ແອນດີ້ ເມີເຣ ອະດີດມື 1 ຂອງໂລກ ກັບມາຄວ້າແຊ້ມໃນຮອບ 2 ປີ

ແອນດີ້ ເມີເຣ ອະດີດມື 1 ຂອງໂລກ ກັບມາຄວ້າແຊ້ມໃນຮອບ 2 ປີ - advert banner 728 90 728x90 - ແອນດີ້ ເມີເຣ ອະດີດມື 1 ຂອງໂລກ ກັບມາຄວ້າແຊ້ມໃນຮອບ 2 ປີ

     ແອນດີ້ ເມີ​ເຣ ນັກ​ເທັນ​ນິ​ສ​ຊາວ​ສະ​ຫະ​ຣາ​ຊະ​ອາ​ນາຈັກ ໄວ 32 ປີ ອະ​ດີດ​ມື 1 ຂອງ​ໂລກ ກັບ​ມາ​ຄວ້າ​ແຊ້ມປະ​ເພດ​ຊາຍ​ດ່ຽວ​ອີກ​ຄັ້ງ​ໃນຮອບ 2 ປີ ກັບ 6 ເດືອນ ຫລັງຈາກ​ຜ່າ​ຕັດ​ແອວ​ທີ່​ເຈັບ​ຊ້ຳ ເຮື້ອ​ຫລາຍ​ເດືອນ. ໂດຍ ເມີ​ເຣ ສາ​ມາດ​ຄວ້າ​ແຊ້ມ​ລາຍ​ການ ຢູ​ໂຣ​ປ້ຽນ ໂອ​ເພັນ 2019 ທີ່ ອັນ​ເວັບ ປະ​ເທດ​ເບວ​ຢ້ຽມ ໃນ​ວັນ​ທີ 20 ຕຸ​ລາ, ຮອບ​ຊີງເອົາ​ຊະ​ນະ ສະ​ແຕນ ວາວ​ຣິນກ້າ ມື 4 ຂອງ​ລາຍ​ການ​ຈາກ ສະ​ວິດ 2-1 ເຊັດ: 3-6, 6-4 ແລະ 6-4.

ແອນດີ້ ເມີເຣ ອະດີດມື 1 ຂອງໂລກ ກັບມາຄວ້າແຊ້ມໃນຮອບ 2 ປີ - new3 - ແອນດີ້ ເມີເຣ ອະດີດມື 1 ຂອງໂລກ ກັບມາຄວ້າແຊ້ມໃນຮອບ 2 ປີ

     ການ​ກັບ​ມາ​ຄວ້າ​ແຊ້ມ​ໃນ​ຄັ້ງ​ນີ້ກາຍ​ເປັນ​ແຮງ​ບັນດານ​ໃຈ​ທີ່​ດີ​ໃຫ້​ແກ່ ແອນດີ້ ເມີເຣ ເພື່ອ​ກັບ​ມາ​ສ້າງ​ຜົນ​ງານເດັ່ນ​ອີກ​ຄັ້ງ ຫລັງ​ຈາກ 2-3 ລາຍ​ການ​ຜ່ານ​ມາ​ຕົກ​ຮອບ 1 ແລະ ຮອບ 2 ເທົ່າ​ນັ້ນ.

    ເມີ​ເຣ ອະ​ດີດ​ແຊ້ມ​ ແກ​ຣນ​ສະ​ແລມ 3 ສະ​ໄໝ ກ່າວ​ວ່າ: “ຕົນ​ເອງ​ມີ​ຄວາມສຸກ​ຫລາຍ​ກັບ​ການ​ກັບ​ມາຄວ້າ​ແຊ້ມ​ຄັ້ງ​ນີ້ ແລະ ມັນ​ມີຄວາມ​ໝາຍ​ຄວາມ​ສຳ​ຄັນຫລາຍ​ສຳ​ລັບ​ຂ້ອຍ ເພື່ອ​ຕໍ່​ສູ້ກັບ​ຄວາມ​ທ້າ​ທາຍ​ຕໍ່​ໄປ”.

     ປັດ​ຈຸ​ບັນ ແອນດີ້ ເມີ​ເຣ ຫຍັບ​ອັນ​ດັບ​ໂລກ​ຈາກ 243 ມາ​ຢູ່​ທີ 127 ຂອງ​ໂລກ.

error: Content is protected !!