ກະຊວງກະສິກໍາ-ປ່າໄມ້ ປາຖະກະຖາວັນອາຫານໂລກ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ

ກະຊວງກະສິກໍາ-ປ່າໄມ້ ປາຖະກະຖາວັນອາຫານໂລກ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ - advert banner 728 90 728x90 - ກະຊວງກະສິກໍາ-ປ່າໄມ້ ປາຖະກະຖາວັນອາຫານໂລກ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ

ໃນທ້າຍອາທິດຜ່ານມາ, ກະຊວງກະສິກໍາ ແລະ ປ່າໄມ້ (ກປ) ໄດ້ຈັດພິທີປາຖະກະຖາ ເນື່ອງໃນໂອກາດສະເຫຼີມສະຫຼອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ, ເພື່ອໃຫ້ພະນັກງານຈາກບັນດາກະຊວງ ແລະ ອົງການຕ່າງໆ ໄດ້ຮັບຮູ້ເຂົ້າໃຈກ່ຽວກັບວັນດັ່ງກ່າວ, ທັງເປັນການປຸກລະດົມຂະບວນການແຂ່ງຂັນຮັກຊາດ ແລະ ພັດທະນາ ເພື່ອຍົກສູງຈິດໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ທັງເປັນການຊຸກຍູ້ວຽກງານຄໍ້າປະກັນສະບຽງອາຫານ, ສົ່ງເສີມການຜະລິດເປັນສິນຄ້າ, ການພັດທະນາຊົນນະບົດ ແລະ ລຶບລ້າງຄວາມທຸກຍາກໃຫ້ກາຍເປັນຂອງທົ່ວພັກ-ລັດ ແລະ ທົ່ວປວຊົນຢ່າງແທ້ຈິງ. ໂດຍທ່ານ ຄໍາບຸນນັດ ໄຊຍະນົນ ຮອງລັດຖະມົນຕີ ກະຊວງດັ່ງກ່າວໄດ້ຍົກໃຫ້ເຫັນວ່າ: ຄວາມທຸກຍາກ ແລະ ໄພອຶຶດຫິວໄດ້ຄຸກຄາມຊີວິດ ແລະ ສະຫວັດດີພາບຂອງມວນມະນຸດມາຕັ້ງແຕ່ໃດໆ ແລະ ແມ່ນແຕ່ຢູ່ໃນຍຸກທີ່ມີຄວາມສີວິໄລຮຸ່ງເຮືອງທີ່ສຸດຂອງສັງຄົມມະນຸດກໍຍັງມີຄົນທີ່ທຸກຍາກລຳບາກປາກົດໃຫ້ເຫັນຢູ່ສະເໝີມາບໍ່ໄດ້ຮັບການແກ້ໄຂໃຫ້ຕົກໄປຈັກເທື່ອ. ດັ່ງນັ້ນກ່ອນຊຸມປີ 1960 ຄວາມທຸກຍາກ ຈຶ່ງຖືວ່າເປັນເລື່ອງທໍາມະດາຂອງສັງຄົມມະນຸດ ແລະ ໄດ້ຖືວ່າປະກົດການນີ້ ແມ່ນເກີດມີມາພ້ອມມະນຸດ ແລະ ບໍ່ສາມາດແກ້ໄຂໃຫ້ໝົດໄປໄດ້. ໃນເວລານັ້ນວິທະຍາສາດ ແລະ ເຕັກໂນໂລຊີບໍ່ທັນຂະຫຍາຍຕົວ, ການສະໜອງສະບຽງອາຫານ ແລະ ຄວາມສະດວກສະບາຍໃຫ້ແກ່ຄົນໃນສັງຄົມ ຈຶ່ງມີຂີດຈຳກັດ, ນອກນັ້ນ, ຍັງມີໄພທໍາມະຊາດ, ການລະບາດຂອງພະຍາດບວກໃສ່ກັບຂໍ້ຂັດແຍ່ງທາງສັງຄົມ, ຄວາມວຸ້ນວາຍຕະຫຼອດຮອດເສິກສົງຄາມໄດ້ເຮັດໃຫ້ມະນຸດຈຳນວນຫຼວງຫຼາຍຕົກຢູ່ໃນຄວາມທຸກຍາກຈາກຮຸ່ນຄົນນີ້ສືບທອດໃສ່ຮຸ່ນຄົນຕໍ່ໆມາ.

ກະຊວງກະສິກໍາ-ປ່າໄມ້ ປາຖະກະຖາວັນອາຫານໂລກ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ - new3 - ກະຊວງກະສິກໍາ-ປ່າໄມ້ ປາຖະກະຖາວັນອາຫານໂລກ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ
ກະຊວງກະສິກໍາ-ປ່າໄມ້ ປາຖະກະຖາວັນອາຫານໂລກ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ - Dpmd1L1U4AAU Kq 1024x576 - ກະຊວງກະສິກໍາ-ປ່າໄມ້ ປາຖະກະຖາວັນອາຫານໂລກ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ

ເຖິງວ່າໃນເວລານັ້ນ, ມີບັນດາປະເທດທີ່ເດີນຕາມເສັ້ນທາງສັງຄົມນິຍົມໄດ້ຢືນຢັນວ່າ ມະນຸດເຮົາສາມາດສ້າງສັງຄົມສະເໝີພາບປາສະຈາກການກົດຂີ່ຂູດຮີດ ແລະ ຄວາມທຸກຍາກໄດ້ກໍຕາມ ຍ້ອນວ່າ ປະເທດເຫຼົ່ານັ້ນຍັງມີຈໍານວນໜ້ອຍ ແລະ ຜົນງານກໍຍັງບໍ່ທັນໂດດເດັ່ນ. ຕໍ່ມາຈຶ່ງໄດ້ມີຄວາມຮັບຮູ້ໃໝ່ວ່າ ຄວາມທຸກຍາກແມ່ນປາກົດການສັງຄົມທີ່ມະນຸດສ້າງຂຶ້ນມາເອງເປັນສ່ວນໃຫຍ່ ມັນສະແດງອອກ ຢູ່ບ່ອນວ່າ: ຄວາມກ້າວໜ້າທາງດ້ານວິທະຍາສາດຈໍານວນບໍ່ໜ້ອຍ ແທນທີ່ຈະຖືກນຳໃຊ້ມາຮັບໃຊ້ໃຫ້ ການແກ້ໄຂຄວາມທຸກຍາກ ແລະ ສົ່ງເສີມສະຫວັດດີພາບຂອງມະນຸດ ຊໍ້າພັດໄດ້ຖືກສວຍໃຊ້ເປັນເຄື່ອງມືໃນການກໍ່ສົງຄາມ, ລ່າເມືອງຂຶ້ນ ແລະ ກົດຂີ່ຂູດຮີດ ເຮັດໃຫ້ຄວາມທຸກຍາກຂອງມວນມະນຸດຍິ່ງສາຫັດ ແລະ ໜັກໜ່ວງຂຶ້ນ. ນອກນີ້ ມະນຸດເຮົາ ກໍຍັງຈໍາແນກແບ່ງແຍກກັນເອງ ເຊັ່ນ: ລັດທິຈໍາແນກເຊື້ອຊາດຜິວພັນ, ຈໍາແນກສາດສະໜາ, ຈໍາແນກເພດ-ເຜົ່າ-ຊັ້ນວັນນະ ແລະອື່ນໆ. ດ້ວຍເຫດນີ້, ຈຶ່ງເກີດມີຂະບວນມະຫາຊົນຜູ້ກ້າວໜ້າ ລຸກຂຶ້ນຕໍ່ສູ້ດ້ວຍຫຼາຍຮູບການຢ່າງລຽນຕິດເລັ່ງທວງໃຫ້ບັນດາປະເທດຕ່າງໆກໍຄືອົງການລະຫວ່າງປະເທດທີ່ມີສິດອຳນາດຕ້ອງໄດ້ມີມາດຕາການແກ້ໄຂຄວາມທຸກຍາກປັບປຸງສະຫວັດດີພາບຂອງຄົນໃຫ້ດີຂຶ້ນ ເປັນຕົ້ນແມ່ນວັນທີ 1 ພຶດສະພາ 1886 ວັນກຳມະກອນສາກົນ, ວັນແມ່ຍິງສາກົນ 8ມີນາ 1910 ແລະ ອື່ນໆອີກ.

ໃນວັນທີ 17 ຕຸລາ 1987 ມີຝູງຊົນນັບແສນຄົນທີ່ມາຈາກທົ່ວໂລກ ໄດ້ຊຸມນຸມຢູ່ທີ່ສະໜາມຕະໂຣກາເດໂຣ (Place du Trocadéro) ທີ່ນະຄອນຫຼວງປາຣີ ປະເທດຝຣັ່ງ, ຜູ້ຊຸມນຸມໄດ້ຢືນຢັນຢ່າງເດັດດ່ຽວ ວ່າ: “ຄວາມທຸກຍາກ ບໍ່ແມ່ນສິ່ງທີ່ລຶບລ້າງໃຫ້ໝົດໄປບໍ່ໄດ້, ຊຶ່ງໄດ້ສະແດງເຖິງຄວາມສາມັກຄີເປັນປຶກແຜ່ນ ກັບທຸກຄົນ ທີ່ລຸກຂຶ້ນຕໍ່ສູ້ໃນທົ່ວໂລກເພື່ອລຶບລ້າງຄວາມທຸກຍາກ; ບ່ອນໃດທີ່ປະຊາຊົນຍັງດໍາລົງຊີວິດຈົມເລິກຢູ່ໃນຄວາມທຸກຍາກຢູ່ນັ້ນ, ສິດທິຂອງຄວາມເປັນມະນຸດແມ່ນຍັງບໍ່ທັນໄດ້ຮັບປະກັນເທື່ອ. ໜ້າທີ່ອັນສັກກາລະຂອງພວກເຮົາ ແມ່ນສາມັກຄີກັນເຂົ້າ ເພື່ອເຮັດໃຫ້ສິດທິດັ່ງກ່າວໄດ້ຮັບການເຄົາລົບ” 5 ປີຕໍ່ມາ, ກອງປະຊຸມສະມັດຊາໃຫຍ່ສະຫະປະຊາຊາດ ຄັ້ງທີ 93 ຈຶ່ງໄດ້ຮັບຮອງເອົາວັນທີ 17 ຕຸລາ ຂອງທຸກໆປີໃຫ້ເປັນວັນສາກົນ ເພື່ອລຶບລ້າງຄວາມທຸກຍາກ ຕາມມະຕິຕົກລົງສະບັບເລກທີ 47/196, ລົງວັນທີ 22 ທັນວາ1992.

    ສໍາລັບລາວ ໃນຖານະເປັນລັດສະມາຊິກຂອງອົງການສະຫະປະຊາຊາດ ທີ່ຖືເອົາການແກ້ໄຂຄວາມທຸກຍາກເປັນບຸລິມະສິດອັນດັບຕົ້ນຂອງນະໂຍບາຍຂອງຕົນ, ເວລາໃດກໍຍຶດໝັ້ນອຸດົມການໃນການນຳເອົາຄວາມສົມບູນພູນສຸກມາໃຫ້ປະຊາຊົນບັນດາເຜົ່າ, ໄດ້ສະແດງອອກເຖິງຄວາມມຸ່ງໝັ້ນໃນການຕໍ່ສູ້ລຶບລ້າງຄວາມທຸກຍາກຕະຫຼອດມາ. ກອງປະຊຸມວຽກງານລຶບລ້າງຄວາມທຸກຍາກທົ່ວປະເທດ ຄັ້ງທີ I ໃນໄລຍະວັນທີ17-19 ມີນາ 2003 ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ບຸນຍັງ ວໍລະຈິດ ໄດ້ຮັບຮອງເອົາວັນທີ 17-24 ຕຸລາ ເປັນວັນສາກົນ ແລະສັບປະດາແຫ່ງຊາດ ເພື່ອລຶບລ້າງຄວາມທຸກຍາກຢ່າງເປັນທາງການ.

error: Content is protected !!