ປ່າໄມ້ ອາຊຽນ ຄັ້ງທີ 41

ຄະນະຜູ້ແທນລາວສຳເລັດເຂົ້າຮ່ວມກອງປະຊຸມລັດຖະມົນຕີ ກະສິກໍາ ແລະ ປ່າໄມ້ ອາຊຽນ ຄັ້ງທີ 41 - advert banner 728 90 728x90 - ຄະນະຜູ້ແທນລາວສຳເລັດເຂົ້າຮ່ວມກອງປະຊຸມລັດຖະມົນຕີ ກະສິກໍາ ແລະ ປ່າໄມ້ ອາຊຽນ ຄັ້ງທີ 41

ໃນວັນທີ 14-18 ຕຸລາ ຜ່ານມານີ້,​ ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະ ໄດ້​ເຂົ້າ​ຮ່ວມກອງ​ປະຊຸມ​ລັດຖະມົນຕີ ກະສິກຳ ​ແລະ ປ່າ​ໄມ້ ອາຊຽນ ຄັ້ງ​ທີ 41,  ກອງ​ປະຊຸມ​ລັດຖະມົນຕີ ກະສິກຳ ​ແລະ ປ່າ​ໄມ້ ອາຊຽນ+3 ຄັ້ງທີ 19, ກອງປະຊຸມລັດຖະມົນຕີກະສິກຳ ​ແລະ ປ່າ​ໄມ້ ອາຊຽນ+ອິນເດຍ ຄັ້ງທີ 6 ແລະ ກອງປະຊຸມກ່ຽວຂ້ອງ ທີ່ໄດ້ຈັດຂຶ້ນ ຢູ່ປະເທດບຣູໄນ. ເພື່ອລາຍງານຜົນການຈັດຕັ້ງປະຕິບັດວຽກງານໃນຊຸມປີຜ່ານມາ ແລະ ແຜນການຕໍ່ໜ້າໃນ​ຂອບ​ການຮ່ວມ​ມື​ດ້ານສະ​ບຽງ​ອາ​ຫານ​, ກະ​ສິ​ກຳ ແລະ ປ່າ​ໄມ້ອາ​ຊຽນ ແລະ ການຮ່ວມມື ກັບ ບັນດາປະເທດອາຊຽນ+3 (ຍີປຸ່ນ, ສປ ຈີນ ແລະ ສ ເກົາຫຼີ), ອິນເດຍ ແລະ ບັນດາຄູ່ຮ່ວມພັດທະນາຕ່າງໆ ທີ່ກ່ຽວຂ້ອງ.

ຄະນະຜູ້ແທນລາວສຳເລັດເຂົ້າຮ່ວມກອງປະຊຸມລັດຖະມົນຕີ ກະສິກໍາ ແລະ ປ່າໄມ້ ອາຊຽນ ຄັ້ງທີ 41 - new3 - ຄະນະຜູ້ແທນລາວສຳເລັດເຂົ້າຮ່ວມກອງປະຊຸມລັດຖະມົນຕີ ກະສິກໍາ ແລະ ປ່າໄມ້ ອາຊຽນ ຄັ້ງທີ 41

ໃນກອງ​ປະຊຸມ​ລັດຖະມົນຕີ ກະສິກຳ ​ແລະ ປ່າ​ໄມ້ ອາຊຽນ ຄັ້ງ​ທີ 41ໄດ້ຕົກລົງຮັບຮອງເອົາເອກະສານທັງໝົດ 31 ສະບັບ ເຊິ່ງເປັນເອກະສານທາງດ້ານນະໂຍບາຍ, ແຜນການ ແລະ ເຕັກນິກໃນວຽກງານກະສິກໍາ ແລະ ປ່າໄມ້. ນອກນີ້, ໃນກອງ​ປະຊຸມ​ຍັງໄດ້ເຊັນບົດບັນທຶກຄວາມເຂົ້າໃຈ ການຮ່ວມມືອາຊຽນ ວ່າ​ດ້ວຍ ໂຄງການສົ່ງເສີມຜະລິດຕະພັນກະສິກໍາ ແລະ ປ່າໄມ້ (MOU on ASEAN Co-operation in Agriculture and Forest Products Promotion Scheme). ພ້ອມນີ້, ທ່ານຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ພ້ອມດ້ວຍຄະນະຍັງໄດ້ຮ່ວມເຂົ້າກອງປະຊຸມພົບປະສອງຝ່າຍຮ່ວມກັບ ສະພາທຸລະກິດອາຊຽນ-ອາເມລິກາ ເຊິ່ງໃນກອງປະຊຸມໄດ້ມີການລາຍງານສະພາບການຜະລິດ, ທ່າແຮງບົ່ມຊ້ອນຂອງການລົງທຶນໃນຂະແໜງກະສິກໍາ ແລະ ປ່າໄມ້ ແລະ ປຶກສາຫາລື ກ່ຽວກັບທິດທາງການຮ່ວມມືໃນຕໍ່ໜ້າຂອງທັງສອງຝ່າຍທີ່ມີຄວາມສົນໃຈຮ່ວມກັນອີກດ້ວຍ.

error: Content is protected !!