ແປ້ງເດັກ ຈອນສັນ ຖືກຮຽກເກັບຄືນ ກວ່າ 33.000 ກ່ອງໃນສະຫະລັດອາເມລິກາ

ແປ້ງເດັກ ຈອນສັນ ຖືກຮຽກເກັບຄືນ ກວ່າ 33.000 ກ່ອງໃນສະຫະລັດອາເມລິກາ - advert banner 728 90 728x90 - ແປ້ງເດັກ ຈອນສັນ ຖືກຮຽກເກັບຄືນ ກວ່າ 33.000 ກ່ອງໃນສະຫະລັດອາເມລິກາ

ຮຽບຮຽງໂດຍ: ລູກເມືອງພວນ

ແປ້ງເດັກ ຈອນສັນ ຖືກຮຽກເກັບຄືນ ກວ່າ 33.000 ກ່ອງໃນສະຫະລັດອາເມລິກາ - new3 - ແປ້ງເດັກ ຈອນສັນ ຖືກຮຽກເກັບຄືນ ກວ່າ 33.000 ກ່ອງໃນສະຫະລັດອາເມລິກາ

ບີບີຊີ (BBC) ວັນທີ 20 ຕຸລານີ້ ໃຫ້ຮູ້ວ່າ: ບໍລິສັດ ‘ຈອນສັນ ແອນ ຈອນສັນ’ ຖະແຫຼງການໃນມື້ວັນສຸກທີ່ຜ່ານມາ(18 ຕຸລາ 2019)ວ່າ: ບໍລິສັດໄດ້ຮຽກເກັບຄືນແປ້ງເດັກຈອນສັນຈຳນວນ 33.000 ກ່ອງ ທີ່ຂາຍໃນສະຫະລັດ ຫຼັງສຳນັກງານຄະນະກຳມະການອາຫານ ແລະ ຢາ(FDA) ຂອງສະຫະລັດ ກວດພົບເຫັນແປ້ງເດັກໃນຮ້ານສິນຄ້າ 22318RB ທີ່ຂາຍອອນລາຍ ມີເສດເຫຼືອ ຂອງແຮ່ໃຍຫີນເຈືອປົນຢູ່ ຊຶ່ງເປັນສານກໍ່ໃຫ້ເກີດມະເຮັງ ແລະ ທັງເປັນຕົວນຳໄປສູ່ການເປັນພະຍາດເຍື້ອຫຸ້ມປອດອີກດ້ວຍ.

ເຈົ້າໜ້າທີ່ຂອງສະຫະລັດອອກມາເຕືອນຜູ້ບໍລິໂພກທີ່ຊື້ແປ້ງເດັກໃນຊຸດດັ່ງກ່າວໃຫ້ຢຸດໃຊ້ທັນທີ ແຕ່ບໍລິສັດອອກມາແກ້ຂ່າວວ່າ ໄດ້ມີການກວດສອບແລ້ວ ກ່ອນທີ່ຈະນຳເອົາສິນຄ້າອອກໄປວາງຂາຍ ຊຶ່ງບໍ່ໄດ້ພົບເຫັນແຮ່ດັ່ງກ່າວແຕ່ຢ່າງໃດ.ເຫດການດັ່ງກ່າວ ນັບວ່າເປັນຄັ້ງທຳອິດທີ່ບໍລິສັດອອກມາຮຽກເກັບຄືນແປ້ງເດັກຈາກຂໍ້ຫາວ່າມີແຮ່ໃຍຫີນປົນເປື້ອນຢູ່ ແລະ ກໍເປັນຄັ້ງທຳອິດທີ່ມີການກວດພົບເຫັນ ແຮ່ໃຍຫີນໃນສິນຄ້າດັ່ງກ່າວ. ເຫດການດັ່ງກ່າວ ໄດ້ເຮັດໃຫ້ຮຸ້ນຂອງບໍລິສັດຕົກລົງ 3% ທັນທີ.

ຄະດີຄວາມຍັງບໍ່ສິ້ນສຸດພຽງເທົ່ານີ້ປັດຈຸບັນບໍລິສັດຈອນສອນ ແອນ ຈອນສັນ ຖືກຮ້ອງຟ້ອງຫຼາຍກ່ວາ 15.000 ຄະດີ ຊຶ່ງຖືກກ່າວຫາວ່າ ຜະລິດຕະພັນ ທາຜິວ ແລະ ນັບທັງແປ້ງເດັກທີ່ກໍ່ໃຫ້ເກີດພະຍາດມະເຮັງຕໍ່ຜູ້ໃຊ້ຜະລິດຕະພັນດັ່ງກ່າວ.

ວັນສຸກທີ່ຜ່ານມາ ຄະນະທະບຽນສານກໍໄດ້ລົງມະຕິໃຫ້ບໍລິສັດຈອນສັນ ແອນ ຈອນສັນ ຈ່າຍຄ່າເສຍຫາຍໃນຈຳນວນ 8.000 ລ້ານໂດລາສະຫະລັດ ຍ້ອນບໍລິສັດບໍ່ໄດ້ອອກມາເປີດເຜີຍຄວາມເປັນອັນຕະລາຍຂອງຢາລະງັບອາການທາງຈິດຕາມຄວາມເປັນຈິງ.ເຖິງແມ່ນວ່າ ບໍລິສັດດັ່ງກ່າວ ໄດ້ອອກມາຢືນຢັນສິນຄ້າຂອງພວກຕົນເຖິງຄວາມປອດໄພແລ້ວກໍຕາມ ແຕ່ເມື່ອຫຼາຍປີຜ່ານມາ ສຳນັກຂ່າວ ຣອຍເຕີ  ແລະ ໜັງສືພິມ ເດິນິວຢອກອອກມາເປີດເຜີຍຜົນຂອງການກວດສອບໃຫ້ເຫັນວ່າ ຜະລິດຕະພັນແປ້ງຂອງບໍລິສັດດັ່ງກ່າວມີແຮ່ໃຍຫີນ ປົນເຈືອຢູ່ຈິງ.

——————————

error: Content is protected !!