ຮອງເຈົ້າແຂວງຊຽງຂວາງລົງກວດກາການກໍ່ສ້າງບ້ານຈັດສັນ ໂຄງການເຂື່ອນໄຟຟ້ານ້ຳງື່ມ 3

ຮອງເຈົ້າແຂວງຊຽງຂວາງລົງກວດກາການກໍ່ສ້າງບ້ານຈັດສັນ ໂຄງການເຂື່ອນໄຟຟ້ານ້ຳງື່ມ 3 - advert banner 728 90 728x90 - ຮອງເຈົ້າແຂວງຊຽງຂວາງລົງກວດກາການກໍ່ສ້າງບ້ານຈັດສັນ ໂຄງການເຂື່ອນໄຟຟ້ານ້ຳງື່ມ 3

ແຫຼ່ງຂ່າວທ້ອງຖິ່ນລາຍງານວ່າ: ເມື່ອທ້າຍອາທິດຜ່ານມານີ້, ທ່ານ ບົວສອນ ສີນວນທອງ ຮອງເຈົ້າແຂວງໆຊຽງຂວາງ ພ້ອມດ້ວຍຜູ້ຕາງໜ້າບໍລິສັດຮັບເໝົາກໍ່ສ້າງພື້ນຖານໂຄງລ່າງບ້ານຈັດສັນໃໝ່ (ບ້ານ ຊຽງແດດ) ແລະ ຮອງຜູ້ອໍານວຍການໃຫຍ່ບໍລິສັດໄຟຟ້ານ້ຳງື່ມ 3 ພາວເວີຈຳກັດ, ບໍລິສັດພູທີ່ປຶກສາສິ່ງແວດລ້ອມ (ຮັບເໝົາຟື້ນຟູຊີວິດການເປັນຢູ່) ໄດ້ລົງເຄື່ອນໄຫວຕິດຕາມ ກວດກາການກໍ່ສ້າງບ້ານຈັດສັນ ແລະ ໂຄງລ່າງພື້ນຖານ ບ້ານ ຊຽງແດດ ເມືອງ ພູກູດ ແຂວງ ຊຽງຂວາງ ຂອງໂຄງການເຂື່ອນໄຟຟ້ານ້ຳງື່ມ 3, ໂດຍໄດ້ໄປເບິ່ງການກໍ່ສ້າງເຮືອນ, ເສັ້ນທາງ, ສຸກສາລາ, ໂຮງຮຽນ, ສວນສາທິດ, ສິ່ງແວດລ້ອມ ແລະ ສັງຄົມ, ແລະ ໄດ້ຮັບຟັງລາຍງານຈາກຫ້ອງການສິ່ງແວດລ້ອມບໍລິສັດນ້ຳງື່ມ 3 ວ່າ:

ຮອງເຈົ້າແຂວງຊຽງຂວາງລົງກວດກາການກໍ່ສ້າງບ້ານຈັດສັນ ໂຄງການເຂື່ອນໄຟຟ້ານ້ຳງື່ມ 3 - new3 - ຮອງເຈົ້າແຂວງຊຽງຂວາງລົງກວດກາການກໍ່ສ້າງບ້ານຈັດສັນ ໂຄງການເຂື່ອນໄຟຟ້ານ້ຳງື່ມ 3

ມາຮອດປັດຈຸບັນ ວຽກງານກໍ່ສ້າງບ້ານຈັດສັນໃໝ່ຊຽງແດດ ມີຄວາມຄືບໜ້າ 64%, ວຽກງານຟື້ນຟູ ແລະ ປັບຊີວິດການເປັນຢູ່ຂອງປະຊາຊົນ,  ວຽກງານກິດຈະກຳສວນສາທິດ, ການຜະລິດທໍ່ສົ່ງນ້ຳ, ການກໍ່ສ້າງເຂື່ອນ ແລະ ວຽກງານອື່ນໆປິ່ນອ້ອມແມ່ນ ປະຕິບັດຕາມແຜນການວາງໄວ້. ໃນໂອກາດນີ້ ກໍໄດ້ຮັບຟັງການສະເໜີຂອງປະຊາຊົນຕໍ່ບໍລິສັດເພື່ອໃຫ້ ເກັບກຳຂໍ້ມູນຄືນເນື້ອທີ່ດິນຕົກຄ້າງ, ການຍົກຍ້າຍປ່າຊ້າຂອງບ້ານ ແລະ ບັນຫາອື່ນໆ.

ຮອງເຈົ້າແຂວງຊຽງຂວາງລົງກວດກາການກໍ່ສ້າງບ້ານຈັດສັນ ໂຄງການເຂື່ອນໄຟຟ້ານ້ຳງື່ມ 3 - 121 1024x683 - ຮອງເຈົ້າແຂວງຊຽງຂວາງລົງກວດກາການກໍ່ສ້າງບ້ານຈັດສັນ ໂຄງການເຂື່ອນໄຟຟ້ານ້ຳງື່ມ 3

ເພີ່ມທະວີແກ້ໄຂໃຫ້ເໝາະສົມ ໂອກາດນີ້ທ່ານຮອງເຈົ້າແຂວງໆຊຽງຂວາງ ໄດ້ມີຄຳເຫັນໂອ້ລົມ ຊີ້ນຳບໍລິສັດ ໃຫ້ຮີບຮ້ອນກໍ່ສ້າງນ້ຳລິນ, ສ້າງເສັ້ນທາງໄປປ່າຊ້າ, ກຳນົດບ່ອນຖິ້ມຂີ້ເຫຍື້ອເພື່ອສ້າງເປັນບ້ານຕົວແບບພາຍໃນແຂວງ, ຮຽກຮ້ອງໃຫ້ປະຊາຊົນມີຄວາມເຂົ້າໃຈໃນການພັດທະນາ, ການດຳລົງຊີວິດມີການປ່ຽນແປງ,ຮ່ຳຮຽນເອົາວິທີ ເຕັກນິກການປູກຝັງລ້ຽງສັດຈາກສວນສາທິດ, ມີແນວຄິດສ້າງສາພັດທະນາ ແລະ ກຸ້ມຕົນເອງຕາມທິດສີຂຽວຍືນຍົງ.

error: Content is protected !!